خێراکە وا خەرێکە مردن بگات

Saturday, 10/08/2013, 12:00

لەیادی کۆجکردنی شاعیری گەورەی کورد کاکە بێکەس


لەسەر چڵێکی
ڕنگ زەردی دارە بەڕووی
باخی تەمەن
بولبولێکی شەیدای ئاواز
لە داخی مرواری تەمەن
بووبە مۆمی چرای ژوان
تەنها
دەنگە زۆڵاڵەکەی
لەپانتایی
باخچەیەکی کوردستانە
شەونمی گوڵی
ئەلاواند
لەیەک چرکە
کۆتایی
بەئاوازی
بەخشان هێناو
قوبەی بەرزی شیعری
هەژاند
لە غوربەتی
بێ ئومێدی تاراوگەدا
هێشتا
تیشکی چاوەکانت
دەڕوانێتە
ڕیگای
کۆچ و باری
دورگەی وڵات
چاوەڕوان بن
ها .... گەیشتمە
خزمەت ئێوە
ڕۆحم
شیعرێکی سپییە
لەگەڵتانە
لەگەل نامەی یادتانە
سێبەری چرای عومرم
باوشتان
بۆ دەکاتەوە
ماڵئاوایتان لێ دەکات
بۆ دواجار
ئە ی دوا خەونی
گەڕووی تاساو
لە شاری
چۆڕاوەی مەرگ
لە شاری
ئەفسونی دل
لە پانتایی
ڕەش دەواری
نێو شارکەت
جێگای خەوت
بۆ ڕادەخەم
لەدەمەتەقێی
پیاسەی ئیوارانە
شاعیرە لانەوازەکان
شیعرەکانت
دەڵێنەوە
ڕازی هەستت
دیاری دەکەن
دڵدارانی
مەلەوەری
دەرگایی ژین
نزای کۆچت
ڕێک دەخەن
خێراکە
واخەرێکە
مردن بگات
ئەوە دەڕۆم
چاوەکانم
لە گەڵ
پێڵوی چاوی خەونە
دائەپۆشم
خەمی وەتەن
خەمی
هەژاری خێر نەدیوی
شاەرکەم
ڕەگی پیروزی
دەست نەبوویی شارەکەم
لە دڵمە حەسرەتێکە
لەسەردەمێک ژیای
بەئاسانی
دەتوانی
گیرفانت بڕازێنی
بەرپرسێکی چاو زەق
بووی..!
بەڵام نەتکرد
ئەوەی داخە
نەتوانی
هەستی خۆشی
لە گەڵ مافی
نەداری زەڕنەقوتی
شارەکەتە
تێ کەڵ بکەی
لەسەردەمێک ژیای
بای یەکسانی
هەڵی نەکرد
کیژەکانی
چەوساوی مەرگ
لە چەقو
ڕزگار نەبوون

زریان
هەمان زریانە
کیژەڵۆکەی سۆپای مەرگ
هەڕەشە
لە پەپولەی
سەرچلی تەمەن دەکات
هەناسەی کوردایەتی
سووارە لەمژ
دەستی بونیات
بە باڵای
تەلبەنی ڕۆحە
هەڵپێچراوە
ژیا نێکە
نیوەی مردوو
نیوەی دڵ تەنگ
دراو
ئەمرازی
کشت وەرزە
توخوا مەڕو
کاکە بێ کەس
کی هۆنراوە
بۆ ئەوێنی
خۆرپەیی دڵ
بڵێتەوە
کی باسی قەڵەم
بکات
کی نامەیکی پرسە
بە چرپەی نهێنی
ڕەوانەی
سەردەشت بکات