تو نابێژی ئەڤە تو لکیژان چەرخی دژی!

مسعودێ بابێ تە ژی دبانگەشا ڕێفراندوومێدا حساب بۆ ڕا و بۆچوون و هێزا کەسێ نەدکر، وی ژی بۆ ئەنجامدانا ڕیفراندوومێ دگوت ئەز یێ ئامادەمە سەرێ خوە ب کەمە قوربان. خەلکی ب چاڤێن خوە دیت کا چ کارەسات بۆ هاولاتیێن هەرێما کوردستانێ ل پەیی خوە ئینان.

بۆچی بابێ تە سەرێ خوە بۆ ژ دەستدانا 51% یا ئاخا کوردستانێ نەدانا، حەیف مللەتی باج و قوربانییا سەررەقی و مەژی هشکییا وی دان، تو ژی دزانی هەوە پێگەهێ هەرێمێ و مللەتێ کورد چەندین سالا پشتوپشت زڤراند،  تو ژی دزانی هەوە متمانا مللەتێ کورد ب جارەکێ یا ژ دەستدایی، بۆ تە یا ڕون و ئاشکرابووی کو ئێدی باوەریا خەلکی ب شەخسێ بابێ تە مەسعودی و پارتا وی ب خو ژی ناهێن، تو زانی هوین ب زۆرداری یێ حکومرانیێ ل ڤی خەلکێ هەژار و تەپەسەر دکەن.

مەزنا دگوتن کوڕ گۆپالێ بابێ دھەژینیت لێ مـە باوەر ژێ نەدکر. مەسرور تو دزانی نوکە تویێ کاروتەرزێن بابێ خوە دووبارەدکەیەڤە، ئەڤە چ سەرڕەقیە تە ددوسەیا ڕۆژنامەڤان و چالاکڤانێن بەھدینان دا ئەنجامدەیی، دکومبوونا دادوەرێن نەدادوەردا چەند جارا تە دەستێ خوە ل وێ کورسیکا ل بن پاشیا خوەدایە، کو تویێ ئامادەیی وێ کورسیکێ ژ دەست ب دەیی بەس تویێ ئامادەنینی ڤان چالاکڤان و ڕۆژنامەڤانا ئازدبکەیی!

ل ڤێرە بۆ خەلکی باش دیاردبوو کو تو کەسەکێ هەزەلی و نەزانی و بکێر چ جورێن حکومرانیا ناهیێ، بزانە تە بزمارەکا دی ل تابویتا دەستھەلاتا خوە و مالباتا خوە چکلاندڤە، تو دزانی ڤێجا باوەریا خەلکێ کوردستانێ ب یاساوڕێسایێن هەوە ناهێن... مەسرور تو دزانی تە دەستهەلاتا خوە و مالباتا خوە لسەر ئاستێ جیهانێ و نەتەوین ئێکگرتی لەکەدارکر و چ بها و سەنگ بۆ نەهێلان؟

پشتی راپۆرتا وەزارەتا دەرڤە یا ئەمریکا و بەیانناما ئێکەتیا ئەورۆپا و ڕێکخراوا (CPT) یا ئەمریکێ و ڕێکخراوا (AMNESTY) و ب دەھان ڕێکخراو و کۆنسولخانێن جیھانێ ب توندی دەستھەلاتا هەوە یا ئیدانە و شەرمزارکری.

مەسرور تو دزانی تە ژی وەکی بابێ خوە حساب بۆ دەولەتێن زلھێز نەکر و ل سەر سەرڕەقی و عیناتا خوەیێ بەردوامبووی و تە سزایێ شەش سالێن زیندانکرنێ ب نەحەقی و زۆلم و زۆرداری و ستەمکاری لسەر ڤان ڕۆژنامەڤان و چالاکڤانێن بەھدینان سەپاند.

ئەز باش دزانم تو پێڤەناچی و هوین دئامادەنە سەرێ مللەتێ کورد گوری بەرژەوەندی و کورسیکا دەستهەلاتداریا خوە بکەن. لێ دووماهیکێ دێ بێژمە تە ل هیڤیا ئاتافێن سەرهشکیا خوە بمینە.