بۆ پاشمه‌وه‌یه‌كی تاریكی
Sunday, 12/10/2014, 12:00
ئه‌م ریشنه بۆگه‌نیوه
چه‌ند شوێنی گڕتێبه‌رداوه و
چه‌ند نازداری لاقه كردوه و
چه‌ند جوامێری سه‌ربڕیوه ..
ئه‌م ڕیشنه بۆگه‌نیوه
چه‌ند مه‌زاری ژێرپێ ناوه و
چه‌ند مه‌سحه‌فی سوتاندوه و
چه‌ند په‌رستگای داڕمیوه ..
ئه‌م ڕیشنه بۆگه‌نیوه
نیازی وابوو
كۆبان بكاته گۆمی خوێن
چۆله‌كه‌ی ئاسمانه‌كه‌شی
له بیریان چێته‌وه جریوه ..
ئه‌م ڕیشنه بۆگه‌نیوه
نه‌یزانی ته‌مه‌نی كورته و
كیژۆڵه‌یه‌كی جوانكیله
به‌ده‌م هه‌لهه‌له‌ی سه‌ركه‌وتن
لێی هه‌ڵده‌ستێنێتن قریوه ..
ئومێد مام ڕه‌سوڵ
١٢\١٠\٢٠١٤
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
