بارودۆخی ژنان و کۆمەڵگای ئیران و ڕۆڵی دەسەلاتی دیکتاتۆری

Sunday, 28/06/2020, 23:27

دیارە لە هەر ولاتێکی مەزهەبی کە بە هۆی دەساڵاتی دیکتاتۆریەوە بە ڕێوەی دەچێت، مافی زنان لەوپەڕی لاوازیدایە.
من لێرە وەک ژنێکی چەوساوەی ژێر دەسەلاتی دیکتاتۆری کۆماری ئیسلامی ئیران کە زیدی باوباپیرانو کوردوستانم بە جێ هێستوەو ئاوارەی هەندەرانم، زۆربەی ئەم دەسترێژیانەم بینیوەو چەن جار کەوتوومەتە بەر هێرشی پیاوسالاری و لێدان، هەوڵ دەدەم مافە پێشیلکراوەکانی ژنان بخەمە بەر باس و لێکۆڵینەوە.
ئەگەر ئاوڕیک لە بوچوونی هەموو زانایان و لێکۆڵەرانی سیاسی و کۆمەلایەتی و فەیلەسوفانی دەورانی دوای ئیسلام و دەسەلاتی دیکتاتوری بدەینەوە لەو باوەرەدان کە هەر وڵاتیک سیستەمی بەرێوەبەری مەزهەبی بێت، بە هیچ شیێوەیەک مافی دیموکراسی و ئازادی بەتایبەت ژنانی تێدا ڕچاوو نەکراوە، بەڵکو تاکو ڕێگای پێدراوە لە چەن خاڵدا رەگەزی مێینەی وەک کۆیلە و بێدەسەڵات ‌هێناوەتە ئەژمار دەسەلاتی پیاووسالاری زەق کردوەتەوە و زیاتر بڕیاراتی کۆمەڵگا لە هەر بوارێکدا بە دەست پیاوانەوەیە.
دەگەڕیینەوە بۆ زیاتر لە چوار دەیەی دەسەڵاتی کۆماری سێدارە (ئێران) و چؤنیەتی مافی ژنان لەو وڵاتەدا.
ئەگەر ئاوڕێک لە ئەمساڵ بدەینەوە کە بەچ شێوەیەک لە گەڵ کچان و ژناندا هەڵسوکەوت دەکرێ زۆر مەسەلێ ناڕوونمان بۆ دەردەکەوێ.
ئاماری ئەو کج و ژنانەی کە بە دوای مافی خۆیاندا بۆ ژیانێکی ئازاد هەوڵ دەدەن، بەچ شێوەیەکی دڕبدانە دەکوژرێن،
کچانی وەک ڕەیحانە، ڕومینا دایکان و کچانێک کە لەنێو ماڵەکانیاندا دەدرێنە بەر زەربی چەقۆ و داس و تەور ە ئەسید و بەو شێوەیە شەهید دەبن. لە هەمبەر هەڵوێستی دەسەڵاتی کۆماری ئیسلامی ئێران کە بە هیچ شێوەیەک مافی ژنان بۆیان گرینگ نیەو نایانپارێزن، هەر چەشنە ڕوداوێکیش لە ژنان و کچان ڕوو بدات یان بە هەر هۆکارێک بەنەماڵەکانیان بە جێ دێلن و پەنا بۆ کەسانی باوەڕپێکراویان دەبەن لە ڕێگای دەزگا سیخوڕیەکانی ئیرانەوە دەدۆزڕێنەوە و دەدرێنەوە دەست جەلادەکانینان و بەو شێوەیە پارچەپارچە دەکرێن.
لە پرۆگرامی دەسەلاتی کۆماری ئیسلامی ئێراندا هیچ مافێکی مڕؤڤ بوونی نیە، بە هەزاران کرێکار و برسی و تووسشبوانی مادە هۆشبەرەکان کە ڕێژەی دەگاتە زیاتر لە ٣٠ ملیون کەس و سەپاندنی یاسایەک بۆ بەکار‌هێنانی ژنان و فرۆشتنیان بە شێوەیەکی کاتی بۆ ڕابواردنی پیاوان بە ناوی( سیغە) لە ئیراندا یاساییە و پیاوان بۆیان هەیە بەهەر شێوەیەک کەڵک لە ژنان وەرگرن. بە هؤی بێ بنەمایی بەرنامەی ئابوری و سیاسی لەو وڵاتەدا قەیرانێکی ئابوری ڕوی تێکردوە کە بە هیچ شیوەیەک چارەسەر نابێت ڕوژ لە دوای ڕۆز کێشەی ئابوری و سیاسی و کشتنی ژنان لە زیاد بوندایە.
گرنگ ماهیەتی کۆماری ئیسلامی ئێرانە کە بۆ هەموو تاکێکی ئەو کۆمەڵگایە ڕونوو ئاشکرایە و هیچ یاسایەکی بنەڕەتی ئۆرگانیزەکراو و دروستی نیە. هەموومان پێکەوە هاودەنگدەبین بۆ لەنێووبردنی دەسەڵاتی دیکتاتوری و جێگیرکردنی یاسایەکی فیدراڵی دیموکراسی بۆ هەموو گەلانی ئێران و هەموومان بە مافە سەرەتاییەکانی خۆمان بگەین.
سەرکەوتن بۆ مافەکانی ژنانی کوردوستان و ئێران .

دەریا عوسمانپور
ڕئکەوتی٢٠٢٠/٠٦/