رەوشت یاسایەکە ناهێتە دیتنێ بەلێ ژیانا روژانەدا کاریگەری زور هەیە ، د رۆمانا تاوان و سزا دا نڤێسەرێ مەزنێ روسیا فیۆدۆر دۆستۆیەڤسکی نێرینەکا سەیر هەیو بو پێناسەیا رەوشتی ، فیۆدۆر دۆستۆیەڤسکی مروڤان دکەتە دوو جور : ناپولیونان و نورمالی ، مانا کەسانێن حەزێن خو ل سەر هەر پیروزی دبینن وەکو ناپولیونی و کەسانێن نورمال، قارەمانێ رومانا تاوان و سزا دا روسکولنیکوڤ دەمێ دخواست بیتە ناپولیون  سزا دبیتە ئازارا ویژدانی .

دۆستۆیەڤسکی د رۆمانا تاوان و سزا دا ناپولیونان رەخنە ناکەت چونکی ئەگەری تێکدەریان نابینیت کەسانێن وەکی ناپولیونان ، چونکی داکو کەسەک بیتە بەرپرسیار ژ کریارەکێ دڤیا ئەو کەسە هەلبژارتنێ بکەت ، ئەگەر قەدەرا ناپولیون دا بوونا ناپولیون هەبیت بێ مانایە رەخنەگرتن ، سروشتێ کەساتیا ناپولیونی دا حەزا دەسەلاتبوونێ هەبی، مێشکەکێ فراوان و رێڤەبەرەکێ سەرکەفتی بی ، ئەڤ حەزە سروشتێ ناپولیونی بی و کریار ل دویڤ ڤێ حەزێ دکر ، ئەڤ حەزە بەرزترە ژ باشی و خرابی ، ژبەر ڤی ئەگەری ناپولیون ناهێتە تاوانبارکرن .

ل رومانا تاوان و سزا دا تاوانبار روسکولنیکوڤە ، چونکی ل دویڤ سروشتێ خو کریار نەکریە ، ئەنجامێ هزرکرنێ دا روسکولنیکوڤ کەسانەك کوشتی یە و ئەڤە سروشتێ وی دا نینە ، مانا وێ چەندێ یە 

روسکولنیکوڤ تاوانبارە چونکی دژی سروشتێ خو راوەستایە ، فیۆدۆر دۆستۆیەڤسکی باسێ ئەو کەسانێ هاتی کوشتن ناکەت و باسێ زیانا کوشتنێ ناکەت رومانا تاوان و سزا دا ،  باسێ زیانا مەزن دکەت  تاوانبار روسکولنیکوڤی روحا خو کری ، ئەنجام دا روسکولنیکوڤ دچیتە زیندانا سیبیریا و ئازادی ژ دەست دەت .

فەلسەفا فیۆدۆر دۆستۆیەڤسکی دا کەسانێن نورمال دخوازیت بیتە ناپولیون بەلێ چونکی ئەڤ حەزانە سروشتی کەسانێن نورمال دا نینە و تاوانباری بەرامبەر سروشتێ خو دکەت و تاوانبار دبیت ، ئەگەر کەسانەکی ویژدان هەبیت  پرسیار د باشی و خرابی دا بکەت ئەڤە دبیتە مانا وێ چەندێ ئەو کەسە ناپولیون نینە و دچیتە بازنا رەوشتی دا و ژلایێ کەسانێن دی کڕیارێن وی  دێ هێتە رەخنەگرتن د بازنەیا باشی و خرابی دا ، بەلێ پەیڤا باشی و خرابی بو ناپولیونان ناهێتە بکارئینان چونکی کەسانێن ژ جورێ ناپولیونان ئەو هەستە نینە پرسیارا باشی و خرابی بکەت چەوان کەسانێن دی کریارێن وان رەخنەکەت د بازنەیا باشی یان خرابی دا ؟ ئەڤە ڤەدگەریت بو پەیڤا عیسا مسیعی : ئەو کریارا تو بو خو نەخوازی بو کەسانێن دی نەخوازە .