ماندی نەبی مەسعود !!

Saturday, 26/06/2010, 12:00

مەسعود ڤێ جارێ ژی تە خێرو بەركەت ئینان بو وەلاتی، وەغەرەكا سەركەفتی بو وەكی هەرجار دەمێ تو دبێژی، لێ تشتێ ژهەمیا گرنگتر تە بو مە ژتوركیای ئینای ئەو بو ئەردوگانی بكوردی گوتیە تە تو بخيرهاتی، پشتی هینگێ بچ ئەزمانێ دی لگەل تە ئاخافت، بئنگلیزی? چونكی سەروكێت جیهانێ هەمی ئنگلیزیێ دزانن و زمانەكێ جیهانیە، مەسعود بارزانی تە ژبەرهندێ گوتیە توركیا یا پێنكاڤێت بەرفرهە بەرەف پێشڤە دهاڤێژیت و یاڤەكریە كو ئەردوگانی بكوردی گوتە تە تو بخێرهاتی، ئەرێ حوكمەتا دیموكراتی و ڤەكری ئەڤەیە ڕوژانە توركیا یا لنگێت خو ددانیتە سەر پیروزیا
ئاخا هەرێما باشورێ كوردستانێ و بفڕوكا و توپا ئاخا كودستانێ دكێلیت?
لهاتنا تە بو وەلاتی تە گوت توركیا بو جارا ئێكێ ئەز بفەرمی داخازكر بوم وەك سەروكێ هەرێمێ و دان بهەرێما كوردستانێ دا، لێ مە لڕاگەهاندنا دیت و گوهلێ بو تو وەك زەنگینەك یان بازرگانەك یێ چویە توركیا، هەروەكی ئەحمەد داود ئوغلوی گوتی، ئەرێ پا بوچی پێشوازیا سەروكا بوتە نەهاتە كرن و چ رویێ سەروكا نەداتە? بوچی ناسناما تە نیشاتە نەدا كو ئالایێ تەبو? دیسان مە ناڤێ هەرێما كوردستانێ و سەروكێ هەرێما كوردستانێ ژدەڤێت بەرپرسێت توركا گوهلێ نەبو.
تو وەسان خو دیاردكەی كو كەسەكێ ئاشتی خوازی و تە خوینڕژتن نەڤێت، ئەڤە هەلوێستەكێ مروڤانەیە! ژبەر كو لڤان ڕوژێت بوری هندەك چالاكی پەیدا بون لناڤبەرا چەكدارێت كورد و لەشكەرێ داگیركەرێ تورك ڤە، تە ئەو چالاكیە شەرمەزار كرن، لێ سەروك ئەڤە پتر ژسالەكێ بو وان چەكدارا شەڕ ڕاوەستاندی و داخازا دانوستاندێ دكر و هیڤیا وان دوزا كوردی بتەناهی و ئاشتی بهێتە چارەسەر كرن لێ ئەوێ بكوردی گوتیە تە تو بخێرهاتی ڕازی نەبو، داخازا وان دوزا كوردی ببرایینی بهێتە چارەسەر كرن لێ یێ بكوردی گوتیە تە تو بخێرهاتی ڕازای نەبو، بهەڤالینی و بدوستی و بمروڤاینی و
بدیموكراسی، لێ سەروك تورك لبەرنەهات، تو چ ڕێكادی دبینی? دەست داهێلن و خو بدەنە دەست وان بنگەهێت لەشكەرێ داگیركەرێ تورك ئەوێت لكانی ماسێ و بامەرنێ و ئامێدیێ.
ئەرێ سەروك!! تو بەحسێ ڤەكرن و دیموكراسی كرنا توركێ داگیر كەر دكەی، ما تو نزانی هەمی دەستورێ كەمال پاشایێ شوڤێنی ناگونجیت دگەل دەستورێ ڕژێما ئیسلامی یا ئەردوگانی، ئەو بەندێت نەگونجن لگەل دەستورێ ڕژێما سەربڕا ئیسلامی ڕەنگە بهێنە گوهرین، لێ ئێك زمان، ئێك نەتەوە، ئێك ئالا دێ هەرمینیت.
سەروكی! دانوستاند كر لگەل توركا ژبەر ماددێ 140 ێ، تە چ گوتە توركا و توركا چ ژتە خواست سەروك، ئەڤ ماددە یێ لدەستورێ عێراقێ هاتیە نڤێسین پێدڤیە ڕەشەكێت تە لبەغدا چارەسەر بكەن نە تو لئەنقەرێ، لێ ژبەر بەخت ڕەشیا كوردا چ نوێنەر و سەروكێت وەسا نینن داخازو مافێت كوردا لگەل نەیارێت وان بزانن چارەسەر بكەن.
مەسعود بارزانی هەمی كەس بكریارێت چاك و باش دسەر بلندن وحەز دكەن خەلك بزانن، تو چەند مەدحێت توركا بكەی ئەم ژتوركا باوەر ناكەین چونكە تورك داگیركەرێت وەلاتتێ مەنە، لێ تو چوی فەرنسا مە چ نەزانی ژسەرەداناتە بتنێ مە زانی ژدەسگەهێت پارتی كو فرەنسا پێشوازیا تە یاكری وەك سەروكێ دەولەتەكێ و چ تشتێ دینە، تو دێ ئەنجامێ سەرەدانا خو بتنێ بو كەسێت لڕەخ و دورێت خو بێژی، ئەرێ باشە ئەمژی هاولاتیێت كوردستانێ نینین، ئەڤە سێ جارا مالێت مە هاتنە سوتن و خویشك و برا و پسمام و دایك و باب یێت شەهید بوین، مەژی دڤێت توژی یێ ڤەكری بی و هەمی تشتا بومە بێژی
چونكە مە دڤێت بڕویمەت و ئازاد بژین.