بەلاغی كۆتایی كۆنفرانسەكەی پەرلەمانی ئەوروپا سەبارەت بە كۆمەڵكۆژی كوردان لە درسیم

Saturday, 21/11/2009, 12:00

پەرلەمانی ئەوروپا میوانداری كۆنفرانسێكی گرنگی سەبارەت، بە كۆمەڵكوژی كوردانی لە دەرسیم كرد. كۆفرانس لەسەر ڕووداوەكانی 1937 و 1938 كە لە دەرسیم كەوتەوە و رۆلێ دەوڵەتی تورك لە كۆمەڵكوژیەدا ،دەستی بەكارەكانی كرد و دوێنیش كۆتایی هات و بەلاغی كۆتایش راگەێندرا. لە بەلاغەكە دا هاتووە: كۆماری توركیا گەورەترین كۆمەلكوژی لە میژووی خۆی دا لە دیرسیم پێك هێنا و ڕاگەێندرا كە ئەوەش بە بەلگەكانی خودی ئەرتەشی تورك وپەرلەمان و بڕیاری 4 گوڵانی دەستەی وەزیرانی تورك و ئیفادی شایەتحاڵ و قوربانیان پشراست كراوەتەوە.
لە بەشێك لە داخوازیەكانی بەشداران لە كۆماری توركیا ،بەم شیوەیە ریز كراوە:
-كۆماری توركیا دەبیت لەگەڵ رابردووی خۆی دا ڕووبەڕوو ببێتەوە.بۆ ئەوەش دەبیت ئارشیفەكان ئاشكرا بكرین.پێویستەكان بەرپرسیاری یاسایی نیونەتەوەیی لەبەرامبەر كۆمەلكوژیەكەدا بگیرێنە بەر.
-دەبێت چارەنوسی مندالانی كچ كە لە كاتی كۆمەلكوژیەكە دا لە بنەمالەكانیان سەندران،ئاشكرا بكریت.
- بنەماڵەی سەیدا ڕەزا لە شوێنی گۆڕەكەی خۆی و كوڕەكەی ئاگادار بكرێنەوە.
-جەهەپەش بە هۆی پێشنیاری كۆمەلكوژكردنی كوردان ،لە سوسیال ئەنتەر ناسیۆنال وەدەر بخرێت.
- دروستكردنی بەنداوەكان لە دێرسیم ڕاگیرێت.
-دەبیت ناو رەسەنەكەی دێرسیم بۆ بەگەڕێتەوە.
هەروەها لە بەڵگەكەش دا داوای دەستەبەركردنی مافە دیموكراتیەكانی عەلەویەكانیش كراوە.