ستەم
Tuesday, 06/12/2011, 12:00
بێ قاچ ، بێ دەست ، بێ سەر ، بێ دەم
ئەمن هێشتا هاوار دەكەم دژ بە ستەم
بێ چاو ، بێ گوێ ، بێ لووت
كەچی هێشتا من دەیبینم ،
من دەیبیستم ،
بۆنی دەكەم
لەنێو هەزاران ڕەنگابێ
لەنێو هەزاران دەنگابێ
لەنێو هەزاران بۆنابێ
دەیناسمەوە
ڕەنگ و دەنگ و بۆنی ستەم.
ئەوندەی تر هەتكم بكەی
هەركوێ بچی،
لەئاسمان بی یا لە زەوی !
لە قوڵایی تاریكایی نهێنیشدا خۆت حەشاردەی
تۆ هێشتاكە لەناخمدا ڕووت جوان دیارە !
هەر بەوێنەی زۆردارێكی شەرمەزارە !
ئیدی بۆچی تۆ دەتەوێ دەمامكم لێبپۆشی
وەكو دۆستێ خۆت نیشاندەی
لە كاتێكدا تۆ هەمیشە بۆ مەرگی من بە پەرۆشی !
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
