وەلامیك بۆبەریز(كاك مستەفای حەسەنە گەورە)سەبارەت بەنوسەرە ناوخوازراوەكان
Monday, 23/08/2010, 12:00
سوپاسی ئەو هەستەی بەریزت ئەكەم دەرهەق بەنوسەران و بەكارهینانی نازناو و شاردنەوەی ناو ی خۆیان لەسەربابەتەكانیان.دیارە ئەگەر ئیمەی نوسەرانی ناو خۆی هەریم بەو شیوازەی جەنابت پیشنیارت كردوە بابەتەكانمان نەوەك لەكوردستان پۆستی مینبەری ئازادی و ئیرادەی سەربەخۆ و دەنگی نارەزایی و....هتد بەلكو ئەگەر لەریگەی دام و دەزگا راگەیاندنەكانی ناوخۆش بلاوبكەینەوە دیارە چارەنوسیكی نادیار رووبەرومان ئەبیتەوە. نموونەش زۆرە لەسەر ئەو مەترسیانەی كەرووبەروومان ئەبیتەوە وەك دوینیی كاكە سۆران و مامە عەبدولستار تاهیر شەریف و سەردەشتی هەرەزیندوی ریگەی ئەو شیوازە تیكۆشان و خەباتە كەبەریزت پیشنیارت كردووە من گومانم لەوەدا نیە لەسەر تەنیا ووشەیەك دەستەلاتی كوردی ئامادەیە عەشیرەتیك یاخود میللەتیك رەشپۆش و دەربەدەر و كەساس بكات ؟
نموونە زۆرن لەسەر هەرەشە و چاوسوركردنەوەكانی دەستەلات بەرامبەر قەلەمی ئازاد و بویر. چەندین هەڤال و هاوریبازی پیشەی ئیمە بەتەلەفۆن و راستەو خۆ و ناراستەوخۆ هەرەشەی كوشتن و كپكردنیان لێكراوە لەم هەریمە بەناو ئازادەی كە بۆتە قوتابخانەی گەندەلكاری وگەندەلكاران بەدەیانیش ئەشكەنجە دراون چەندینیش گیانیان بەخشیوە لەو پیناوەدا؟ئاخۆ ئەو بوارە رەخساوە ئیستا نوسەران وا بەئاشكراو بەروونی نەوەك بابەتیك بەلكو بەگفتوگۆیەكی دوو قۆلی لەگەل كادریكی ئەو دوو حیزبە دكتاتۆرەی گۆرەپانی هەریمی كوردستان راو بۆچون و رەخنەكانی خۆی بخاتە بەرچاو بەبی ئەوەی رووبەرووی كوشتنیكی نادیار و كارەساتیكی فەوتان نەبیتەوە؟
سەبارەت بەئاشكرا رادەربرین و رەخنەگرتن و رووبەرووبونەوەی گەندەلكاران و خۆفرۆشان پیم وایە كاریكی ئاساییە بۆكەسك لەدەرەوەی سنووری دەستەلاتی حكومەتی هەریمی كوردستان بیت بەلام بۆ ئەوانەی لەناو شادەمارەكانی دەستەلات و پیگەو فەرمانگە و نیوەندەكانی ژیر توانا و سنوری دەستەلاتی حكومەتی هەریمن زۆر ستەمە كاریكی وەها بگرە من ئەو شیوە كارە بە مل لەچەقۆ سوون ئەشوبهینم
ئالیرەوە من رای دەگەیەنم ئەوەی ئەمرۆ نوسەرانی ناوخۆی هەریمی كوردستان ئەیكەن هیچ جیاوازی نیە لەپیشمەرگایەتی سەردەمی شاخ, لیرەدا تەنیا مەبەستم ئەونوسەرانەیە كەتائیستا ملكەچی دەستەلات و پارەو پولە هەلخەلەتینەرەكانی نەبوون و لەپیناو گەل و نیشتمانە تالانكراو و داگیركراوەكەیان تیدەكۆشن بەلام بەنهینی وەك شانە چەكدارە نهینیەكانی جارانی نیو شارەكانی كوردستان لە سەردەمی بەعس؟...
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
