قسەكانی سەرۆ قادر و هاوزوڕناژەنەكانی وەك بیبسی فاسد وایە لەلای خەڵك
Sunday, 26/04/2009, 12:00
تا چەند ساڵێك لەمەوبەر خەڵك كاتێك خواردەمنیان دەكڕی بە هیچ شیوەیەك سەیری میژووی ئەو شتومەكانیان نەدەكردو دەیانكڕی دەرخواردی منداڵەكانیان دەدا، بەبێ ئەوەی بزانن زەرەرەكانی ئەو خواردەمەنیە بەسەرچوانە چیە، بەڵام ئێستا بەهۆی هوشیاربوونەوەی خەڵكەوە لە كوردستان، زۆرجار دەبینم خەڵك كاتێك لە دووكاندارەكان خواردەمەنی دەكڕن سەیری دەكەن بزانن ئەو شتە مێژووەكەی بەسەر نەچووە، گوێ بەقسەی دوكاندارەكان نادەن كە دەڵێن خوردەمەنێكانیان زۆر چاك و پاكە، ئەمە خۆی لە خۆیدا جێگای دڵخۆشی و گۆڕنە لەناو میللەتەكەماندا.
ئەوە ماوەی چەند ڕۆژێكە قەڵەمەكانی خۆشكردنی شەڕی براكوژی بەهەمان سەردەمی شەڕی ناوخۆ هێرش دەكەنە سەر لیستە جیاوازەكان بە تایبەتی لیستی گۆڕان، بەڵام ئەوەی جێگای دڵخۆشیە بەهۆی هوشیاری خەڵكەوە كەس بەو قسە شەڕئامێزانەی سەرۆقادرو هاو زڕناژەنەكانی هەڵناخەڵەتێ، چونكە ئەو قسانە فاسد بوونە وەكو خواردەمەنی بەسەرچوویان لێ هاتووە كەس بەیەك فلس نایكڕێت ، ئەگەر بەو قسانە بخەڵەتێن ئەوە وەكو ئەوە وایە خواردنی بەسەرچوو بدەیتە منداڵەكانت، جابۆیە ئەمڕۆ خەڵك زۆر هوشیارە بە قسەی بەسەرچوو سەردەمی شەڕی براكوژی هەڵناخەڵەتێ، خەڵك ژیانی دەوێت پرۆژەی دەوێت، خەڵك شەڕی ناوێت.
ئەو بازاڕی قسەكردنەی سەرۆ قادر و هاوئاوازەكانی لە دەنگە دەنگی سیسەركی ناو چاڵی تاوالێت زیاتر لەهیچی ترناچی.
[email protected]
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
