خزمەتگوزاری و دەرفەت ڕەخساندنی هەمەچەشنەتان بۆ بووژانەوەی دووباڵی ۆەهابییەت٭ سەلەفی جهادی و سەلەفی مەدخەلی ٭هەر ئاگرتێبەردان و سوتاندنی قورئانە.

دژایەتی بەشە

بندەستەکانی دیکەی کوردستان و 

هاوپەیمانی دگەڵ

 دۆژمنان بۆداگیرکردن و بندەستیان هەر سوتاندی قۆرئانە، چوون دەڵێن :

دینمان ئایینمان هەرنیشتیمان . 

غەدر و خەیانەت لە سەرمایەی وڵات و مافی بەرهەقی هاوڵاتیان و نادادپەروەرتیان بە واتا و پێوەری ئەم حەدیسە

٭ لاعیشە لمن لادینە لە٭ بڕین و حەیفومەیلی مووچە و برسی کردنی خەڵک ، کە دژبەری مەفاهیمی شەریعت و یاسایە ، هەر سوتاندنی ئایاتی قورئانە. 

بێدەنگی ئێوە و وەزارەتی ئەوقافی حیزبەکەتان  بەرامبەر بەم پێڕوتاقمە تەکفیریە بدعەخۆازەش هەم سوتاندنی قورئانە و هەم سەرپێچی لە شەریعەتی غرای محەمەدی٭ د . خ٭ی لەسەربێت کە لەلایەن خالقی یەکتاوە بۆ پەروەردە و تەرویجی پاکی دین وپاراستنی کەرامەتی مرۆف و جوێکردنەوەی حەق لە باتیل و زاڵم لە مەزڵوم و دادپەروەر لە نادادپەروەر خەڵاتکراوە،

 هەرسوتاندنی قورئانە. بەم واتایە

هەموو پەرتەوازەێی دژبە ئایینی سلم و ئاشتی و پیرۆزمەندیەکانی ئامادەکاری و چاوەڕوانی هەموو چەشنە رووداو و کارەساتێکی دینی و کۆمەڵایەتی و نیشتیمانی لێی دەکرێت ،

 ئەمەش هەرسوتاندنی قورئانە.

پێویستە باوەڕ بەم مارەخۆش خەتوخاڵە ژەهراویانە نەکەن و دڵتان بەووتەی فریوکارانەیان خۆش نەبێت کە

(عەبدۆلەتیفی هەرزەپیاوی ژنڕفێنی سەلەفی مەدخەلی ) بەفریوکاری ئاراستەتان دەکات بۆ وەرگرتنی کۆمەڵی ئیمتیازات و دەسکەوتی تایبەت بۆ پەرەپێدانی بیرۆکە پووچە گمڕاکاریەکەی کە دەڵێت:

(( سەرۆک وەلی ئەمری مسڵمانانە و پەیڕەوکردنی واجبی سەرشانی هەمووانە ))

خافڵ لەوەی کە سودگرتن لەم  شەکرشکێنی و شیرین کەلامی سەلەفی جیهادیانە دەرئەنجامی هەڵدانی جامی ژەهری شەوکەرانی تەزین وبەزین و ئیفلیج بوونی حکومەتی هەرێمە و

سڕینەوەی ڕەسەنییەتی فەرهەنگی و بنپێ کردنی کەرامەتی مرۆڤ و سەمئاژۆکردنی کۆمەڵگە وتەخدیری پەروەردەی رۆحی نەتەوەییە، و پێچەوانەی واتای پیرۆزی  ،، حب الوطن من الایمان ،،ە

 کە ئەمەش هەرسوتاندنی قورئانە.

هەربۆیە ئەرکی سەرشانە و مایەی ئەندێشە و تێڕامانە کە عەلاجی هەر رووداوێ پێش رووداوەکە چارەسەربکرێت، چوون یەک بەیەکی ئەم هەڵە ئایینی و سیاسی و نیشتیمانیە لە پێناوی بەرژەوەندی دۆژمنان گیراوەتەپێش و هەست

 بە زەرەر و زیانی داهاتوی ناکەن بوونەتە مایەی بێ رێزی بە باوەڕی باوەڕدارانی گەلەکەمان کە دەرئەنجام دەبێتە هۆکاری کارەساتگەلێکی مەرگبار بۆ کوشتنی کیانی نەتەوەیی و داڕمانی بنچینەی نیشتیمانی ، کە تا قامی قیامەت قەرەبووناکرێنەوە

و پاشەرۆژ مەجبورن پەنجەی نەدامەت و نەزانکاری کردەوەی ڕابردوتان بگەزنەوە،

 ئەم گەرمیان و کۆیستانە کە ئیستا لە زۆنی زەرد و سەوز بۆ دەستێوەردانی ئیسلامی سیاسی بەتایبەت رژیمی ئانارشی تورکیا و کۆماری پەتو سێدارەی  ئیسلامی ئێران و نۆچەکانی  بیرۆکەی محەمەد عەبدۆلوهابی سێخۆڕی بریتانیا  ، کە ئیستا بە پشتیوانی ئێوە کوردستانیان کردوەتە جاڕگە و مۆڵگەی

،،  سەلەفی جهادی و سەلەفی مەدخەلی و .......،و لە خێروبێری داهاتی سامانەسرۆشتیەکانی

 وڵات سەرمەست و چەلەنگن و بە عەربەدەی مەستانە پەیامی هەلکشان و دەمەزەردکردنەوەی شمشێری ژەنگرتوی سەلەفیەتی تینو بەخوێنێ گەلان و پەیڕەوانی ئیسلام و مەزهەب و میللەتانی دی بەتایبەت میللەتی کورد بانگەوازدەکەن ، کە بەحەقێقەت هۆکارەکەی

 خزمەتگوزاری و ڕاخستنی  سفرەوخۆانی ڕازاوە و  پڕبەرەکەت و ئیدەئالی ئێویە، بە واتای مەۆزوعی و جەوهەری ئەمەش هەر سوتاندنی قورئانە، چوون دژبەری چارەنووسی مسڵمانان  و خاکی نیشتیمانە .

وامەزانن حەقێقەت و راستی لەچینوتوێژەکانی گەل شاراوە و نادیارە، 

بێگۆمان ئەم تەخەلفاتە  دینی و مرۆیی و نیشتیمانیە لە رۆژهەڵات و رۆژئاوا و باکور و باشوری کوردستان  تا سوتاندنی قورئان  لەوڵاتی سوید، تێکرا بەپیلانی 

حکومەتی ئیخوان داعشی تورکیا و کۆماری ئیسلامی ئێران ، بەڕێوەدەبرێت  مخابن ئێوەش تا ئیستا پشتیوان و هاوکارن٫

گەلیش دەڵێت : ئەی سەرانی کورسی نشینی لە خەم و مەینەتی گەل و نیشتیمان بەدور، لەخەوی خەفڵەت ڕاچنن چوون میللەتی ئەنفال و کیمیابارانکراو لەمە زێدەتر شیاوی  چەرمەسەرێ و جەفاکاری و پێشێلکاری دەسەڵاتی خۆجێیی نییە کە بێ بەزەییانە و دۆژمن ئاسا چارەنووسیان بەخۆاستی ئیوە بکرێتە قوربانی ئەو دوو وڵاتەداگیرکارە و نۆچە ئیسلامیەسیاسیەکانیان بەنێوی دینەوە ،

گۆمانتان نەبێت  زەرورەتی مێژوو نە ڕەحم بەدژبەرانی خۆی دەکات و نە ڕەوەندی پێشڕەوی قۆناخ بەقۆناخی بۆ کەس ڕادەگیردرێت.