پێویستە حکومەت موچەی کەمئەندامان زیادبکات و وەڵام بە داواکاریەکانیان بداتەوە !
Friday, 23/11/2012, 12:00
لەبەرواری ٢٠ ئەم مانگەوە (تشرینی دووەم) ،گرووپی کەمئەندامان لەکوردستان بەهۆی کەمی موچەی کەمئەندامان و وەڵامنەدانەوە بە خواستەکانیان ،لەبەردەم نوسینگەی پەرلەمانی کوردستان لەشاری سلێمانی دەستیان داوەتە مانگرتن لە خواردن و خواردنەوە ،بڕی موچەی کەمئەندامان کە لەنێوان١٠٠ هەزار بۆ ١٥٠ هەزار دیاریکراوە ،بەبەراورد لەگەڵ گرانی و بەرزبونەی هەر ڕۆژەی نرخی شتومەک وپێداویستیەکانی ژیانی ڕۆژانە ،بەڵگەیەکی ڕوون و زیندوە لە هەقیانەت و ڕەوابونی ئەم خواستەی کەمئەندامان و زیادکرنی بۆ ٥٠٠ تا ٦٠٠ هەزار دینار .لەئەمڕۆدا کەدەبینین سەروەت و سامان و پولێکی یەکجار زەبەلاح و زۆر کە وەک داهات لەم هەرێمەدا بەدیدەکرێت لەنمونەی نەوت و گومرکەکان و بودجە و..چەندین سەرچاوەی جیاواز دیکە ،ئەمانەش لەژێردەستی دەسەڵاتدارندایە ،دەکرێ زۆر بەسادەیی ئەم خواستانەی کەمئەندامان جێبەجێبکرێن و بگرە زۆر لەو بڕی مووچەیەش کە لەئێستادا کەمئەندامان بۆ دابینکردنی ،بەناچاری ژیانی خۆیان خستۆتە مەترسیەوە و پەنایان بۆ مانگرتن لەخواردن وخواردنەوە بردوە . ئێمە لەکۆمیتەی سلێمانی حزبی کۆمۆنیستی کرێکاریی کوردستان پشتیوانی تەواوی خۆمان بۆ ئەم خواستەی کەمئەندمان ڕادەگەێنین و بەڕەوای دەزانین و داواکارین لەسەرجەم رێکخراوە کرێکاری و جەماوەریەکان و حزبە سیاسیەکان وخەڵکی ئازادیخواز ،پشتیوانی ئەم تێکۆشانەی کەمئەندامان بن بۆ باشترکردنی ژیانیان و کەمکردنەوەی ئازار و مەینەتیەکانیان ،هاوکات داواکارین لەکەمئەندامان کە کۆتایی بەکاری مانگرتن لەخواردن وخواردنەوە بهێنن و چی تر ژیانی خۆیان نەخەنە مەترسیەوەو زیان بەتەندروستی خۆیان نەگەێنن ،لەکاتێکدا کەچەندین شێوازی مەدەنیانە هەیە بۆ پێداگری لەخوستەکان و بەدیهێنانی و باشترکردنی ژیان ،لەوانە مانگرتن لەهەمان شوێن و بەرێخستنی ڕێپێوان وخۆپیشاندان و هاوکاریکردن لەگەڵ دەستە و کۆمەڵەکانی دیکەی لەکۆمەڵگادا و فراوانکردنەوەی بۆ بزوتنەوەیەکی بەرینی جەماوەری و ناچارکردنی دەسەڵاتداران بۆ وەڵامدانەوە بەم داواکاریانە .تەجروبەی خەبات و ناڕەزایەتیە جەماوەریە جۆربەجۆرەکان لەکوردستاندا ،ئەم هەقیقەتەی بەڕونی سەلماندوە.
سەرکەوتوبێت خەباتی کەمئەندامان بۆ دابینکردنی خواستەکانیان
کۆمیتەی سلێمانی
حزبی کۆمۆنیستی کرێکاریی کوردستان
٢٢.١١.٢٠١٢
[email protected] ٠٧٧١٠٢٤٣١١٨- ٠٧٧٠١٥١٠٦١٣- www.hkkurdstan.org
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
