لە یادتە ....... سلێمانی !
Sunday, 13/12/2015, 3:27
جەند دێڕێک
لە سۆزی نوسراوەیەکی ، کاک ژین نەسرەت دەروێش کە بو سلێمانی نوسیبوو.
باوکی دوین
سلێمانی
شاری یادم
یادەکانت
لە دڵمە
ئەژێتەوە
دوور لە نیگات
یادت دەکەین
دڵم
لاپرەیەکی خەمە
لە پەرتوکێکی خەمەکانت
لە گەڵ خەمی لاوەکانت
بە فرمێسکی
ڕۆڵەکانت
یادت دەکەین
لە سەرمای دەستی
تەزیوی لاوەکانت
لە شەقامە
یادت دەکەین
ئەو رۆژانەی
خەمی خەبات
هەگبەی خەمی
رۆژگارت بوو
وائیستاکە
رۆژی تاساوی
خەباتت
بوو بە یادی بێگانە
ڕۆلەکانت
هەر کۆچبەرو
سەرگەردانە
هەردەم
لە خەمی ئەوەبووی
ناوی کورد
بێتە
چیرۆکی ساڵی یاد
خەباتی کورد
ببێتە
پەرتوکی
یادی خەبات
بەڵێ وابوو
هەرچەند
هێچمان
بەهیچ نەکرد
گریانم دێ
بۆ دەست و
لاشەی
تەزیوی
زەرنەقوتەی
بێ ئاگردان
بۆ رۆڵەکانی
ژێر دەواری
ژیانی
مان و نەمان
بەفری سپی و
کفنی سپی
رووی ڕۆڵەکانی
گرتووە
رووبەڕووی
وڵات بووە
بەختەوەران
بە دیمەنی
تارای زیووینی
بەلقیس
دڵیان خۆشە
خۆشی دڵیان
لە ترە فێکی شاخەکانە
گەش دەبی و
ڕەنگی سپی
تارای زیووینی بەلقیسە
شاخەکانی گرتووە
بەڵام بەڵام
رۆڵەی چینی
خیر نەدیوی
هەژارانت
لە سەرمادا
دەستەکانیان
گۆناگرێت و
سڕبووە
بۆ دابینی
ژەمێکی نان
شەقامەکانیان
گرتووە
سلیمانی
تەنها هیوامان
هەر تۆ بووی
دڵ نائومێد
چاوەڕوانی
رۆژێک بوین
شەفقی خۆری کوردی
لێ هەڵبێت و
خەبات زیندو
بێتەوە
بە دڵێکی حەسرەتەوە
فرمێسکی یادت
ئەسڕێن
سلیمانی
تاقە هیوای
هەژاری کورد
هەرتۆ بووی
دەنگی هاوار
کلپەی شۆڕش
هەر تۆ بووی
جامی خەڵاتی
یاد شۆڕش
لە لای تۆ یە
دوا نەعرەتەی
هاواری
میلەتی کورد
لەلای تۆیە
لەیادتە
یادی خەم
ماڵی هیوا
بەسەر دەکا و
گوڵی نێرگز
ئەژێتەوە
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
