تا لە خەونیشدا ترس!

Tuesday, 20/12/2011, 12:00

ئەی خوداكان لێم ببورن

بە خودای گەورە ئەو شەوەیان من نووستبووم

مەلی بیرۆكەی خەیاڵم بێ پرسی من

لەشەقەی باڵی دابوو !

لە دوورترین شوێنی گەردوون

فریشتەیەكی نەفرەتی وەك مڵۆزم

لێی پەیدابوو

پێیووتبوو :

ئەی بەلەنگاز

ئەی لانەواز

تۆش شایانی بەرگی جوانی

تۆش شایانی لانەیەكی خنجیلانەی

بڕوابفەرموون نووستبووم بێ ئاگابووم

كاتێ كە ئەو لەو خەونەدا

لە حزوری جەنابتاندا بێشەرمانە هاواریكرد :

كوانێ ماف و كواسنووری دەوڵەتی كورد ؟!