گۆشت و ئێسقان
Friday, 22/09/2017, 15:09
من لە مێژە لە بەرهەمی ئەم جەنگەڵە
هەر بێبەش و برسی دەکرێم.
عەیامێکە! لە دیوەخانی ئەم خێڵە
هەر بێبەری و نەفی دەکرێم.
وا ئێستاکە توڕەیی خوسی داوم
چنگی لە ئەوکم گیر داوە.
برسێتی بەگیری هێناوم
کەڵبەی لە ورگم توند ناوە.
لە جەنگەڵا لە کەمینم
باڵای خۆمم حەشارداوە.
هێرش دەبەم و نزیکە،
دیوەخانم لە پێش چاوە.
پڵنگئاسا هەموو گۆشتی لەشی ئاغا
پارچە پارچە دەبچڕێنم.
کەمتیارئاسا هەموو ئێسکی نۆکەرانی
دانە دانە دەکرمێنم.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
