مووچە... دەسکەوتە مەزنەکەی کابینەی مەسرور بارزانی
Saturday, 08/06/2024, 13:01
- وادەی دابەشکردنی مووچەی مانگی ئایار دیاری کرا [ئین ،ئار،تی]
- عەتوان عەتوانی: بە بانکی کردنی مووچەی هەرێم لە بانکە حکومییەکانەوە دەکرێت .[ئن ،ئار، تی]
- پێشمەرگه و هێزه ئهمنیهكان نیگەرانن له دواكەوتنی مووچەكانیان .[ریگای کوردستان]
- پەرلەمانی عێراق لیژنەیەكی تایبەتی لەبارەی مووچەی فەرمانبەرانی هەرێم پێكهێنا .[هاوڵااتی]
- ئەندامێکی ئەنجومەنی نوێنەرانی عێراق: دەستپێیکردنی تەوتین، قەیرانی مووچە بەرەو کۆتایی دەبات .[هاوڵاتی]
- وردبینیکردن لە لیستی مووچەی هێزە ئەمنییەکانی هەرێم كۆتایی هات .[ئاوێنە]
- نوێترین زانیاری لەبارەی دابەشكردنی مووچە پێش جەژن بڵاوکرایەوە .[ئاوێنە]
- لێدوانی راوێژكارێكی سودانی لەبارەی موچەو تەوتین. [ئاوێنە]
- وەزارەتی دارایی هەرێم: بانكی TBI یەكەم كۆمەڵە كارتە بانكییەكانی رادەستی تیمی هەژماری من كرد. [ئاوینە]
- هەواڵێكى گرنگ لەبارەى موچەى فەرمانبەرانى هەرێمەوه[ شارپرێس]
- پێش جەژن شایستە داراییەکانی مامۆستایانی وانەبێژ دابەشدەکرێت.[ سپی میدیا]
- پەرلەمانتارێك: دەستپێكردنی تەوتین، قەیرانی موچه كۆتایی پێدەهێنێت .[خەندان]
- دوو مانگە هێزە ئەمنییەكان بێ مووچەن و لیستی فەرمانبەرانیش نەنێردراوە.[ لفین]
- وتەبێژی حکومەتی کاربەڕێکەر: پێش جەژن مووچەی هێزە ئەمنییەکان و فەرمانبەران دابەشدەکرێت .[ئین ئار تی]
- قوباد تاڵەبانی: بەغدا و هەولێر بۆ چارەسەری كێشەی موچه جدین.[ لڤین]
- وادەی دابەشكردنی موچەی مانگی پێنج راگەیەندرا.[باس نیوز]
- وادەی دابەشکردنی مووچەی فەرمانبەران و هێزە ئەمنییەکان ڕاگەیەنرا.[درەو میدیا]
- حکومەتی هەرێمی کوردستان وادەی دابەشکردنی موچەی ڕاگەیاند.[وتەبێژی حکومەت]
- جەنابی سەرۆکی حکومەت بڕیاریداوە بەر لە جەژن مووچە دابەش بکرێت،بەمەش چەژنەکە دەبێتە دووجەژن.[پێشەوا هەورامی وتەبێژی حکومەتی هەرێم]
----------------------------------
ئەم هەواڵانەی سەرەوە کوردواتەنی {مشتێکە لەخەروارێک}،کە لە مەسەلەی مووچەدا کوورت دەبێتەوە. چەند ساڵێکە دەسەڵاتی شکستخواردوو خەڵک و میدیاکانیان بەم باسەوە سەرقاڵ کردوە.کارگەشتوەتە ئەوەی حکومەتێک بەسەرۆک وەزیرانە بێباکەکەیەوە،هاتنی مووچە لەبەغداوە بکاتە دەسکەوت و بەجەژنی بزانێت و بیکات بەمنەت بەسەرخەڵکەوە،کەواتە ئەوە حکومەت نیە ،بەڵکو بەڵایە بەسەرهاوڵاتیانەوە . دەی دەسەڵاتی ئەوها سندان لێی بدات و بەنەفرەت بێت.
کەی و لە چ وڵات و سیستەمێکدا مووچە بووەتە کێشە؟ئایا کارێکی سرووشتی نیە لەپای ماندووبوونیدا مووچەخۆر لەکۆتایی مانگدا مووچەی خۆی وەربگرێت؟
باوەڕناکەم لەهەژارترین و دواکەوتووترین وڵاتی دنیادا بەم شێوەی هەرێم سوکایەتی بەمووچەخۆران بکرێت و کەرامەتیان بشکێنرێت.باوەڕناکەم دەسەڵاتێک خۆی بەخەمخۆری خەڵک بزانێت و ئامانجی ئاسودەکردنی
هاووڵات بێت ،بەم جۆرەی یەکێتی و پارتی بیان چەوسێنێتەوە و سادیانە ئازاری دەروون و جەستەیان بدات.
دەسەڵاتێک نەتوانێت سادەترین و شایستەترن ماف کە مووچەیە چارەسەری بکات،کەواتە دەسەڵاتی ئەوها نەبوونی زۆر باشترە لەبوونی.
دڵنیام ئەوکاتە خەڵکی هەرێم ئاسودەدەبن دەمێک لەم چەتەو مافیانە ڕزگاریان دەبێت.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
