هەڵمەتی دێ‌تەکانیی ڕاگەیاند

ئەنجومەنی سەوزی چیای مەریوان لە بەرەبەری #نەورۆزی_کوردەواری و بە مەبەستی خاوێنکردنەوەی گوندەکانی کوردستان

بۆ پێشوازی لە بەهار و ساڵی نوێ، لەژێر دروشمی:

[شەریفانە و پڕ ئومێد بەرەو ساڵی نوێ]

دەسپێکی هەڵمەتی #دێ_تەکانیی ئەمساڵی ڕاگەیاند.

کۆمیتەی دێکانیی ئەنجومەنی سەوزی چیای مەریوان هەموو ساڵێک لە دوایین چوارشەممەی ساڵدا، لەژێر ناوی: [دێ‌تەکانی] هەڵمەتێکی خاوێنکردنەوەی #کۆڵان و #چەم و #ڕووبارەکانی ناو #ئاواییەکان ڕادەگەینێ .

ئەنجومەنی سەوزی چیا ڕایگەیاندووە: ئیمساڵیش بۆ یازدەیەمین ساڵی ئەو هەڵمەتە، هەر وەک ساڵانی پێشوو لەسەر ڕێباز و یادی هاوڕێی شەهیدمان: #ئومێد_حسەین‌زادە ڕێکخەر و ساماندەری کومیتەی دێکانی چیا و لەپێناو ئەمەگداربوون بە #ژینگەی_نیشتمان، ڕێچکە و ڕێبازی ئەندیشەی سەوز و بایەخدان بە پاک و خاوێنی و ژینگە پارێزی، هەڵمەتی دێ‌تەکانی بەڕێوە ئەچێت.