كه‌مال میراوده‌لی داوای لهدهسهڵاتدارانی هه‌رێم كرد وڵات جێبهێڵن
Saturday, 12/03/2011, 12:00
دكتۆر كه‌مال میراوده‌لی داوای لهدهسهڵاتدارانی هه‌رێم كرد، كوردستان جێبهێڵن‌و برۆنه ده‌ره‌وه‌ی وڵات.
له‌میانی وتارێكیدا كه له‌به‌رده‌م سه‌رای ئازادی پێشكه‌شی خۆپیشانده‌رانی سلێمانی كرد، دكتۆر كه‌مال میراوده‌لی دووه‌می هه‌ڵبژاردنه سه‌رۆكایه‌تییه‌كه‌ی هه‌رێم رایگه‌یاند كه پێویسته له‌سه‌ر ده‌سه‌ڵاتدارانی هه‌رێم وڵات جێبهێڵن.
ناوبراو ئه‌وه‌شی راگه‌یاند كه رووداوه‌كه‌ی 17ی شوبات شه‌رمه‌زارییه‌كی تره به‌نێو چاوی ده‌سه‌ڵاتی كوردی ده‌بوو پاش ئه‌و رووداوه هه‌رێمیان جێبهێشتایه.
ئه‌م وتاره‌ی میراوده‌لی، جه‌ماوه‌ری خۆپیشانده‌رانی مه‌یدانی ئازادی دڵخۆشكردو سه‌رجه‌میان به‌چه‌ندین هوتافی جۆراو جۆر پشتگیریان كرد.
هه‌روه‌ها میراوده‌لی به‌زمانی ئینگلیزیش وتارێكی پێشكه‌ش كردو بریاریدا بیگه‌یه‌نێته وڵاتانی به‌ریتانیاو ئه‌مریكا.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
