من به‌هیچ شێوهیهک به‌شێک نیم له کوردستانپۆست
Sunday, 06/07/2008, 20:14
زانابه ئاریادنه
تۆ گوێت نییه، تۆ خاوه‌نی گوێی منیت
وشه‌یه‌کی ژیری تێبکه
ئاخۆ مرۆڤ پێویست نییه سه‌ره‌تا ڕقی له خۆی بێت
ئه‌گه‌ر بییه‌وێت خۆی خۆشبوێت؟
فریدریش نیچه
******************************************
په‌سه‌ندکردنی بیروڕای ئازاد کارێک نییه له توانای هه‌موو که‌سێکدا بێت، که من ده‌ستم له کوردستانپۆست به‌بێ ململانێی ناڕه‌وا کێشایه‌وه ده‌کرا ڕێز له بڕیاره‌که‌م بگیرێت نه‌ک سه‌رله‌نوێ بێڕێزیی به بۆچوونه‌که‌مه‌وه بکر‌ێت وه‌ک پێشتر له هۆنراوه‌ی خوددا کرا. من چه‌ند ساڵێک چالاکانه کارم له کوردستانپۆستدا کردووه، پریشکی چه‌ندیین کارم به‌رکه‌وتووه، که هێنده‌ی زیانی لێداوم به تۆزقاڵ چییه قازانجی پێنه‌گه‌یاندووم. من کاتێک بڕیارێک ده‌ده‌م ده‌ستناکه‌م به گیرفانمدا قسه ده‌ربهێنم. به مافێکی ڕه‌وای خۆمی ده‌زانم، که ڕێز له بڕیاره‌که‌م بگیرێت نه‌ک بێڕێزییم پێبکرێت. ڕێزگرتن و په‌سه‌ندکردن ته‌نها پیتی کیبۆردێک نییه به وشه بینووسیت به‌ڵکوو کرداره. کۆمه‌ڵێک پرنسیپی کار هه‌یه من باوه‌ڕم پێیه‌تی و ئه‌یپارێزم، لێ خه‌ڵکانێکی دی له‌و ڕۆژه‌وه‌ی وازیان له کوردستانپۆست هێناوه به‌ده‌یانجار هێرشی ناڕه‌وایان کردۆته سه‌ر کوردستانپۆست ده‌نگ له به‌رده‌وه هاتووه له کوردستانپۆسته‌وه نه‌هاتووه، هه‌رکاتێک نووسیینێکیشیان له‌وانه‌وه بۆ بێت به‌وپه‌ڕی گرنگیی و ستایشه‌وه به ڕازاوه‌تریین شێوه بۆی داده‌به‌زێنن، لێره‌دا کوردستانپۆست به چه‌ندیین پله ده‌چێته ژێر ده‌سته‌ڵاتی که‌سی ناوبراوه‌وه، ئه‌و ئاغا و کوردستانپۆستیش غوڵام. مرۆڤی ئازا و ئازاد سه‌ری خۆی بۆ هیچ فشارێک دانانه‌وێنێت و پێچه‌وانه‌که‌شی پێناسێکی پێچه‌وانه‌یه. دواجار من به‌هیچ شێوهیهک به‌شێک نیم له کوردستانپۆست. ئه‌وه‌ی له کوردستانپۆسته‌وه ده‌گه‌یه‌نرێته ئه‌و ڕۆژنامه‌وانانه‌ی ده‌یانه‌وێت دیمانه‌یه‌ک ده‌رهه‌ق به چه‌ند کارێک له کوردستانپۆستدا بکه‌ن دوورن له ڕاستییه‌وه. حه‌مه‌ڕه‌شید هه‌ره‌س کێشه‌ی له‌گه‌ڵ کاک که‌مالدا هه‌یه، که‌چیی یه‌که‌میین کۆمێنتاری وتاره‌که‌ی به‌ناشیریینتریین شێوه دژ به من ده‌نووسرێت و بڵاوده‌کرێته‌وه، به‌بێئه‌وه‌ی من به‌شێکی ئه‌و کێشه‌یه بم. مرڤی ئازا ده‌مامک نابه‌سێت به‌ڵکوو به ڕووی ڕاسته‌قیینه‌ی خۆیه‌وه به‌رانبه‌رت ڕاده‌وه‌ستێت. ئه‌وانه‌ی ئه‌و هه‌موو قسه ناشریینه به من ده‌ڵێن:
ئه‌گه‌ر ترسنۆک نین با به ناوی خۆیانه‌وه بنووسن، من بێجگه له مێشکم هیچ چه‌کێکی تر شکنابه‌م. من وه‌ک چلۆن چاوه‌ڕوانیی ستایش ناکه‌م، لێ په‌سه‌ندی ئه‌وه‌ش ناکه‌م چه‌ندیین ساڵ هێرشم بکرێته‌سه‌ر، دیاره من بێده‌نگییم زۆر هه‌ڵبژاردووه، لێ هه‌موو شتێک سنووری خۆی هه‌یه. سروشتی من وه‌هایه، من ئه‌وه‌م، که هه‌م، من خۆمم ناسیوه‌ته‌وه، لێ خه‌ڵکانێک وه‌ک مردوو له‌دایکبوون و هه‌تا ده‌چنه‌وه باوه‌شی سروشت بۆ چرکه‌یه‌ک چییه نازانن کێن. من ئه‌و خشڵه‌م، که هێواش هێواش ده‌بمه به‌رد و بۆ هه‌تاهه‌تایه چ ده‌دره‌وشێمه‌وه چ ده‌مێنمه‌وه، ئێوه‌ش ئه‌و ئاوه لیخنه‌ن، که خێرا خێرا ده‌بن به هه‌ڵم و له‌ناوده‌چن.
ئه‌وه مافێکی ڕه‌وای منه، که ڕۆژێک له ڕۆژان نه‌هێڵم ده‌ستی ته‌وقه‌م بچێته ده‌ستی خه‌ڵکانێکه‌وه، ئه‌گه‌ر به ڕێکه‌وتێکی نائاگاییش ڕووبدات، ئه‌وا ده‌ستوبرد ده‌ستم به سابوون ده‌شۆم. هه‌موو ئه‌وانه‌ی سووکایه‌تیی به من ده‌که‌ن بریتیین له (دایک و خوشک و برای خۆم، براده‌ری خۆم، ناسیاوی خۆم، خزمی خۆم ... هتد) هه‌موو ئه‌مانه‌ش ده‌بێت خۆیان به‌مندا هه‌ڵبواسن هه‌تاوه‌کوو نه‌مر بن. کێشه‌ی هه‌ر گه‌وره لێره‌دا ئه‌وه‌یه، که ئه‌مانه هه‌موو جارێک بیانه‌وێت هێرشبکه‌نه سه‌ر من ناوی سوڵماز ده‌هێنن و ده‌ستده‌که‌ن به سووکایه‌تییکردن به‌و وه‌ک (ئیتڵاعات بوو، ڕه‌دوو‌که‌وت، چوو بۆ لای کوڕێکی تر ... هتد). ئێوه کێشه‌یه‌کتان له‌گه‌ڵ مندا هه‌بێت سوڵماز چییبکات؟ ئێمه ڕۆژگارێک وامانده‌زانیی ده‌توانین وه‌ک دوو خۆشه‌ویست هه‌تا مه‌رگ له‌کن یه‌کبین، لێ چاره‌نووس به‌شێوه‌یه‌کی تری وه‌رگێڕا.
ده‌کرێت بڵێم هۆکاری سه‌ره‌کیی دوورکه‌وتنه‌وه‌ی من و سوڵماز هه‌ر ئێوه بوون، ئێوه‌ی دایک، خوشک، برا، براده‌ر، دۆست، خزم، ناسیاو ... هتد. هه‌نووکه‌ش به‌وه‌شه‌وه ناوه‌ستن به‌رده‌وام هێرشی ناشریین له ڕێگای منه‌وه ده‌که‌نه سه‌ر ئه‌و، وا نزیکه‌ی سێ ساڵیش ده‌بێت من سێ وشه‌م له‌گه‌ڵ سوڵمازدا نه‌گۆڕیوه‌ته‌وه و ناشزانم له کوێ ده‌گووزه‌رێت، لێ هیوای من بۆ ئه‌و ژیانێکی به‌ختیاره. من و ئه‌و نه‌مانتوانی پێکه‌وه به‌ختیار بین، لێ هه‌تاوه‌کوو ئێستاش پێڵاوی ئه‌و به هه‌زاره‌های وه‌ک ئێوه‌ی ترسنۆک ناگۆڕمه‌وه. له ده‌یان شوێندا ده‌نووسن، که من به زۆر ته‌عدام له براژنم کردبێت، لێ من یه‌ک براژنم هه‌یه (گوڵشه‌ن شێخ محه‌مه‌د) هه‌ر زۆریشم لێبکه‌ن ده‌ڵێم: ئه‌و له‌لایه‌ک و هه‌موو کوردیش له‌لایه‌ک. ئه‌وه کامه براژنمه من به‌زۆر ته‌عدام لێکردبێت؟! برایه‌کم دووجار له ئه‌ڵمانیا شکاتی لێکردووم و ڕاپێچی به‌ر دادگا کراوم له‌سه‌ر پاره. دواهه‌میینجار به‌ر له دوو مانگ شکاتێکی تری له‌لای ده‌زگای پۆلیسی کریمیناڵ لێکردم به تۆمه‌تی ئه‌وه‌ی ئاوتۆمبیلێکم لێ دزیوه. من نامۆتریین مرۆڤی ئه‌م جیهانه به‌گشتیی و کۆمه‌ڵگای کوردییم به‌تایبه‌تیی. گه‌وره‌تریین تاوان، که من کردبێتم ئه‌وه‌یه، که کوردم و چیدی نا. من داوام له دایک و باوکم نه‌کردووه، که دروستم بکه‌ن، کاتێکیش دروستبووم پێویست بووه له‌ناو تراژیدیای خێزانێکی هه‌ژاری نیشتیمانپه‌روه‌ردا بژییم و له‌گه‌ڵ ئازاره‌کانی ئه‌واندا ئازار بچێژم. لێ هه‌نووکه ده‌ڵێم: بێئه‌قڵتریین خێزان خێزانی ئێمه بووه، چونکه ئه‌گه‌ر بێئه‌قڵ نه‌بوایه خۆی بۆ کۆمه‌ڵگایه‌ک هه‌ژار و نه‌دار و برسیی نه‌ده‌کرد، که بێجگه له سووکایه‌تییپێکردن هیچ پاداشتێکی تریان نه‌دایه‌وه. ئه‌قڵی ئێستام هی ئه‌وسا بوایه، من پێی باوکیشم ده‌شکاند هه‌نگاوێکی له کوردایه‌تییدا هه‌ڵبهێنایه‌ته‌وه. چیتان هه‌یه به‌رانبه‌ر به خۆمی بکه‌ن منه‌تتان نه‌بێت، لێ ده‌ست له سوڵماز هه‌ڵبگرن چونکه ئه‌و له ژیانی مندا نه‌ماوه و ژیانێکی تر و ئازاد ده‌ژیی. من تاکێ پێڵاوی سوڵماز ناگۆڕمه‌وه به هه‌زارانی وه‌ک ئێوه، چونکه ڕۆژگارێک بووه به‌قه‌د گلێنه‌ی چاوه‌کانم خۆشمویستووه. ده‌شێت ڕۆژێک تووڕه‌تر بم و زیاتریش بڵێم، لێ ئیمڕۆ سنوورێکم بۆ خۆم کێشاوه. ئێستاش لێره به‌دواوه ئێوه به‌رنه‌فره‌تی بیرکردنه‌وه‌ی من که‌وتوون، ئێوه‌ی ترسنۆک، ئێوه‌ی نه‌زان و مرۆڤی بوده‌ڵه، ئێوه‌ی مردووی به مردوویی له‌دایکبوو هه‌تا ئه‌و ڕۆژه‌ی ده‌چنه‌وه باخه‌ڵی سروشت نۆکه‌ری سیاسه‌تی هیچ، سیاسیی هیچ، سه‌رۆکی هیچ، کلتووری هیچ، ئایینی هیچ و ڕه‌وشتی هیچ ده‌بن.
پۆڵا سه‌عید
05.07.2008
ئه‌ڵمانیا
کۆمێنتاره‌کان:
نووسراوه له‌لایه‌ن: پۆڵا سه‌عید پۆڵا سه‌عید
سه‌ره‌تا ڕێزدار دانا وه‌یسه هاوڕێیه‌کی دڵسۆزمه نه‌ک ناوێکی خواستراو، ڕۆژنامه‌وانێکی بوێر، شاره‌زا و خاوه‌ن لۆگیکه، لێ من تۆ وه‌ک خوێنه‌رێکی به‌سه‌ل ناناسم. لێ له تێڕوانینه‌کانته‌وه ئه‌گه‌ر به‌رپرسی کوردستانپۆست نه‌بیت ئه‌وا ئه‌ندامێکی ئه‌وێی.
خودی به‌ڕێز دانا وه‌یسه، چه‌ند پرسیارێکی ئاڕاسته‌ی کوردستانپۆست کردووه، ته‌نانه‌ت به کاک داناش وتراوه، که پۆڵا سه‌عید هه‌تاوه‌کوو ئێستاش ئه‌ندامی کوردستانپۆسته. من بۆ هه‌ڵبژارده ده‌نووسم نه‌ک خوێنه‌ری کووشنده، چونکه ئه‌گه‌ر بۆ ئێوه بنووسم ده‌بێت به دڵی ئێوه بنووسم، له‌ئاستی توانای تێگه‌یشتنی ئێوه‌دا بنووسم. ئه‌وه بۆچوونی تۆیه، که من نووسه‌رێکی چه‌قیووی کوردستانپۆستم و له ده‌ره‌وه‌ی ئه‌واندا من نه‌ناسراوم، ئه‌مه‌ش بیرکردنه‌وه‌ی به‌ڕێوه‌به‌ری کوردستانپۆسته. من پێمباشه بوێر بوویتایه و ئه‌و پێناسانه‌ی، که باسیان ده‌که‌یت بتنووسیبایه وه‌ک ئه‌و کۆمێنتاره‌ی، که بۆ حه‌مه‌ڕه‌شید هه‌ره‌س نووسرابوو.
من خۆم ناسیوه‌ته‌وه، پێسیمیستییه‌ت به‌شێکی بیرکردنه‌وه و ژیانمه، ئه‌مه‌ش من له تۆ جیاده‌کاته‌وه. له ڕوانگه‌ی تۆوه من کۆیله‌م، ئه‌وه‌ش بیروڕای خۆته. چه‌واشه‌کردن و سه‌رلێشێواندن کاری من نییه، به‌ڵکوو ئه‌وه ئه‌قڵییه‌تی خوێنه‌ری کووشنده‌یه، که ئه‌وه‌ی له ئاستی تێگه‌یشتنی ئه‌ودا نه‌بێت له‌لای هیچ شتێک نییه بێجگه له گه‌ره‌لاوژێیی وشه.
دواکات من به ئیمایل وه‌ڵامی کاک دانا وه‌یسه‌م داوه‌ته‌وه، که ئه‌مه‌ش خۆی له خۆیدا ڕێزگرتنه له‌و له خانه‌یه‌کی تایبه‌تدا. ئه‌مه‌ی خواریشه‌وه ده‌قی ئه‌و وه‌ڵامه‌یه، که بۆ کاک دانا هاتووه وه‌ک ڕۆژنامه‌وانێک.
به‌ڕێز کاک پۆڵا و کاک دانا وه‌یسه!
کاک پۆڵای به‌ڕێز، ئه‌وه‌ی سه‌باره‌ت به کوردستان پۆست نوسیوته، ناهه‌قی تێدایه چونکه هه‌موو شته‌کانت تێک ترشاندوه به سه‌ر یه‌کدا، ئه‌وه‌تا که‌سیکی وه‌ک دانا وه‌یسه وا ده‌زانیت که کوردستان پۆست ده‌ستی خستۆته ناو کار وباری ژن و براژن و شتی ترته‌وه، تۆ مه‌سه‌له و کێشه‌ی بیری ئازادت تێکه‌ڵ به‌و کێشانه‌ی تر کردوه، بۆ هه‌مووی هاتووشی ناوی کوردستا پۆستت کردوه به تایتڵی وتاره‌که‌ت، بۆیه که‌سێکی وه‌ک دانا وه‌یسه، که دیاره خوێنه‌رێکی ساده‌یه، ئه‌و نمونانه‌ت به‌وه ده‌ستخه‌ڕۆ کردوه، که گوایه کوردستان پۆست، له پشتی ئه‌و کاره‌وه‌یه. ده‌بوو نووسینه‌که‌ت بۆ مه‌به‌ستێک ئاڕاسته‌بکردایه، نه‌ک بۆ سه‌ر لێشێواندن و چه‌واشه‌کردن. تۆ زۆر غه‌درت له کوردستان پۆست کردووه، ده‌بوو که‌مێک وه‌فا له نوسیه‌نکه‌تدا هه‌بوایه، من له کوردستان پۆسته‌وه ئاشنابوم به ناوی تۆ، له کای من و زۆر که‌سی تر، تۆ نوسه‌رێکی چه‌قیوی کوردستان پۆست بویت، له شوێنی تر تۆ غه‌ریبیت، ئه‌گه‌ر تۆ ئه‌و هه‌سته‌ت نییه، زۆر شت بۆ پێناسه‌ی تۆ هه‌ڵده‌گرێت پێت بوترێت. له کۆتاییشدا ده‌ڵێم، که‌سێک له ئازادی بیروڕا تێ ده‌گات و له‌سه‌ری ده‌نوسێت، که له پێشدا خۆی که‌سێکی ئازاد بێت، ئه‌مه‌ی تۆ نووسیوته، له که‌سێ کویله زیاتر هیچی ترت نابینم، که‌سی ئازاد به ڕه‌شی نانوسێت، به ڕه‌شی تف له خاک و نه‌ته‌وه و خێزان و هاوڕێ و هه‌موو شتێک ناکات، جوانی و ئازادی مرۆڤ له‌وه‌دایه بزانێت له کوێوه هاتوه و بۆ کۆێ ده‌چێت، به‌ڕێزه‌وه له هه‌موو شته‌کان بڕوانێت. تکایه وه‌ڵامی من مه‌ده‌ره‌وه، لێ وه‌ڵامی دانا وه‌یسه و ئه‌وانه‌ی وه‌ک دانا وه‌یسه بده‌ره‌وه، بۆی لێک بده‌ره‌وه که ئه هه‌موو شتانه‌ت بۆ تێک ترشاندوه به سه‌ر یه‌کدا، مه‌به‌ستت چییه، بۆ ئه‌و هه‌مو شته ناشرینانه، به‌رامبه‌ر به جوانی کوردستان پۆست، بۆ کوردستان پۆست له دوای وازهێنانی تۆ ئیتر ناشرین بوو؟
نووسراوه له‌لایه‌ن: دانا وه‌يسه دانا وه‌يسه
سڵاو بۆ كاك پۆڵا..
برای خۆشه‌ويستم ئه‌وه‌ی باسی ده‌كه‌يت به ڕاستی ئازاری منيشی دا، چونكه ئه‌وه كۆمه‌ڵگه‌يه نه‌فره‌ت له هه‌موو ده‌نگێكی جيا و ده‌نگێكی نوێ ده‌گرێ.. له هه‌موو هه‌ستێكی جوان ده‌كات، به داخه‌وه كه كوردستانپۆست ئاوا ده‌ستی خستۆته نێو ژيانی تايبه‌تی تۆوه، به هيوام بير له زۆ شت نه‌كه‌يته‌وه‌و هه‌ميشه به‌ڕووگه‌شيی و خۆشيه‌وه‌به.. كۆمه‌ڵگه‌كه‌ی ئێمه نه له ئاين گه‌يشتووه نه له دابونه‌ريت.. ناشيرينيه‌كانی ئه‌وه‌نده زۆرن جوانيه‌كانی ونن..
له‌گه‌ڵ ڕێزم
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
