پارادۆکسی خیانەتی نەتەوەیەی لە هزری پارتیدا
Thursday, 31/08/2023, 13:27
دەستەواژەی "خیانەتی نەتەوەیی" بە تەواوەتی لەمانا ئەخلاقی و یاساییەکەی ئەشۆردرێتەوە کاتێک بەکاردەهێنرێت لەلایەن پارتی دیموکراتی کوردستانەوە، ئەم زاراوەیە زۆر پڕ ناکۆکیە کاتێک مێژووی ڕەنگاوڕەنگی پارتی بە خیانەت لەبەرچاو دەگیردرێت. بەکارهێنانی ئەم تۆمەتانە لە دژی هەموو ناڕازییەکان بە سیاسەتی پارتی بە لەبەرچاوگرتنی ڕابردووی پڕ خیانەتی خۆیاندا پەردە لەسەر دوو ڕوویی سیاسەتی پارتی هەڵدەماڵێت
لە ساڵی ١٩٩٦ پارتی دیموکراتی کوردستان بە سەرۆکایەتی مەسعود بارزانی پێشرەوی هێزەکانی سەدام حسێنیان کرد بۆ هەولێری پیتەختی کوردستان. زۆرینەی نەتەوەی کورد ئەمەیان وەک "خیانەتی نەتەوەیی" دەبینی لەڕووی ئەخلاقی و لەڕووی یاساییەوە هەر هاوپەیمانییەک بۆ جەنگکردن دژی ووڵاتی خۆت بە خیانەت هەژمار دەکرێت لە دەستوری هەموو وڵاتاندا.لەگەڵ ئەوەشدا پارتی دیموکراتی کوردستان بەرگری لەم هاوپەیمانێتییەی لەگەڵ سەدام دەکات و ناوهێنانی وەک خیانەت قبوڵ ناکات.
لە ئێستادا پارتی دیموکراتی کوردستان ڕەخنەگرانی تۆمەتبار دەکات بە "خیانەتی نەتەوەیی"، بەتایبەتی ڕۆژنامەنووسان و چالاکوانانی وەک شێروان شێروانی. ئەوەی لێرەدا سەرنج ڕاکێشە بێ ڕوویی پارتیە کە هیچ گاڵتەجاڕییەک لەوەدا نابینێت کە تاکەکان بە خیانەت تۆمەتبار بکات بەوەی کە تەنها ئۆپۆزسیۆنی خۆین ، لە کاتێکدا خۆی هاوکاری یەکێک لە دڕندەترین چەوسێنەرەکانی کوردی کردووە.
"خیانەتی نەتەوەیی" و "ئەمنی قەومی" چەمکێکی پلاستیکین کە وەک چەکێک بۆ بێدەنگ کردنی دەنگە ناڕازییەکان بەکار دەهێنرێن، بەڵام ڕێگری لێدەکرێت کاتێک بۆ پێناسەکردنی خۆیان بەکاردەهێنرێت. ئەم دوو دیوییە لە بکارهێنانی یاسادا نەک بەس متمانەی خەڵکی بە حکومەتی هەرێم لاواز کردووە بەڵکو بنەماکانی دادپەروەری و دیموکراسیشی داڕمانووە کە گەلی کورد بە سەختی لەپێناویدا جەنگیوە.
بە دەستکاریکردنی زاراوەکە بۆ سەرکوتکردنی ئۆپۆزسیۆن، پارتی دیموکراتی کوردستان "خیانەتی نەتەوەیی" بۆ ئامانجە سیاسییەکانی خۆی چەکدار کردووە. ئەمە تەنها کێشەیەکی یاسایی نییە، بەڵکو کێشەیەکی ئەخلاقییە، کە دەبێتە هۆی پرسیارکردن لە پێگەی ئەخلاقی پارتی دیموکراتی کوردستان لە چوارچێوەی حوکمڕانی کوردیدا. چۆن دەکرێت قەوارەیەکی سیاسی کە مێژوویەکی لەو شێوەیەی هەبێت کە زۆرینەی نەتەوەی کورد بە خیانەتکاری دەزانن هەمان تۆمەت بەکاربێنێت بۆ سەرکوتکردنی ناڕەزایەتیەکان.
تێگەیشتنی دوو لایەنەی پارتی دیموکراتی کوردستان بۆ چەمکی "خیانەتی نەتەوەیی" قەیرانێکی قووڵی متمانە لەناو پارتیدا ئاشکرا دەکات. تا ئەو کاتەی ئەم دووڕووییە بە ئاشکرا چارەسەر نەکرێت و ڕاست نەکرێتەوە، هەر بەکارهێنانێکی
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
