دیسان ئازاد جوندیانی ده‌یه‌وێت ده‌ماری کۆسره‌ت بگرێته‌وه
Thursday, 19/02/2009, 12:00
پاش ئه‌وه‌ی ئازاد جوندیانی به‌رپرسی ڕاگه‌یاندنی یه‌کێتیی نه‌یهێشت ڕوونکردنه‌وه‌که‌ی کۆسره‌ت و هاوه‌ڵه‌کانی له کوردستانی نوێدا بڵاوبکرێته‌وه، ئه‌مجار بۆ سووکایه‌تیی پێکردن و گرتنی ده‌ماریی کۆسره‌ت کارێکی تر ئه‌نجام ئه‌دات:
ئه‌گه‌ر سه‌ردانی سایتی (
PUK media) بکه‌یت، تا نووسین و بڵاوکردنه‌وه‌ی ئه‌م هه‌واڵه له به‌شی (هه‌رێمی کوردستان)دا، وه‌ک له‌و وێنه‌یه‌ی خواره‌وه‌دا ده‌یبینن، له‌و شوێنه‌دا به‌م ناونیشانه (
كۆسره‌ت ره‌سوڵ لێدوانێك ده‌دات و ته‌ئكید له‌سه‌ر یه‌كڕیزی ناو ی.ن.ك ده‌كاته‌وه) هه‌واڵێک دانراوه، به‌ڵام کاتێک کلیکی ناونیشانه‌که ده‌که‌یت، یه‌کسه‌ر هه‌واڵێکی تر ده‌خوێنێته‌وه، که گۆڕیویانه به (ژنانی كوردستان ببنه شۆفێری تاكسی ئابڕوچوونه یان كاسبی!).ئیتر لێدوانه‌که‌ی کۆسره‌تی تێدا نییه
چه‌ند که‌س به ڕێگای ته‌له‌فون په‌یوه‌ندییان پێوه‌کردوون، ده‌ڵین باشه و چاکی ئه‌که‌ین، به‌ڵام هه‌واله‌که راست ناکه‌نه‌وه، ته‌نها وه‌ڵامیان ئه‌وه‌یه، که به‌ڵی ئه‌زانین و چاکی ئه‌که‌ین. دانانی هه‌واڵێکی وا، خوێندنه‌وه‌ی بابه‌تێکی تر له شوێنی و په‌یوه‌ندییکردن بۆ ئه‌وه‌ی ئه‌و هه‌ڵه‌یه راستبکرێته‌وه، به‌ڵام فه‌رامۆش بکرێ، ئه‌مه‌ش ده‌بێته جێگای گوومان، که ئه‌گه‌ر ده‌ستێک و هانده‌رێک له پشتییه‌وه نه‌بێت، چۆن به‌و چاوقاییمییه، ده‌توانن کارێکی وا فه‌رامۆش بکه‌ن؟
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
