هه‌واڵێکی گرنگ له نێو مه‌کته‌بی سیاسی یه‌کێتییه‌وه..
Friday, 13/02/2009, 12:00
سه‌رچاوه‌یه‌کی باوه‌ڕپێکراو له نیو مه‌کته‌بی سیاسی یه‌کێتییه‌وه بۆ کوردستانپۆستی ئاشکراکرد که به کۆمه‌ل پێنج له ئه‌ندامانی مه‌کته‌بی سیاسییه‌وه ئیستقاله‌یی خۆیان له نێو یه‌کیتییه‌وه راگه‌یاند و به نووسراو پیشکه‌ش به جه‌لال تاڵه‌بانی کراوه . پێنج ئه‌ندام مه‌کته‌ب سیاسییه‌کان بریتیین له:
1- کۆسره‌ت ره‌سول عه‌لی- جیگری سکرتێری گستی یه‌کیتی نیشتمانی کوردستان و جێگری سه‌رۆکی هه‌رێم.
2- عوسمانی حاجی مه‌حمود ئه‌ندامی مه‌کته‌بی سیاسی و وه‌زیری ناوخۆی حکومه‌تی هه‌رێمی کوردستان.
3- عومه‌ری سه‌ید عه‌لی ئه‌ندامی مه‌کته‌بی سیاسی.
4- مامۆستا جه‌لال جه‌وهه‌ر ئه‌ندامی مه‌کته‌بی سیاسی سه‌رۆکی دیوانی چاودێری .
5- مسته‌فای سه‌ید قادر ئه‌ندامی مه‌کته‌بی سیاسی جێگری فه‌رمانده‌ی گشتی هیزی پێشمه‌رگه
سه‌رچاوه‌که له وه‌ڵامی پرسیارێکی کوردستانپۆست ووتی؛ ئه‌م ئیستقاله جه‌ماعییه وه‌ک ناره‌زایه‌تییه‌که بۆ ئه‌و بار و دۆخه‌ی که یه‌کێتی تییکه‌وتووه ، دیاره ئه‌ویش به هۆی دیکتاتۆریه‌تی مام جه‌لال و قۆرخکردنی هه‌موو داهاته‌کانی یه‌کیتی و نه بوونی شه‌فافیه‌ت و گیانی ته‌سلیمکاری بۆ بنه‌ماڵه‌ی بارزانیه ، که ئه‌مه‌ش بۆته ته‌کانه‌وه‌ی خه‌لکی له‌خۆبردووی کوردستان له مێژووی شه‌رافه‌تمه‌ندی یه‌کیتی و پێشمه‌رگه‌کانی و بنه‌ماڵه‌ی شه‌هیده سه‌ربه‌رزه‌کانی.
کوردستانپۆست له هه‌وڵ دایه بۆ وه‌رگرتنی زانیاری زیاتر .
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
