د.بەرهەم لەبەردەم كادرانی راگەیاندنی یەكێتی-دا ریسوا بوو

Friday, 26/03/2010, 12:00

نیوەڕۆی رۆژی هەینی 26/3، د. بەرهەم ئەحمەد سالح نیوەرۆخوانێكی بۆ كەناڵەكانی راگەیاندنی یەكێتی نیشتمانی رێكخست كە بەشی هەرە زۆری ئەو كارمەند وكادرانە بوون كە پلەیان هەیە لەناو كەناڵە جیاجیاكانی راگەیاندنی یەكێتی، ئەمە جگە لەئازاد جندیانی لێپرسراوی راگەیاندن و سۆزان شەهاب سەرۆكی فراكسیۆنی كوردستانی لەپەرلەمانی كوردستان، لێپرسراوی مەڵبەندی پێنجوێن-ی یەكێتی چەندین میوانی دیكە ئامادەی ئەو نیوەڕۆ خوانە بوون.

سەرچاوەیەكی تایبەت كە كادری سەتەلایتی تەلەفزیۆنی گەلی كوردستانە پێی راگەیاندین: كە ئەو نیوەڕۆخوانە جگە لەوەی پارەیەكی خەیاڵی بۆ تەرخانكرابوو لەهەمانكاتدا لەشوێنێكی زۆر خراپ و بێكەڵكی شاری سلێمانی رێكخرابوو كە سەر شاخی ئەزمڕ و شوێنی كۆنی تەلەفیزیۆنی گەلی كوردستان كە هەر لەگەڵ چونیان كادرەكانی راگەیاندن بەنیگەرانییەوە دەیانوت: جا ئەمە شوێنی ئینسانە یان حەیوان، ئەمە مەنفایە یان شوێنی سەیران.

سەرچاوەكە پێشیوتین كە پاش 2سەعات چاوەڕوانی ئەوكات د.بەرهەم بەخۆی دنیایەك پێشمەرگەوە هاتنە شوێنەكەو دوای ئەوەی بەسینی و بەلێشاو خواردن دەبرا بۆ سەر مێزی د.بەرهەم و ئازاد-ی علوج و چەند بەرپرسێكی كەناڵی راگەیاندن، لەولاوە كادرەكانی تری راگەیاندن زرتەی چاویان دەهات و بەرێجیمێكی لەسەرخۆیان ناودەبرد، تەنانەت كار گەیشتە ئەوەی كە لەچەند لایەكەوە پەیتا پەیتا میوانەكان شوێنەكەیان بەجێهێشت، یەك لەوانەی كە شوێنەكەی بەجێهێشت و گلەیی تەواوی پێوە دیار بوو لێپرسراوی مەڵبەندی پێنجوێن و دوو هاوڕێی بوو كە بەبرسێتی رۆیشتن و د. بەرهەمیان ریسوا كرد و لەبەر خۆیانەوە كە چوونە دەرەوە وتیان: ئاوا حكومەت بەڕێوە دەبات، بۆیە خەڵك دەنگ بەگۆڕان دەدات، یاخوا بەخێر نەیەیتەوە بۆ خۆت و دەعوەتت، هەر مردین لەبرسا.

سەرچاوەكە وتی: دواتر ژمارەیەك كارمەندی تری راگەیاندن بەبۆڵە بۆڵ هەستان و وتیان ئەچین لەبازاڕ نان دەخۆین. گرنگ ئەوەیە نانێكی مەردانە بخۆین لەو ریسوایەتییەی بەرهەم باشترە، بەم جۆرە ئەو نیوەڕۆ خوانە بووە هۆی ریسوابوونی بەرهەم لەبەردەم كادرانی راگەیاندنی یەكێتی.