رۆتاتكید*
Sunday, 02/10/2011, 12:00
دەیان ساڵە ...**
سەدان ساڵە ....
هەزارەها هەزار ساڵە .....
ئەگەر كۆیلە حوكم بكا یاخوود سەردار
گەر دەرەبەگ حوكم بكا یاخوود جووتیار
گەر كرێكار حوكم بكا یاخوود بۆرژوا و سەرمایەدار
دنیا هیچی لێ ناگۆڕێ !
ستەم باوە و هەر دەمێنێ
هەرجارێكیش لە ژێر كاڵا و بەرگی نوێدا خۆی دەنوێنێ
ستەم هەرگیز لە ڕەوڕەوەی ئەم ژیانە جێنامێنێ
دەیان ساڵ بوو وایان دەووت
"هەر دەرەبەگ ستەمكارە ،
هەر جووتیارە بەشخوراوە"
دەیان ساڵ بوو وایان دەووت .
هەتا جووتیار شۆڕشیان كرد
تەخت و تاجی دەرەبەگیان ئاوەژوو كرد
خۆیان دەستیان بەسەر كوورسی دەسەڵات گرت
كاتێ دیمان دیسانەوە وەكوو جاران ستەم باوە !
مژینی خوێن هێشتا ماوە
نەمانزانی ئەوەی شەڕیان لەسەر دەكرد
ئەوەی خوێنیان لەسەر دەڕشت
ئەوەی یەكیان لەسەر دەكووشت
لەم پێناوە
تەنیا و تەنیا ئاڵ و گۆڕی حەرف و ناوە .
بت پەرستی هێشتا ماوە !
بت پەرستی هێشتا باوە !
ئەوەی ئەمڕۆش كڕنووش نەبا بۆ بتەكان
هەر چەوساوە و بەشخوراوە .
كوورسی هەرگیز وەفای نیە
دەسەڵات و هێزی هەیە
عەدالەتیش بۆ هەمیشە
تاقە دووژمنی كوورسییە .
ئێستا لە سایەی شۆڕشا
دیكتاتۆر ، نەك یەك و دووان هەزارانن
ستەمكار ، تووندتر نەبن وەك جارانن
ئێستا لە سایەی شۆڕشا
من ئەمجارە شۆڕشێكی دیكەم ئەوێ
دوور لە چین و بیر و بڕوا
شۆڕشێكی بێ شووناس و بێ ڕێبەر و ئایدۆلۆژیا
ئەمجارەیان شۆڕشێكی دیكەم ئەوێ
شۆڕشێ ئامانجی چاكەی گشت بێ
نە درووشمی باق و بریق ،
نە دەسكەلای دەستی كەسبێ
ئەمجارەیان وەكوو پەشێو:
" من كەڕەنای جەنگ لێ دەدەم جەنگێكی وا
كەبۆنی ئاهەنگی لێبێ
نەوەك جەنگێك بۆ ئەوە بێ
دنیا وەك پێش جەنگی لێبێ " ***
*ئەم ناونیشانە هیچ مانایەك نابەخشێ تەنیا پێچەوانەكردنەوەی ووشەی دیكتاتۆرە .
**ئەم شیعرە ساڵی 2006 نووسراوە ، كەمێك دەستكاری كراوە و دوو بەشی ئەخیری بۆ زیاد كراوە .
***ئەم بەشەی خراوەتە ناو كەوانەوە شیعری شاعیری گەورە عبداللە پەشێوە
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
