لە ترۆپکی توڕەبووندا
Tuesday, 19/06/2018, 19:36
یاسین محەمەد (جوانپەرست)
1- بۆ هاونیشتیمانیانم/
هاوزمانانم!
کە بەسەر خاچەوە لێتان دەڕوانم
مەسیحئاسا نزا دەکەم:
"خودایە بیانبەخشە، چونکە نازانن چی دەڵێن! بێئاگان لەوەی چی دەکەن!*
خودایە چیم لە دەست دێ، چییان بۆ بکەم؟!
****
هەموو یەهودان!
مەجدەلییەک لەنێوتاندا نابینمەوە.
مەریەمیشتان ژێرپێ ناوە!
ئیدی بۆچی پرسیار دەکەن
"کوانێ مەسیح؟ بۆچی شێوەکەی گۆڕاوە؟"
****
حاشا!
کوڕی ئەو باوکە نین -
ئێوە نەوەی دەجالێکن
کە چاوەڕوانی هاتنین.
****
2- بۆ مەسیح/
جارێک کەوتیتە سەر لکی خاچ
هەموو خاچ کەوتە سەر گەردنی!
عەیامێکە هەڵواسراوم
بۆچی کەسێک خاچەکەی منی نەبینی؟
2017
* خودایە بیانبەخشە چونکە نازانن چی دەکەن. فەرمایشتی مەسیحە
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
