-١-

بەنیازی زەعتەر کڕین لەبەردەم دوکانێکی بازاڕی ( سوق الآحد) وەستابوو پرسی کیلۆی بەچەند؟    دەنگێکی ناسك لە پشتییەوە بەرگوێی کەوت ئەگەر زەعتەری باست دەوێت دوای من کەوە، بەبازاڕەکەدا بەدەم پرسیار و – وەڵامەوە دەڕۆیشتن تاگەیشتنە دوکانێک لەوێ نیوکیلۆی کڕی، بەرلەوەی لەیەکتری جیاببنەوە وتی من ( آمازیغی ) م سبەینێ کە یەکمان بینی لە قاوەخانەی سەرسوچەکە زیاتر یەکتر دەناسین، بەگەشتنەوەی لاپتۆپەکەی کردەوە و لە( گووگل) دا کەوتە سێرچ بۆ آمازیغی، تاڕادەیەك بە کلتووری آمازیغی ئاشنا بوو، سبەینێ پێس چوونی بۆ دیدارەکە (ساری) یەکی سەوزی کڕی و جوان بۆیان پێچایەوە بەتاسەوە کەوتەڕێ بەرەو قاوەخانەکە پاش سڵاو لەسەر کورسییەکەی بەرامبەری دانیشت و دیارییەکەی لەسەر مێزەکە دانا.                                     بەدەم قاوەخواردنەوە دەستێکی لەسەر دیارییەکەی دانا و پییوت ئەم دیارییەم بۆ هێناوی..             ئەویش وتی دەزانم چییە..                                                                                               / بەسەرسامییەکەوە وتی چۆن دەزانی؟                                                                                - دەزانم (ساری) یە.                                                                                                       / چۆن زانیت؟                                                                                                               - نایابترین دیاری  شایستە بە ژن لای ئێمەی آمازیغی ساریە هەردوێنێ وای بۆچوم کە، پیاوێکی نەخوێنەوار نیت و دنیادیدەت، کەسانی وەک ئێوە کە دەچن بۆ گەشوگوزار بۆ هەرناوچەیەك بەر لە گەشتەکەتان هەندێک لەسەر دابوونەریتی ئەو ناوچەیە دەخوێننەوە کە گەشتی بۆ دەکەن.               من ناوم ( لیلی الصحراویة ) ماڵمان لە ( مراکش ) ە ساڵانە بۆ مانگێك دێم بۆ ئەمشارە و لەماڵی خوشکەکەم دەمێنمەوە.                                                                                            ئەویش خۆی پێناساند و- وتی منیش هەرمانگێک لیرە دەبم، ئەگەر لاریت لێ نییە ئەو مانگە لای من بمێنەرەوە و سەردانی خوشکەکەشت بکە.                                                                     مانگیك پیکەوە بوون ، کە، گەڕایەوە لەدەفتەری بیرەوەرییەکانیدا بەخەتێکی درشت نووسی              لەیلا یەکێك بوو لەو ژنانەی گوناح بوو سەرجێی لەگەڵدا بکەیت، هەرشایستەی ئەوەبوو بەرامبەری دابنیشێت و سەیری چاوانی بکەیت و گوێ لە دەنگە ناسکەکەی بگریت. 

-٢-

مێردێکی مڕوموچ و ڕەزیل و پیسکەی هەبوو، ، هەرشەوەی بەبیانوویەك دەچوە دەرەوە و درەنگانێکی شەو ئەو لەخەودا بوو کە دەهاتەوە، هەرچۆنێك بوو دوو ساڵ بەچەرمەسەری لەگەڵیدا ڕایکێشا، پاش ماوەیەك لێێ جیابۆیەوە و ئەویش گەڕایەوە ماڵە باوانی، ئامۆزایەکی چوە بنکڵێشەیەوە و ڕاپێچیکرد بۆ بازاڕی چێژفرۆشان.                                                                                            هەنذێك جار ڕێکەوت ڕۆڵ دەبینێت لە ئاڕاستەکردنی مرۆڤ، ئەوەی بەبیری ئەودا نەدەهات ڕویدا، شەوی یەکەمی کە پێاوێك بردییەوە بۆ شوقەکەی خۆی پیاوێکی هەست ناسك و لەسەرخۆبوو، ئەو شەوە پیاوەکە بێ ئەوەی سەرجێی لەگەڵدا بکات ، تا بەربەیان بەدەم پێکەوە  نەهامەتییەکانی ژیانی خۆی بۆ گێرایەوە بەگریان کۆتایی پێهێنا و هەردووکیان نوقمی خەو بوون، بۆ بەیانییەکەی ژنە پێشتر لەخەو ڕابوو بەبەرچایی هەمە چەشنە مێزی ڕازاندەوە، بەشێوەیەك نانیان دەخوارد وەکی ئەوەی زۆر لەمێژبێت بەیەك ئاشنابن، پاشان سەروو قاوەیان خواردەوە، پیاوە زەرفێکی خستە بەردەستی و پێیوت، هیوادارم دوێنێ شەو سەرم نەیەشاندبیت، تکادەکەم مەچۆ بۆ لای کەسی تر و حەفتەی سێ شەو لەگەڵ مندا بەسەربەرە، ئەویش بەقوڕگی پڕ گریانەوە سەری ڕەزامەندی بۆ لەقاند پێیوت لەوەتەی مێردەکەم وازی لێهێناوم، یەکەم جارمە لەماڵی پیاوێکی نەناسییاودا ڕۆژ بکەمەوە.                                    دوو مانگی نەخایاند سەروئەڵقەیان کردە دەستە چەپی یەکتر و لە هٶڵەکەدا پێکەوە قاقایان لێدەدا.

-٣-

پیاوێکی ئەوەندە ساویلکە بوو متمانەی کوێرانەی بەهەموو کەس دەکرد، تەنانەت بە لەشفرۆشانی سەر شەقامەکانیش، لە یانە شەوانییەکەی سەرسوچەکە مرخی لە یەکێك خۆشکرد بەکچی دەشیا، ئەویش هاتە سەر مێزەزەکەی، بەنێچیرێکی چەوری دەهاتە بەرچاو هەربۆیە تا خۆی پێکێکی فڕدەکرد دوو پێکی بۆ ئەو تێدەکرد، هەرکەزانی گەیوە و هۆش و ئاگای لەخۆی نەماوە پەلی گرت و بردیە سەر ستەیجەکە و کەوتە سەماکردن لەگەڵیدا هەروەکو بێشکە ڕابژەنێت ئەملاولای پێدەکرد، دەستیکرد بە گیرفانی دواوەی پانتۆڵەکەیدا سوکوباریك پاسپۆرتەکەی لێماشیبوەوە.                                         بۆ بەیانییەکەی لەبەردەم پرسگەی قوڵسنخانەی ولاتی دوەمییدا وەستابوو پێیڕاگەیاندن کە پاسپۆرتەکەیان لێدزیوە دەیەوێت کارئاسانییەکی بۆ بکەن بۆ ئەوەی بگەڕێتەوە، ئەوانیش وەك تێبینییەك لای خۆیان تۆماریان کرد، پێیان وت ئەوەی بەوکارە هەستاوە زۆر گەمژەیە چون پاسپۆرتی ئێمە بەهیچ شێوەیەك ساختە ناکرێت.  

ژاڵە*  کۆمەڵە ڕوداویکی ڕاستەقینەو خەیاڵین بیرۆکەکانیان زادەی گەشتکردنە بۆ شاری ئەگادیر لە مەغریب بەتایبەتی ناوچەی ( شارع حسن الثانی ) و گەڕەکی ( طالبرج )  و بازاڕی ( سوق الآحد ).

فەتاح حەسەن

دانیمارك/ ڤالبی

٣/٥/٢٠٢٢