زۆر به په‌له په‌یامێك له بابه شێخه‌وه
Sunday, 03/08/2014, 12:00
ئێستا لێره له‌شه‌نگال
جاڕه جاڕه
جاڕی كوشتن
جاڕی دزی و جاڕی ئه‌نفال
ئێستا لێره له چل میر
نه میر میره و نه پیر پیر
هه‌موو له ژێر ڕه‌حمه‌تن
ڕه‌حمه‌تی شمشێر و تیر
ئێستا بێده‌رپێ و پێخاوس
به ته‌كبیر و هه‌لهۆله
بۆ سه‌ربڕینی تاوس
هه‌موو ئاوسن ئاوس
ئێستا ڕۆژی مه‌ردانه
دڕدۆنگی تووڕ هه‌ڵدانه
بۆ ڕاونانی تاریكی
كورده شێخ چاوه‌ڕوانه
٣\٨\٢٠١٤
ئه‌م وێنه مه‌زاری چل میره له شه‌نگال
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
