ل ٢ ئایارا سالا ١٨٠٨ ل دژی سەربازێن داگیرکەرێن فرەنسی ب دەنگێ سەرهلدنێ مەدرید دهاتە هەژاندن، بەرسڤا توند یا سەربازێن داگیرکەران دابیتە ئێکەم پێنگاڤ بو سەربەخوبونا ئیسپانیا.

ل ٢٣ ئادارێ ناپولیونی مەدرید داگیر کربی ، مەلکێ ئیسپانیا چارلسێ چوارێ ب زوری دەست کاری کێشا و جهێ وی کورێ وی فیردیناندێ ٧ێ ژلایێ ناپلیونێ ڤە بو مەلکێ ئیسپانیا، ل دەمێ دەستپێکرنا سەرهلدانێ چارلس و فیردیناند ل فڕەنسا بین، بەرپرسێ ناپلیونی ل ئیسپانیا یوراخیم مورا دەمێ خواستی کچا چارلسی و کورێ وی فرانجیوس بیتە فرەنسا دا جاددەیێن مەدرید چەند دەمژمێران بیتە مەیدانا جەنگا خەلکێ ئیسپانیا و سەربازێن ناپلیونی، سەربازێن فرەنسا ب زوری ئەڤ سەرهلدانە بەربەست کرن.

ناپلیون د چەندین بەرێن جەنگان دا بی و نەدخواست بەرەکێ نوویێ ڤەبیت، بریار دا برایێ وی جوزێف بیتە مەلکێ ئیسپانیا، ل وێ روژێ دا سەرهلدان جوگرافیا ئیسپانیا ڤەگرت. ل وێ روژێ د لاپەرێن مێژوویێ ئیسپانیا دا چاخ هێتە گورین، ٢ ئایارێ خەلکێ مەدریدێ ل بەردەم کوچکا مەلکایەتی خوپێشاندان کر، ئامانجا خوپێشەندەران رێگرتنا هنارتنا کورێ فیردیناندی بی بو فرەنسا.

کومبوونا یوراخیم مورا دگەل راوێژکاران د بارەگایێ سەرکردایەتی دا ئەو بو ماوێ چەند خولەكان بوون داوی هاتی، پلە بەرزێن سەربازی چاڤەرێ بریارا کومبوونێ بین، پشتی بیستنا بریارا مورای پلە بەرزان باوەر نەکر ژ وان پەیڤێن دێمێ مورای دەرکەفتی، بریار بومبەباران کرنا خوپێشەندەران بوو، پلە بەرزان نەچار بوون و ئەنجامێ بجهئینانا ڤێ بریارێ ئاگرێ شورەشێ ل جوگرافیا ئیسپانیا بەرزتربی.

ل چەندین باژێرێن ئیسپانیا شەرێ چەکداری دەستپێکر، سەربازێن فرەنسا پێشکەفتیترین چەك دەستی دابی بەلێ خەلکێ ئیسپانیا زوربەی بێ چەك بین، خەلکێ ئیسپانیا ب نەبوونا چەکی دا دار و بەران شەر دکر، سەربازێن رەگەز ئیسپانی بریارێن مورای رەد کر و تاکە سەربازگەها پشتەڤانیا خوپێشەندەران کری سەربازگەها باژێرێ مونتەلەون بی و سەربازێن ڤێ سەربازگەهێ ژلایێ فرەنسا ڤە هاتنە کوشتن.

ل ٢ ئایارێ دەمێ تاریکی ل سەر ئەردێ ئیسپانیا ڤەگرتی خوینا نێزیکی ٢٠٠ ئیسپانیان هاتبی رشتن و مورای بریارا دروستکرنا کومیسیونا سەربازی ب سەرکردایەتیا ئەمانوئێل دی گروش دا، ئێکەم بریارا کومیسیونێ سێدارەدانا خوپێشاندەرێن چەکدار بوون، مورای پەیامەك بەلاڤکر:

خەلکێ مەدرید، ژبەر لاوازیا رێڤەبەریێ سەرهلدان و کوشتن کریە، خوینا فرەنسیان رشتی یە، ئەڤێ خوینێ نوکە داخوازا تولڤەکرنێ دکەت، هەرکەسێ چەک هەلگرتی د سەرهلدانێ دا دێ هێتە سێدارەدان.

٣ ئایارێ ب دەستێن جەلادێن مورای خوینا نێزیکی ٣٠٠ ئیسپانیان هاتە رشتن و ئەڤ سەرهلدانە بوویە ئەگەرێ پشتی ٥ سالان ئیسپانیا سەربەخو بیت.