جه‌لال تاڵه‌بانی ده‌بێته جێگری مه‌سعود بارزانی
Friday, 29/01/2010, 12:00
له مانگی ته‌موز ، هه‌ڵبژاردنی سه‌رۆکی هه‌رێم ئه‌نجام درا و مه‌سعود بارزانی پله‌ی یه‌که‌می ده‌نگه‌کانی وه‌رگرت ، بووه سه‌رۆکی هه‌رێمی کوردستانی عێراق . میدیای پارتی ، به زمانی کوردی به سه‌رۆکی کوردستانی له قه‌ڵه‌م ده‌ده‌ن و به زمانی عاره‌بیی‌ش ده‌یکه‌نه سه‌رۆکی هه‌رێم [بۆ راستیی قسه‌کانم سه‌یری هه‌ردوو سه‌ره هه‌واڵ بکه که له خواره‌وه‌ی نووسینه‌که‌م دامناوه]. هه‌تا ئه‌مڕۆکه جێگری سه‌رۆک ده‌ستنیشان نه‌کراوه و به ره‌سمی که‌س نی یه ، هه‌ردووحزبی ده‌سه‌ڵاتدار ، پارتی و یه‌کێتی له‌سه‌ر دانانی سه‌رۆکی په‌ڕله‌مان و سه‌رۆکوه‌زیران و وه‌زیره‌کان رێکه‌وتن ، په‌نجا به په‌نجا سه‌رۆکوه‌زیر و جێگره‌که‌ی و سه‌رۆک په‌رله‌مان و جێگره‌که‌ی دابه‌ش کراوون . وا دیاره کۆسره‌ت ره‌سول نابێته‌وه جێگری مه‌سعود بارزانی بۆیه له‌کاتی سوێندخواردنی مه‌سعود بارزانی بۆ پۆسته‌که‌ی جاره‌کی تر کۆسره‌ت ره‌سول داوای لێنه‌کرا سوێند بخوات و یه‌کێتیش هیچ که‌سێکی بۆ ئه‌و پۆسته رانه‌گه‌یاند .
پارتی گۆله‌کی تری له یه‌کێتی کرد و پۆستی [به‌رهه‌م سالح]ی له به‌غدا وه‌رگرته‌وه بۆخۆی و[ رۆژ نوری شاوێس]ی کرده جێگری سه‌رۆکوه‌زیرانی عێراق . ئه‌و پۆسته جاران ئی یه‌کێتی بوو . یه‌کێتی له هه‌ڵبژاردنی ته‌موز شکسته‌کی گه‌وره‌ی به‌ده‌ست هێنا و ده‌نگێکی زۆری له‌کیس چوو . پارتی به‌وه ده‌زانێت و ده‌یه‌وێت به‌وجۆره به ڕووی یه‌کێتی دا بدات .
پارتی ده‌زانێت یه‌کێتی هه‌نووکه لاوازه و که‌رتێکی گه‌وره به سه‌رۆکایه‌تی نه‌وشێروان مسته‌فای لێبوویته‌وه و خه‌ڵکێکی زۆر خۆیان داوه‌ته پشت نه‌وشیروان . پارتی هه‌رچی داوابکات یه‌کێتی هیچی بۆ ناکرێت به‌ره‌نگاری داواکاری یه‌کانی پارتی ببێته‌وه .
پێشماوه‌یه‌ک له ڕیگای سامی شۆڕشی سه‌رنووسه‌ری جارانی { المنبرالکردی } و {وه‌زیری ڕۆشه‌نبیری پێشووی لیستی پارتی} و ئه‌ندامی {یه‌کێتی نیشتمانی پێشوو} و {بێژه‌ری رادیوی العراق الحر} ، ره‌خنه ئاڕاسته‌ی به‌رهه‌م ساڵح و کاره‌کانی و یه‌کێتی نیشتمانی دۆستی پارتی کرا ، جار جاره‌ش پارتی یه‌کان وا هه‌ست ده‌که‌ن که به‌رهه‌م ساڵح زیاتر گرنگی به سلێمانی ده‌دات و هه‌ولێر و دهۆک فت ده‌کات . قسه ده‌رباره‌ی به‌رهه‌م ساڵح ده‌که‌ن و گوایه ئاگاداری هه‌ندێک شتیش نی یه . ده‌ڵێن گوایه هێشتان ژووره‌که‌ی نێچیروان بارزانی نه‌دراوه به به‌رهه‌م ساڵح . پارتی له‌وه‌ش چاوه‌ڕوانه بۆ ئه‌وه‌ی ئه‌و پۆسته‌ش بگریته‌وه ده‌ست ئه‌گه‌ر بێتوو یه‌کێتی کزتر و لاوازتر بێت . هه‌ر بۆ نیشاندانی خه‌ڵکی بوو پارتی روونکردنه‌وه‌یه‌کی له دژی نووسینه‌که‌ی سامی شۆڕش ده‌رکرد .
یه‌کێتی له‌ژێر سه‌رکردایه‌تی تاڵه‌بانی ئه‌گه‌ر خۆی تێکه‌ڵاوی پارتی بکات ، چاکتره له‌وه‌ی پاش کۆچی تاڵه‌بانی ببێته چه‌ند گڕوپه‌کی بێهێز و بێکه‌س . نه‌مانی مامجه‌لال ده‌بێته پارچه پارچه بوونی یه‌کێتی نیشتمانی کوردستان و به‌دیارکه‌وتنی شاخه‌ی جۆراوجۆر .
چاو سوورکردنه‌وه‌ی ئه‌م دوایه‌یی مه‌سعود بارزانی وای له راگه‌یاندنی یه‌کێتی کرد واز له‌و نووسینانه بهێنیت که دژایه‌تی گۆڕان و نه‌وشێروان ده‌کرێن و ده‌ستدرێژی که‌سانی سه‌ر به گۆڕان نه‌که‌ن . جه‌لال تاڵه‌بانی له‌به‌رده‌م ئه‌ندامه‌کانی هێرشێکی توندی کرده سه‌ر نه‌وشێروان و کۆمه‌ڵێک تاوانی خسته پاڵی . هه‌تا به‌ر له ته‌موز نه‌وشێروان بۆ جه‌لال تاڵه‌بانی هه‌ر به [کاکه‌نه‌وه] و هه‌ڤاڵ و دۆستی بوو ، هه‌نووکه بووه به دوژمن و نه‌وشێروان . جاران نه‌وشێروان ده‌یگووت شیوعیه‌کان پڕوپاگه‌نده‌ی له‌دژ ده‌که‌ن ، که‌چی هه‌ڤاڵه‌که‌ی جارانی [مامجه‌لال] ئه‌وه‌نده زیاتر تاوانباری کرد هه‌تا به کوشتنی نه‌یارانی یه‌کێتیش تاوانبارکرا . جاران یه‌کێتی و پارتی ئه‌وه‌نده جنێویان به‌یه‌کتر ده‌دا، له فه‌رهه‌نگی هیچ حزبێکی سیاسی نه‌بووه و ڕووی نه‌داوه .هه‌نووکه پارتی ڕیگانادات یه‌کێتی جنێوو بدات . پارتی چاک ده‌زانێت ئه‌وانه‌ی دژایه‌تی ده‌سه‌ڵاتی پارتی و ماڵی بارزانی ده‌که‌ن له لای نه‌وشێروان خۆیان کۆکردۆته‌وه و ئه‌و هێزه دروست ده‌که‌ن که دژایه‌تی بنه‌ماڵه‌ی بارزانی ده‌کات . هه‌نده‌ک که‌سایه‌تی ناوچه‌ی بارزانیش پشتی گۆڕان ده‌که‌ن .
پارتی چاوه‌ڕوانه جه‌لال تاڵه‌بانی ره‌زامه‌ندی هێزه‌کانی عێراقی وه‌رنه‌گرێت بۆ ئه‌وه‌ی جاره‌کی تر خۆی بۆ سه‌رۆکی عێراق هه‌ڵبژێرێت یان ئه‌گه‌ر خۆشی هه‌ڵبژارد [فه‌شه‌ل] بێنیت و ده‌رنه‌چێت . ئه‌وکاته له کوردستان جه‌لال تاڵه‌بانی ته‌نها سه‌رۆکایه‌تی یه‌کێتی بۆ ده‌مینێته‌وه و شوێنه‌کی تری نی یه بۆیه ناچاره ده‌بێته جێگری مه‌سعود بارزانی . به هه‌ردووکیان وه‌کو برا هه‌رێمی کوردستان به‌ڕێوه ده‌به‌ن و ده‌سه‌لاتی پارتی و یه‌کێتی له حکومه‌تی هه‌رێمی کوردستان به‌هێزتر ده‌که‌ن .
گه‌لۆ ئه‌گه‌ر جه‌لال تاڵه‌بانی نه‌بێته‌وه سه‌رۆکی عێراق له کوردستان چ کاره ده‌بێت .
29/1/2010ستۆکهۆڵم
هه‌ردوو ماڵپه‌ری پارتی
سه‌رۆكى كوردستان و وه‌زیرى ده‌ره‌وه‌ى ئه‌مه‌ریكا كۆنگره‌یه‌كى رۆژنامه‌وانى هاوبه‌شیان ساز كرد
[03:11 , 27 Jan 2010]ماڵپه‌ڕی خه‌بات
رئیس اقلیم كوردستان یجتمع فی واشنگن مع وزیرە الخارجیە الأمریكیە .. الجانبان یبحپان سیر العلاقات الپنائیە والتزام الأقلیم بعراق فدرالی دیمقراگی التاخی الخمیس, كانون الپانی 28, 2010
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
