به‌ ئینگلیزی و کوردی ئاخفی: to be or not to be (ڤیدیۆ)

Thursday, 16/12/2010, 12:00

ئاژانسه‌کان سه‌ڤاهیر بایندر په‌رله‌مانتار له‌ سه‌ر لیستی به‌ده‌په‌، به‌ دار شه‌ققه‌که‌ی چوه‌ به‌رده‌م میکرۆفۆنی په‌رله‌مان و گوتی ده‌وڵه‌ت ته‌نیا ئه‌مه‌ی به‌ ژنانی کورد ره‌وا بینیوه‌.

بایندر له‌و په‌رله‌مانتارانه‌ توڕه‌ بوو که‌ گاڵته‌یان پێکرد و گوتی: تکایه‌ له‌ به‌ر خۆتانه‌وه‌ قسه‌ مه‌که‌ن و بێده‌نگ بن، ئه‌و گۆپاڵه‌ ناسنامه‌ی منه‌.

پاشان بایندر رسته‌یه‌کی شکسپیری هێنایه‌وه‌ و به‌ ئینگلیزی گوتی to be or not to be، و گوتی خۆ به‌و رسته‌یه‌ توڕه‌ نه‌بوون که‌ ئینگلیزییه‌.

پاشان ئه‌و رسته‌یه‌ی بۆ په‌رله‌مانتاران به‌مشێوه‌یه‌ وه‌رگێڕایه‌ سه‌ر زمانی کوردی ببی یان نه‌بی.

سه‌ڤاهیر گوتیشی: ده‌وڵه‌ت و حکومه‌ت، نکۆڵی له‌ کورد، ژنی کورد و زارۆکی کورد ده‌کا، یانی دروشمه‌که‌ی ئاوایه‌ تۆ هه‌شبی، تۆ نی. ده‌وڵه‌ت ته‌نیا ئه‌مه‌ بۆ ژنانی کورد و په‌رله‌مانتارانی کورد به‌ڕه‌وا ده‌بینێ.

شیاوی ئاماژه‌پێکردنه‌ سه‌ڤاهیر بایندر له‌ خۆپێشاندانێکدا له‌ شاری شیرنه‌خ له‌ لایه‌ن هێزه‌کانی پۆلیسی تورکیاوه‌ بریندار کرا.
http://videonuz.ensonhaber.com/izle/sevahir-bayindir-meclis-koltuk-degnekli-konusmasi