وەزارەتی ئەنفال و شه‌هیدان ... وه‌زاره‌تی ئه‌نفالکردن و پاره‌لووشدان (به‌شی یه‌که‌م)
Friday, 24/05/2013, 12:00
ئەو فەزیحە ئابرۆبەرانەی، که بەرۆكی وەزارەتی شەهیدان و ئەنفالی گرتۆته‌وە، وەك هه‌موو وەزارەتەكانی ئه‌م هه‌رێمه داماوه‌ی کوردستان، جێگای سه‌رنجڕاکێشانێکی ئه‌وتۆ نییه، ئێمه له نووکه‌وه باسی بکه‌ین، به‌تایبه‌تیی ده‌سه‌ڵاتێکی وه‌کو پارتی و یه‌کێتیی ئه‌و سیسته‌مه ئیداڕییه به‌ڕێوه ده‌به‌ن، له دوژمن خراپتر به چاره‌نووسی ده‌که‌ن، بۆیه به‌لامانه‌وه جێگای سه‌رسوڕمان نییه، که‌سی ناشیاو بۆ شوێنی ناشیاو، که‌سی بێتوانا بۆ شوێنی هه‌ستیار داده‌نرێت، که‌سێک ئه‌زمونی ئیداریی و به‌ڕیوه‌بردنی نییه، گه‌وره‌ترین به‌رپرسیارێتی پیده‌درێت. بۆ ئه‌وه‌ی ببیته خاوه‌ن پۆست و باشترین کارت ده‌ست بکه‌وێت، گرنگ ئه‌وه‌یه تۆ خزمی به‌رپرسێک بیت، یان ماستاوچیی و زمانلوس بیت، ئیتر هه‌موو کارێکت بۆ ده‌چیته سه‌ر و له ماوه‌یه‌کی که‌مدا ده‌بیته که‌سێکی ناودار و خاوه‌ن هه‌موو شتێک، ده‌چیته ناو سه‌یاره‌ی جامڕه‌شه‌وه، ده‌بیته خاوه‌ن ده‌سه‌ڵات، خۆ ئه‌گه‌ر له رووی کۆمه‌ڵاتییشه‌وه نزم بێت، ئه‌وه ده‌رگای به‌ختی باشتر بۆ ده‌کرێته‌وه، زووتر به‌ره‌وه لوتکه هه‌ڵده‌کشێت، گرنگ ئه‌وه‌یه مێینه‌یه‌ک له پشتته‌وه واسته‌کار بێت.
بۆ ئه‌وه‌ی له باسه‌که لانه‌ده‌ین من دێمه‌وه سه‌ر وه‌زاره‌تی شه‌هیدان و ئه‌نفال، نازانم له کوێوه ده‌ست به فه‌زیحه‌کانی ئه‌م وه‌زاره‌ته بکه‌م، به‌تایبه‌تیی بۆ كەسە باشەكانی نێو ئەو وەزارەتە بۆتە مایەی دلگرانی، منیش بۆ خۆم یه‌کێکم له‌و فه‌رمانبه‌رانه‌ی نێو ئه‌م وه‌زاره‌ته، بۆیه راستەوخۆ دێینە سەر باسەكە و لە بەشی یەكەمی ئەم نووسینەدا ئاماژە بە بەرێوەبەری نووسینگەی وەزیری شەهیدان دەدەین.
1) بەرێوەبەری نووسینگەی وەزیری شەهیدان ناوی (هەژار هاشم جیهاز)ه. ئه‌م به‌ڕێزه پێش ئەوەی بێتە وەزارەتی شەهیدان لە وەزارەتی تەندروستی بووە لای دوكتۆر زریان. بەلام لەبەر هه‌ندێک گیروگرفتی تایبه‌ت، که لێره‌دا ناتوانین قسه‌ی له‌سه‌ر بکه‌ین له وه‌زاره‌ت نامێنێت و دوكتۆر زریان دووری ده‌خاته‌وه. پاشان هانا ده‌باته به‌ر كۆسرەت رەسول، کۆسره‌تیش تەكلیف لە وەزیری پێشووی شەهیدان دوكتۆر مەجید دەكات تا لای خۆی جێگای بكاتەوە. ئه‌ویش لە نووسینگەكەی خۆی وه‌ک کارمه‌ندێک دایده‌نێت.
2) کاتێک دكتۆر مەجید دەبێتە وەزیری تەندروستی عێراق. ئیتر هەژار هاشم جیهاز به یه‌ک باڵی ده‌مێنێته‌وه، ئیتر خۆی لە وەزیری ئێستای شەهیدان و ئەنفالكراوان (ئارام) نزیک دەكاتەبه‌وه‌ی پیاوی كۆسرەت رەسوله. ئارامیش بۆ خۆبردنە پێشەوە لە كۆسرەت هەژار دەكاتە بەرێوەبەری نووسینگەكەی خۆی.
3) هەژار وا لە وەزیر ده‌گەیه‌نێت، كە ئەم نوێنەری كۆسرەتە لە وەزارەت. وەزیریش بۆ هەموو گەشتەكانی دەرەوەی وڵات ئەم كەسە لەگەل خۆیدا دەبات.
5) هەژار لە بەریتانیا ژیاوە و پاسپۆرتی بەریتانی هەیە، كەچی بە پەساپۆرتی عێراقی سەفەر دەكات. وەزیر ئەوە دەزانێت، چونكە وەزیر خۆیشی هەمان شکار دەكات. ئەمیش پەساپۆرتی بەریتانی هەیە و لە بەریتانیا بە ناوی ترەوە تۆمار کردووه که ناوی (سەباح ..)ه و له‌ملاشه‌وه بە پاسپۆرتی عێراقی هاتوچۆ دەكات، كەواتە هەردووكیان لە بەریتانیا بە ناوێكی جیاوازه‌وه ناوی خۆیان تۆمارکردووه و لە پاسپۆرتە عێراقیەكانیشیان بە ناوی ترەوە له کوردستانن. وه‌ک من پرسیارم کردووه بە پێی یاسای بەریتانی، هاوڵاتیی بۆی نییه نیە دوو ره‌گه‌زنامه و دوو پەسپۆرتی هەبێت چ جای بە دوو ناوی جیاوازەوە، كە یەكێكان بێگومان ساختەیە، كەواتە ئەوەی بەریتانیایان ساختەیە. هەر بە پاسیۆرتی عێراقییش سەفەری بەریتانیاش دەكەن و فیزاكان بە رێگای وەزارەتەكەی خۆیان و پەیوەندیەكانی دەرەوەی حكومەتی هەرێم وەردەگرن...
لێرەدا نامانەوێ لەسەر ئەم باسە زۆرتر بنووسین، چونكە ئەوە لە دۆسیەیەكی تایبەتی دەرەوەی ئەم سایتە بەرێزەدا كاری لەسەر دەكەین.
6) هەژار باوەژنی هەیە. موچەكەی باوكی هەژار بەرزترین موچەیە بە پلەی (سەركردەی مەیدانی). ئەم ئیشە هەژار خۆی بە وەزیری جێبه‌جێ كردووە. مانگانە دوو ملیۆن و پێنج سەد هەزار دیناری بۆ باوكی بڕیوەتەوە، بەلام لە راستیدا هەژار ئەم پارەیە بۆ خۆی وه‌رده‌گرێت و دەیبات، یەك دینار به باوه‌ژنه‌که‌ی نادات، دوای ئه‌وه باوەژنە داماوەكەی به‌مه ده‌زانێت لە دادگا سکاڵا لە سەر هەژار هاشم تۆمار ده‌کات.. ئارامی وه‌زیریش بۆ ئەوەی دڵی هەژار نەڕەنجێت و نهێنیەكانی وەزیر بپارێزێت موچەیەكی تر بەهەمان بڕە پارە بۆ باوەژنەكەشی ده‌بڕێته‌وه، بە واتا وەزیر دوو مووچە یان دوو شه‌هیدانه بۆ تاکه شه‌هیدێک ده‌بڕێته‌وه، یه‌کێک بۆ هەژار و ئه‌ویتریش بۆ باوەژنەكەی. هەریەكەیان مانگانە بڕی دوو ملیۆن و پێنج سەد هەزار دینار وه‌رده‌گرن، شایانی باسه ئه‌و پاره‌یه، بەسەر یەكەوە لە مانگێكدا، هێنده‌ی مووچەی 10 شەهیدی پێشمەرگەیە. لێره‌دا پرسیارمان ئه‌وه‌یه، که ئاخۆ چ نهێنیەكی تر لەپشت ئەم شتانەوە هەبێت كە ئێمە نایزانین؟
(هەژار هاشم جیهاز چی له مێژووی ئه‌نفال و شه‌هیدان ده‌زانێت؟)
7) لە سەفەرێكیاندا بۆ هۆڵەندە وەزیری شەهیدان رازیی بووه، بە ناوی كاری رەسمی وەزارەتەوە فەرمانگەی پەیوەندییەكانی دەرەوەی هەرێمی كوردستان لە توركیا فریو بدات بەوەی لە سەفارەتی هۆلەندە داوای فیزا بۆ ژن و مندالەكەی هەژار بكات بەناوی ئەوەی گوایە بۆ كاری رەسمی و ناساندنی جینۆساید سەفەر ده‌كەن. بۆ ئه‌مه ئێمه لێره‌دا نه‌ک به قسه، به‌ڵکو به به‌ڵگه‌ی ره‌سمی ئه‌وه ده‌خه‌ینه روو، كە چۆن داوای فیزە بۆ ژنەكەی هەژار (لەنجە ئیسماعیل محەمەد) كراوە، وەك نوێنەری وەزارەت و لە هەمووشی فەزیحەتر ئەوەیە ئاماژە بۆ مندالەكەی هەژاری بەرێوەبەری نووسینگەی وەزیر كراوە به‌ناوی (یاد هەژار هاشم) كە تەمەنی تەنیا 3 ساڵه، وەك نوێنەری وەزارەت ناوی هاتووە. (
کلیکی ئێره بکه بۆ بینینی بەڵگەنامەكە).
ئێمە پێمان باشە لەبەر رۆشنایی ئەم راستییە سەفارەتەكانی عێراق له ئەوروپا و پەیوەندییەكانی دەرەوەی حكومەتی هەرێم ئاگادار بكرێنەوە، تا ئاگاداری ئەم فێلكردن و كارە ناشرینه‌ی وەزیر و دۆستەكەی بن.
حكومەت و داواكاریی گشتی لە كوێن؟
ئایا ئەوە پێی دەوترێ حكومەتی هەرێم؟ پەرلەمان و داواكاری گشتی لە كوێیە؟ بفەرموون زانیاریی و بەلگە لە ئێمە و لێپرسینەوەش له ئێوە، لەوانەیە ئەمانە زانیاریی كەم بن، بەلام واتایه‌کی سیاسیی گەورە دەبەخشێت به ولات و به سیسته‌مه‌که‌ی.
ئه‌و وەزیره‌ی، نازانێت فاتیحایه‌ک دابدات، وه‌ک ئه‌کته‌رێک نوێژ بۆ ئەنفالكراوان دەكات
سەرنج:
لە بەشی دوەمدا لەسەر فەزیحەكانی وەزیری شەهیدان مامۆستا ئارام دەنووسین، خوا یار بێت به به‌ڵگه‌وه ده‌یته‌قێنینه‌وه، بۆ نمونە وەرگرتنی (5) ملیۆن دۆلار لە حكومەت بەناوی هەڵەبجەوە، لە شوێنی تردا ته‌نها باس لە یەك ملیۆن دۆلار کراوه، هەروەها گەندەلییە زۆرە ئیدارییەكانی ئه‌م وه‌زیره... تاد. بە بەلگەوە هه‌موو ئه‌مانه دەخه‌ینە روو.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
