کۆمیته‌ی رێکخستنی دانیمارك: کۆبوونه‌وه‌ی به‌رنامه‌ی تازه بۆ ٤ ئه ندام ده‌به‌ستێت * داوه‌شێن وه‌ك داوه‌شاون
Thursday, 27/01/2011, 12:00
سیاسه‌ت له‌وڵاتی ئێمه ھه‌ندێک موکاشه‌فه‌ی گه‌ره‌که. ھه یه وه‌ک ئه‌وه‌نا رۆژانه گوێی خه‌ڵك به‌ده‌له‌سه‌ی موکاشه‌فه کاس ده‌که‌ن و له‌ئه‌سڵدا مه‌به‌ست لێی شاردنه‌وه‌ی راستییه گرنگه‌کانه. ئه‌و جۆره موکاشه‌فانه جادووگه‌ری و فێڵوفه‌ره‌جه که له‌سه‌د کێشه‌ی گه‌وره‌و بچووکی ئه‌م وڵاته دوو که‌یسی له‌سه‌ر پێوه‌ری به‌رژه‌وه‌ندییه‌کانی خۆی بژارده‌کا و وه‌ک راستی ره‌ھا به‌خه‌ڵکی ده‌فرۆشێته‌وه ھه‌تا ئه‌مجۆره پێوانه‌یه له‌کایه‌دا بێت ده‌ورانی موکاشه‌فه‌ی راسته‌قینه ده‌ست پێناکات به‌ڕای به‌نده، که ناخوازم ڕاستی بۆ خۆم پاوان بکه‌م موکاشه‌فه‌ی بابه‌تی ئه‌وه‌یه ھه‌ر بابه‌تێك که‌ده‌بێته ئه‌جێندای شه‌ئنی گشتی له‌ھه‌موو ره‌ھه‌نده‌کانییه‌وه تاوتوێ بکرێت. بڕیاری پێشوه‌خت و حوکمی ئایدیۆلۆژی نه‌بێتـه پێوه‌ری ره‌ھا، ئه‌مه‌ش به‌پله‌ی یه‌که‌م ئه‌رکی رۆژنامه‌وانی وڵاتی ئێمه‌یه وه‌ختێک ده‌یه‌وێ نه‌ختێک نرخ و فامی تێدا مابێت و به‌ھای نوێ له‌کورده‌واریدا جێگیر بکات. ھه‌موو که‌سێك شمه‌کی خۆی خۆشده‌وێت و واده‌زانێت له‌وه باشتر له‌بازاڕدا نییه، به‌ڵام بازاڕ پڕه له‌شمه‌کی تر. ئێمه زۆرجار گوێمان له‌قسه‌ی ره‌خنه‌گران ده‌بێت له‌سه‌ر دیارده‌ی به‌پیرۆزکردنی سه‌رکرده و سه‌روه‌رییه‌کانی رابردوو و خه‌باتی کوردایه‌تی .
ڕاگه‌یاندنی کۆمیته‌ی رێکخستنی دانیمارک::
به ئامه‌ده‌بوونی هه‌ڤال سه‌ردار محمه‌د به‌رپرسی کۆمیته‌ی دانیمارك به یاوه‌ری کارگێرانی کۆمیته هه‌ڤالان جافه‌ر وه‌یسی و وشیار جه‌لال له که‌رتی رێکخستنی ئۆلبۆرگی تێکۆشه‌ر کۆبوونه‌ی ئه‌نجوومه‌نی که‌رت له ٢٢ / ١ / ٢٠١١ به‌رێوه‌چوو.
دوابه‌دوای کۆبوونه‌وه‌که‌ی ئه‌نجوومه‌نی ناوه‌ندی ده‌ره‌وه له‌پێناوی خۆ ئاماده‌کردن بۆ به‌رنامه‌و په‌یره‌وی تازه و به‌ره‌و پێشه‌وه چوون له جێ به‌جێ کردنی نه‌خشه‌ی چاکسازی و نوێکردنه‌وه له‌گه‌ل ئه‌نجوومه‌نی که‌رتی ئۆلبۆرگ کۆبوونه‌وه‌یک ئه‌نجام درا.
پێشه‌کی کۆبوونه‌وه‌که به ده‌قیقه‌یه‌ک وه‌ستان بۆ رێزلێنان له گیانی پاکی شه‌هیدانی کوردو کوردستان له‌لایه‌ن به‌رپرسی که‌رت هه‌ڤال به‌رزان جه‌بار ده‌ستی پێکرد .
له‌ژێر رناکی مه‌ڵبه‌ندی ده‌ره‌وه‌ی (ی.ن.ك)و له‌پێناو خۆئاماده‌کردن بۆ به‌رنامه و په‌یڕه‌وی تازه و به‌مه‌به‌ستی به‌ره‌وپێشه‌وه‌چوون له جێبه‌جێکردنی نه‌خشه‌ی چاکسازی و نوێکردنه‌وه‌دا، رۆژی ٢٢ / ١ / ٢٠١١ دا ، ئه‌نجومه‌نی که‌رتی رێکخستنی ئۆلبۆرگ کۆبووه‌وه‌ی خۆیان سازدا. کۆبوونه‌وه‌که به ئاماده‌بوونی (سه‌ردار محه‌مه‌د) که (وه‌ك شێت خانه‌نشین کراوه) ، به‌رپرسی کۆمیته‌ی رێکخستنی دانیماركه ، و به یاوه‌ری (جافه‌ر وه‌یسی) : کارگێڕی که‌رتی ئۆغوس، که چه‌ند که‌سێك وه‌ك یه‌کێتی له ده‌وروبه‌ری ماون ، و(هۆشیار جه‌لال): کارگێڕی که‌رتی ڤایله ، که ته‌نها خۆی و دوو یان سێ که‌سی دی یه‌کێتین له هۆرسنن ، خۆ له ڤایله چۆله‌که‌یه‌کیشیان له‌گه‌ڵدا نیه ، که‌چی ناویشیان لێناوه : (که‌رتی ڤایله) . به هه‌رحاڵ کۆبوونه‌وه‌که به‌ڕێوه چوو. سه‌ره‌تا كۆبوونه‌وه به‌ساتێك وه‌ستان بۆگیانی پاکی شه‌هیدانی کورد و کوردستان ده‌ستیپێكرد.
له كۆبوونه‌وه‌که‌دا ، (به‌رزان جه‌بار) به‌رپرسی که‌رتی ئه‌لبۆرگ ، باسی له کار و چالاکی که‌رته‌که‌ی کرد و هه‌روا باسیشی له گرنگی رۆڵی ماڵی کورد کرد له کۆکردنه‌وه‌ی ڕه‌وه‌ندی کورد ، له‌و ده‌ڤه‌ری ئۆلبۆرگ ، دواتر جه‌ختیکرد له‌سه‌ر گرنگیدان به ماڵی کورد و به‌شداریکردن له کارو چالاکییه‌کانیدا . پاشان سوپاس و ده‌ستخۆشی ئاڕاسته‌ی هه‌ڤاڵانی که‌رت کرد و به‌شداریکردنیانی له چالاکییه‌کاندا به‌رز نرخاند ، که گوایه خۆ به‌خشانه وپێشمه‌رگه‌ئاسا بۆ گه‌شه‌پێدانی که‌رته‌که‌یان ، و هه‌روا ماڵی کوردیش کاریان کردووه. هه‌روا سوپاسی خۆی ئاڕاسته‌ی ئه‌و لایه‌نانه‌ش کرد که به‌شداریان له پێکهاته‌ی ماڵی کورددا کردووه . پاشان له لایه‌ن سه‌ردار محه‌مه‌دی به‌رپرسی کۆمیته‌ی رێكخستنی دانیماركه‌وه << خوا به‌زیایی نه‌کات >> ، درێژه به کۆبوونه‌وه‌که درا و له‌سه‌ر ئه‌م خاڵانه‌ی خواره‌وه دوان:
* بارودۆخی ئێستای عیراق به‌گشتی و کوردستان به تایبه‌تی و پێکهاتنی حکومه‌تی عیراقی وته‌وافوقه سیاسییه‌کان ورۆڵی کورد له‌و پێکهاته‌دا وهه‌وڵدانه سه‌رکه‌وتووه‌که‌ی سه‌رکردایه‌تی کورد له به‌ره‌وپێشه‌وه‌بردنی پێکهێنانی حکومه‌تی عیراقیدا.
* سیاسهتی یه‌کێتیی نیشتمانیی کوردستان له‌گه‌ڵ پێکهاته و حزب و لایه‌نه‌کانی ناو عیراق‌دا ونزیكبوونه‌وه له یه‌کتر به‌هۆی خاڵی هاوبه‌شه‌وه یان به‌رژه‌وه‌ندی هاوبه‌ش.
* هه‌نگاوه‌کانی یه‌کێتیی بۆ ته‌بایی و پێکه‌وه‌ژیان له‌گه‌ڵ حزب و لایه‌نه کوردستانییه‌کانی راست ڕه‌و و چه‌پ ڕه‌و .
ئه‌وه‌یه ڕێکخستنی یه‌کێتیی..!! سیاسهتی پێکه‌وه‌ژیان وکۆبوونه‌وه بۆ به‌رنامه‌ی تازه‌ی بۆ(٤) ئه ندام ئاماده ده‌کات .
ڕه‌بی داوه‌شێیت یه‌کێتی بۆ خۆت و کۆبوونه‌وه‌ت .
ڕاسته وتوویانه : که‌س نه‌بێت ره‌جه‌ب سه‌رپاڵایه .
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
