نغرۆیی من

Friday, 13/11/2020, 1:17

بە نەفرەت بێ
بزەی لێو هەڵپساردووە
بە دەمامك
پەتای كۆرۆنا!

تووڕە دەبی لە دیدارم
باشە، كەچی
بۆختۆكەی نیگام دەدەیی
بە بەژنی خۆت!

شك و گومان لە گوڵ دەكەم
نەوەك گوڵێك
بە بۆنی تۆ خۆی تاس كردبێ!

قیژەی ژنێك
لە سەرتەرمی جگەرگۆشە
كوژراوەكەی
زۆر لە ئاسمان بڵند ترە!

ئەوكەژانە
جەستەی خۆیان هەڵكۆڵیوە
زەندۆڵ زەندۆڵ*
بۆ پەناگەی گەڕۆكەكان..

هەموو ساتێ‌ وەك ڕەشەبا
شان دەخزێنی بە جەستەمدا
موچڕكەی مەرگ!

گریشمەی باران
سنگی زەوی بۆ بەزە و سۆز
تەخت كردووە!