ویكیلیكس: تاڵه‌بانی و مالیكی هاوكاربوون له كوشتنی 350 زانای عێراقی
Sunday, 12/12/2010, 12:00
ماڵپه‌ڕی ویكیلیكس له‌به‌ڵگه‌نامه‌كانیدا نهێنی زیاتری له‌باره‌ی جه‌لال تاڵه‌بانی سه‌رۆك كۆماری عێراق و نوری مالیكی سه‌رۆك وه‌زیرانی عێراق بڵاوكرده‌وه.
به‌پێی به‌ڵگه‌نامه‌كه هه‌ریه‌كه له تاڵه‌بانی‌‌و مالیكی به‌پێدانی زانیاری هاوكاربوون له كوشتنی زیاتر له 300 زانای ئه‌تۆمی عێراقی كه ئاماده‌ی هاوكاریكردن نه‌بوون له‌گه‌ڵ ئه‌مه‌ریكا.
به‌پێی به‌ڵگه‌نامه‌یه‌كی وه‌زاره‌تی ده‌ره‌وه‌ی ئه‌مه‌ریكا كه بۆ جۆرج بۆشی سه‌رۆكی پێشووی ئه‌مه‌ریكا به‌رزكراوه‌ته‌وه، واشنتۆن گڵۆپی سه‌وزی بۆ مۆساد هه‌ڵكردووه بۆ كوشتنی 350 زانای ئه‌تۆمی عێراقی.
به‌ڵگه‌نامه‌كه ئه‌وه‌شی ئاشكراكردووه كه هه‌ریه‌كه له جه‌لال تاڵه‌بانی و نوری مالیكی هاوكاری تیمێكی ئه‌مه‌ریكیان كردووه كه به‌رپرس بوون له كۆكردنه‌وه‌ی زانیاری سه‌باره‌ت به‌و زانا ئه‌تۆمییانه.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
