شەوی شەمە 4ی نیسان ، كە هاوتایە  لە گەڵ یاداوەرییە تاڵەكانی ئەنفالی فایلی و ئەنفالی سی ، كەناڵی ئاسمانی  روداو  لە شاشەكەی راستەوخۆ پەخشی وتەكانی تاوانبار عزەت ئیبراهیمی جیگیری سەدام حوسینیان  كرد، ئەمەش سوكایەتییە بە خوینی قوربانیان لە ژیر بەهانەی ئازادی كاری رۆژنامەگەری .

ئیمە  لە روداو دەپرسین ، ئایا جولەكەكان قەبوڵ دەكەن لە كەناڵیكی راگەیاندنی جووەوە كە بە پارەی ئەوان بەرِیوە بچیت ، جیگیری هیتلەر راستەوخۆ وتەكانی پەخش  بكریت ؟ ئەی ئەرمەنەكان ؟.

ئەمە چەندەمین  جارە لە هەندیك كەناڵی كوردییەوە  لە ژیر ناوی ئازادی رۆژنامەگەری یاری بە شعوری بنەماڵەی قوربانیان و جەماوەری كوردستان دەكریت.

راگەیاندنی مولتەزم سنورەكانی خۆی دەزانیت بی ئەوەی ئازادییەكان بەرتەسك  بكاتەوە لە زۆربەی قوربانیان و ببیتە ئامرازیك بۆ سپی كردنەوەی  تاوانباران .

ئیمە داواكارین هیچكە  ریگا نەدریت  تۆمەتبارانی تاوانە مەزنەكان كەڵك لە كەناڵەكانی  راگەیاندن  وەربگرن بۆ سپی كردنەوەی رابردوویان  ، تا ئەو كاتەی دادگا بی تاوانیان  دەسەلمینیت .

كوردستان بی جینۆساید

Kurdistan without genocide

5-4-2015

كوردستان بی جینۆساید  رِیكخراویكی سیڤیلی  سوود نەو‌یستی سەربەخۆیە، پشتیوانی  داواكاری بنەماڵەی قوربانیانە لە كوردستان ،كار دەكات لەسەر پرسەكانی  تاوانی ژینۆساید و تاوانی جەنگ و تاوانی دژ بە مرۆڤایەتی  و  بنەبرِكردنی شوینەواری جەنگ و چەسپاندنی ئاشتی  لە كوردستان، ئەندامی ریكخراوەكانی ئاشتی جیهانی و  جینۆساید جیهان و هاوپەیمانی جیهانی بۆ دادگای تاوانی نیو دەوڵەتی و ئایكانە .