مامۆستا به‌کر مسته‌فا ره‌تیکرده‌وه نوێنه‌رایه‌تی جه‌لال بکات !.
Wednesday, 02/02/2011, 12:00
دوێنێ له مه‌راسیمی دانانی تاجه‌گوڵینه له‌سه‌ر کوژراوانی 1ی شوباتی 2004 ، مامۆستا به‌کر ته‌کلیفی مه‌کته‌بی سیاسی یه‌کێتی ره‌تکرده‌وه تا به نوێنه‌رایه‌تی جه‌لال تاله‌بانی تاجی گوڵینه دابنێت له مه‌راسیمی کوژراوانی ته‌قینه‌وه خۆکوژییه‌کانی لق و مه‌ڵبه‌ند.
مامۆستا به‌کر پێشتر پارێزگاری هه‌ولێر بووه له کۆیه له ئیداره‌ی سلێمانی ، دوای کرا به به‌رپرسی مه‌ڵبه‌ندی 3ی یه‌کێتی که له ده‌رئه‌نجامی هه‌ڵبژاردنێک توانی زاڵ بێت به سه‌ر سه‌عدی پیره که که‌سیکی فایلداره و ئێستا بۆته ئه‌ندامی مه‌کته‌بی سیاسی یه‌کێتی.
مامۆستا به‌کر له دیمانه‌یته‌کی کورتدا له‌گه‌ڵ هاولاتی ووتی: لەمەراسیمەدا كە ئەندامانی مەكتەبی سیاسی پارتی‌و یەكێتی ئامادەبوون، داوا لەمن كرا تاجوگوڵینەكە دابنێم، بەڵام من رەتمكردەوە، چونكە نەمویست لەو مەراسیمەدا درۆ لەگەڵ خەڵك‌و مام جەلال بكەم ،من یەكێتی نیم‌و پەیوەندیشم بەیەكێتییەوە نییە، ناشمەوێت نوێنەرایەتی یەكێتی بكەم لەهیچ مەراسیم‌و لەهیچ شوێنێك.
بەكر مستەفا كە (35) ساڵ لەریزەكانی یەكێتیدا بووە، نیگەرانی خۆی نیشاندا لەهەندێك بەرپرس كە یەكێتییان گەیاندووەتە ئەم رۆژە، یەكێتی ئاوها بچوك‌و زەلیل بووە، ناعەدالەتی تێدایە‌و هاوڕێكانیان‌و شەهید‌و پێشمەرگە‌و كەمئەندامەكانی خۆیان ناخوێننەوە.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
