به 4 ملیۆن دۆلار، یه‌كێتی له‌هه‌ولێر پێنج دۆنم زه‌وی بۆ نووسینگه‌ی دكتۆر به‌رهه‌م ده‌كڕێت
Monday, 23/11/2009, 12:00
ئیداره‌ی گشتی یه‌كێتی نیشتمانی كوردستان 5 دۆنم زه‌وی له سه‌ر رێگای كه‌سنه‌زان هه‌ولێر به 4 ملیۆن دۆلار له كه‌سێك به‌ناوی شێخ هادی ده‌كڕێت‌و وابڕیاره ئه‌و زه‌ویه بكرێت به نووسینگه‌ی دكتۆر به‌رهه‌م ساڵح وه‌ك سه‌رۆك وه‌زیرانی هه‌رێمی كوردستان.
سه‌رچاوه‌یكی نزیك له سه‌رۆكایه‌تی ئه‌نجومه‌نی وه‌زیرانی حكومه‌تی هه‌رێمی كوردستان بۆ هاوڵاتی ئاشكراكرد كه ئه‌و زه‌ویه موڵكی كه‌سێك بووه به‌ناوی شێخ هادی‌‌و ده‌كه‌وێته سه‌ر رێگه‌ی هه‌ولێر‌و 5 دۆنم زه‌ویه‌‌و پێنج بینای گه‌وره‌ی تێدا دروستكراوه.
ئه‌و سه‌رچاوه تایبه‌ته ئه‌وه‌شی خسته‌ڕوو كه كڕینی ئه‌م موڵكه له‌سه‌ر پێشنیازی كۆسره‌ت ره‌سوڵ بووه‌‌و به‌ناوی ئیداره‌ی گشتی یه‌كێتییه‌وه‌یه‌و په‌یوه‌ندی به‌هیچ به‌رپرسێكی ناو یه‌كێتییه‌وه نییه، جگه له‌م موڵكه‌ش ئیداره‌ی گشتی خه‌ریكی كڕینی هه‌ندێك موڵكی تره له هه‌ولێر، جگه له‌وه‌ی له سلێمانی ده‌یان موڵك‌و مومته‌له‌كاتی گه‌وره‌ی تری كڕیووه.
هاوڵاتی هه‌وڵیدا په‌یوه‌ندی به‌خاوه‌ن موڵكه‌كه‌وه بكات، به‌ڵام له‌به‌ر ئه‌وه‌ی ئه‌و له‌ده‌ره‌وه‌ی وڵات بوو، په‌یوه‌ندییه‌كه دروستنه‌بوو.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
