ویترین
Sunday, 08/01/2023, 17:49
داهاتووم پڕدێکە لە ویترینی رابردوومدا
دوو پاتم ئەکا لە پەراوێزی شار
تا ونبوون لە شەقامی شەیدایی
تا نغرۆبوون لە ئاسمان
هەڵوەرینی ئینجانەکان
تا پیاسەکردنی گوڵ بە لاوک و حەیران
هیچ شتێ گرنگ نییە
من بە تۆ ڕا هاتووم
شێتبوون لە ژێر چەقۆی شەرع
ڕاکشان لە ژێر ستەمی ئایین
لە ژێر چاودێری خێڵی ژنکوژ
چیم ئەوێ لە داعش
ئاساییە هەلوەدابوون
لە قوژبنی سارد و سڕی
بێ یاسایی
ماف وشەیکی نامۆوە
لە قووڵایی ڕۆحمدا چاوەڕوانی
پچراندنی ئەو زنجیرە درۆیانەم
تا جوانتر ناسینی خۆم
سنە
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
