لەشاری هەولێر مردنی بە پەتای ئەنفلۆنزا راگەیاندرا
Thursday, 03/12/2009, 12:00
وەزارەتی تەندروستی چوارەم حاڵەتی مردنی بەئەنفلۆزای بەراز لەشاری هەولێر ڕاگەیاند. وتەبێژی وەزارەتی تەندروستی خالس قادر ڕایگەیاند كە ژمارەی توشبوان بەو نەخۆشیە لەهەرێمی كوردستان گەیشتە 66 حالەت كە 42 حالەت لەشاری هەولیربوەو یەكێك گیانی لەدەستداوە و 21 حالەت لەشاری سلیمانی بوەو سێ كەس گیانی لەدەستداوە و 3 حالەتیش لەشاری دهۆك تۆماركراوە.
راشیگەیاند سەرجەم ئەو حاڵەتانە جگە لەو چواركەسەی گیانیان لەدەستداوە چاكبونەتەوەو چارەسەری پێویستیان وەرگرتوەو لەنەخۆشخانە دەرچوون, داواشی لەهاووڵاتیانی هەرێمی كوردستانكرد كەمتەرخەمی نەكەن لە پەیرەوكردنی رێنماییە خۆپارێزییەكان كە وەزارەتی تەندروستی رایگەیاندووە.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
