ئەوە دیکتاتۆرەکان نین جیهان کاول دەکەن،بەڵکو ئەوانە کە تەماشادەکەن و هەڵوێستیان نییە (ئەلبێرت ئاین شتاین)
-------------------------------

ئەرێ ئێمەی کورد،کوردی دەرەوەی دەسەڵات و دەوروپشتیان،دەزانین لەسەر چ بنەمایەک پێنج ساڵە لە باشور و لە خۆراوای کوردستان لەبریی هەموجیهان شەڕی تیرۆرستانی دەوڵەتی ئیسلام لە شام و عێراق(داعش) دەکەین و جگە لە ماڵوێرانیی ئاوارەبون ، پتر لە 5700 شەهید و بریندار و کەمئەنداممان کردە قوربانیی؟ هەر لەبەرئەوەی وەک کۆلارە بە دەزویەکی باریک بەرزمان بکەنەوە،خۆمان لێبگۆردرێت کە(ئێستا کورد ژمارەیەکی قورسە لە هاوکێشە نێو دەوڵەتییەکاندا!) هەموانیش بە شێوەیەکی گشتیی شانازیمان بەوەوە دەکرد کورد ئەو رۆڵە جیهانییە بگێڕێت و ببێتە یاریزانێکی سەرەکیی (یارییە چەپەڵەکە) و نوێترین چەکی سەردەم بەدەست پێشمەرگەو شەڕڤانانەوە بێت و پسپۆڕەکانی ئەمەریکا و ئەوروپا مەشق و راهێنانیان پێبکەن و کاربەدەستان خۆیانی پێ گیڤ بکەنەوە و بە شێکی چەکەکانیش لەبازاڕی رەشدا بفرۆشن ..سەرکەوتنی شەڕڤانانی یەپەکە و یەپەژە ش لە رۆژاوای کوردستان و داستانی بەرخۆدانی کۆبانی ئەوەندەی دیکە (خەوەکە)ی خۆشکردین بەڵام زۆرینەبرد لەو خەوەخۆشە راپەڕین ولەبەرامبەر سەرکەوتن لە کۆبانی ، کەرکوک،خورماتو،پردێ و بەسەریەکەوە نزیکەی نیوەی خاکی باشورمان بەچاوتروکاندنێک دۆڕاند. ئێستاش باشور کە هیوایەکی بە رۆژاوا هەیە باری کەوتوی راستکاتەوە وشکۆ و شەرەفی نەتەوەییمان سەەرلەنوێ هەستێتەوە،بەڵام کۆبانی و عفرین زۆر جیاوازن، ئەوکات ئەمەریکا،ئەوروپا،روسیا،عێراق ،ئێران،سوریا لەبەرەی دژ بە داعشدا بون و(بەشێوەیەکی ناڕاستەوخۆ پشتگیریی شەڕڤانان بون)،سوپای تورکیا راستەوخۆ بەشداریی شەڕەکەی نەدەکرد،بەڵکو هاوکاریی لۆجستیی گروپە تیرۆریستەکانی داعش و پاشماوەکانی قاعیدەی دەکرد و بەنهێنیش چەک و تەقەمەنی بۆ دەناردن،بەڵام ئێستا لە عفرین ئەو لەشکرە زەبەلاحەی تورکیا بە هەرهەمو چەکە قورسەکانی هێزەکانی ئاسمانیی و وشکانیی،بە 750،000 سەرباز و ئەفسەر،4300تانک و زرێپۆش،1800 تۆپهاوێژی جۆراوجۆر و 2000دوهەزار فڕۆکەی جەنگییەوە شەو و رۆژ دڕندانە پەلاماری شارێک دەدات کە روبەرەکەی تەنها تەنها3850کیلۆمەترچوارگۆشەو ژمارەی دانیشتوانیشی 523،258هەزارە کە بەهیچ پێوانەیەک بەراورد ناکرێن ،زەبەلاحێکی وەک تورکیا بەهەموو درندەیەتیی و دڵڕشییەکەوە بەرامبەر کورد، شەو و رۆژ ئاگرو ئاسن بەسەر ئەو شارە و دانیشتووانی سڤیلدا دەبارێنێت و ئەمەریکا و روسیا و ئێران و سوریاش لە نزیکەوە تەماشا دەکەن و وڵاتانی پارێزگاریکردن لەمافەکانی سەگ و پشیلەش بێدەنگن، پشتیان کردۆتە شەڕڤانانی رۆژاوا کە تەنیاباڵ شەڕی ژیان و مردن،بەرخۆدانی سەرکەوتن یا سەرکەوتن دەکەن لە پێناو مرۆڤــ و بەهاکانی مرۆڤایەتیدا.سەرەتای حەفتاکانی سەدەی رابوردو میدیاکارێکی بەریتانیایی لەرۆژنامەکەیدا هەواڵێک بڵاودەکاتەوە کە سبەینێ لە باخچەی هایدل بارک ێەگێگ لە سێدارەدەدرێت!بۆ سبەینێ ئەوباخچە فراوانە جمەی دەهات لە مرۆڤــ هاتبون رێگری بکەن لەو تاوانە بەرامبەر ئاژەڵێک.میدیاکارەکە لە بەرزاییەکەوە رودەکاتە ئاپورەی خەڵکەکەو دەڵێت : ئێوە هاتون لەسێدارەدانی ێەگێک ببینن بەڵام ێەگمان نەهێناوە،بەڵکو بەئێوەی بەڕێز دەڵێین بۆ رێگەگرتن لە تاوانی کوشتنی ئاژەڵێک،تەنها یەک ئاژەڵ ئەم ژمارە زۆرە گردبونەتەوە، ئەی کە دەبینن یا دەبیستن  رۆژانە هەزاران مرۆڤــ لەو جەنگانەدا دەبنە قوربانی کە زلهێزەکان و کۆمپانیا مۆنۆپۆڵەکان هەڵیاندەگیرسێنن بۆ گردنابنەوە و دەنگی ناڕەزایی بەرزناکەنەوە؟ سوپاس بۆهاتنتان،هەریەکەمان شتێک فێربوین.! ئێستاش ئەوەتە بەبەرچاوی هەمووجیهانەوە ئاشکرا دیارە سوپای داگیرکاری تورکیا لە هەندێک قۆَڵەوە نیو کیلۆمەتر و لەهەندێک قۆلیشەوە کیلۆمەترێک یا دوو کیلۆمەتر لە سنورەکانی عفرین دورن،جا ئەمڕو یاسبەی هێزە تایبەتەکانی تورکیا(کۆماندۆ)ی شەڕی ناوشار و شەقام وکۆڵان و ماڵەوماڵ و پەنجەرە بەپەنجەرە دەچنە نێوشارەکەوە،بەڵام ئەوە کۆتایی نییە،بەڵکو سەرەتای قۆناغێکی نوێی جەنگەکەیە و هێزەکانی پاراستنی گەل یش پلانی نوێی و چاوەڕوان نەکراویان ئامادەیە و هەموو جیهانی نوستو رادەچڵەکێنن ئاخۆ هەڵوێستێکیان دەبێت، مەکینەی جەنگ و ئامرازەکانی کوشتن و وێرانکاریی تورکیا رابوەستێنن، یا شەرمنانە و لەژێرلێوەوە ورتەورتێک دەکەن و تەماشای هێزەکانی رژێمی تورکیای رەگەزپەرست دەکەن چۆن زۆر بەخوێن ساردی، گەلانی باشوری کوردستان قەلاچۆدەکات و چەتەو بەکرێگیراوەکانیان بەدەم رێژنەی گوللەو کوشتنی ئافرەت و منداڵ و پیر و پەککەوتەو بریندارەکانەوە هاواردەکەن(کورد قڕانە کورد قڕان، وەک قڕانی ئەرمەنەکان) و ئاڵا خوێناویەکەیان لە سەرسنگی قوربانییەکان دەچەقێنن! بەشبەحاڵی خۆم سەردەرناکەم لە ئەم (کەڵەگایەتیی وفراوانخوازییەی) تورکیای ئەردوگان کە گوێ بەهیچ یاساو رێسایەکی نێودەولەَتی و پاراستنی ئاسایش و ئارامی ناوچەکەش نادات، ئەوەتا ئەمڕو بەهەوای سەرکەوتن و چونە ناو شاری عەفرین لەوتارەکەیدا لەبەردەم تورکە شۆڤینییەکاندا دەڵێت(خاکی ئێمە روبەرەکەی 15ملیۆن کیلومەتر چوارگۆشەبو،ئەوەندە بچوک بۆتەوە ئێستا تەنها870هەزار کیلومەتر چوارگۆشەی ماوەتەوە!! هەروەها ئەردۆگان دەڵێت ئۆپەراسیۆنی چڵە زەیتوون بۆ کۆنترۆڵکردنی عفرین کاری ئەمڕۆ نییە،دەگەڕێتەوە بۆ 100ێەد ێاڵ لەمەوبەر کەبەشێک بووە لە تورکیا.!!

ئەمەریکا بنکە سەربازییەکەی خۆی لە ئنجەرلیک ـ تورکیا چۆڵدەکات و دەیباتە کوردستانی باشور .

4 ئەردۆگان 26/2/18لەوتارێکدا لە شاری غازی ئەنتاب ـ باشوری تورکیا دەڵێت (سەیرە کە وڵاتانی جیهان پشتگیریی رژێمەکەی بەشار ئەسەد دەکەن، هەندێک وڵاتیش(مەبەستی ئەمەریکایە) هاوکاریی و پشتیوانیی رێکخراوە تیرۆریستییەکانی ناوچەکە دەکەن(مەبەستی لە سوپای سوریای دیموکراتە)ئەوانە لە دوری 11یازدەهەزار کیلۆمەترەوە هاتون بۆ هاوکاریی تیرۆریستان و موچەشیان پێدەدەن.ئەگەر هاوپەیمانی ئێمەن ،با هەڵوێستەکانتان بیسەلمێنێت، ئەگەر دۆست و هاوپەیمانیش نین ئاشکرای بکەن.)

5 ئەنجوەنی ئاسایش سەربەنەتەوەیەکگرتووەکان 24/2/18بەکۆی دەنگ بڕیار لەسەر ئاگربەست دەدات لەسوریابۆ ماوەی 30 رۆژ. تورکیا پیشوازی لەبڕیارەکە دەکات و دەڵێت بەڵام ئێمە بەردەوام دەبین لەلێدان و لەنێوبردنی تیرۆریستان!!

 ناتۆ ساڵی 1949 دامەزراوە و تورکیا 1952بە بەندام وەرگیراوە.چەن ێاڵێکە رو لە سەرکێشیی ولاساری دەکات و سنوری خۆی دەبەزێنێت ،هەڵوێستی تۆپزیی و کەڵەگایەتیی وخۆسەپاندن دەنوێنێت تەنانەت بەرامبەر ئەمەریکا و رۆژ لەدوای رۆژیش شەڕەنگێز و شەڕەنگێزتر دەبێت. ئەوەبو سەرەتا رێگەی بەئەمەریکا و هاوپەیمانەکانی نەدا2003بنکەی ئینجەرلیک بەکاربهێنن بۆ هێرش کردنە سەر ێەدام حسێن، چونکە دەیزانی کەوتنى ێەدام، قەوارە سیاسییەکەی کورد لە باشوری کوردستان بەهێزدەکات. لە ئەم دواییانەدا ئەمەریکا بڕیاریدا بنکەی ئینچەرلیک بگوێزێتەوە بۆ باشوری کوردستان.

تورکیا هاوکاری ئێرانی دەکرد بۆ گەیاندنی چەک و تەقەمەنی بەنێو خاکی تورکیادا بۆ سوریا و لەوێشەوە بۆ حیزبوڵا لە لوبنان. هاوکاریکردنی گروپە تیرۆریتسەکانی وەک داعش،بەرەی نوێرە ،ئەحرار ئەلشام،دەرع ئەلفورات، فەلەقی سەمەرقەند، موجاهیدینی شام و.. کە هەرهەمویان پاشماوەی رێکخراوی تیرۆریستیی ئەلقاعیدە و دەوڵەتی ئیسلام لە شام و عێراق(داعش)ن و لە لیستی رەشىتیرۆریستاندا.سەرەتای فێبروەری2018 دادگایەکی عێراق بە سەرۆکایەتی دادوەر عەبدولسەتار بەیرەقدار سزای لە سێدارەدانی بۆ 16 ئافرەتی تورک دەرکرد، کە تاوانی ئەندامێتیی رێکخراوی تیرۆریستیی داعش بەسەریاندا ساغبووەوە.(جێگەی سەرنجە ئەو دادوەرە تورکمانە!)

 پەیمانی ناتۆش پیرە و تەمەنی حەفتا ێاڵە و پێویستە بەپێی سەردەم گۆڕانکاری بەسەردا بێت و خۆی نوێ بکاتەوە و لێپێچینەوە لەگەڵ ئەو ئەندامەیدا بکات کە گومان لەوەدەکرێت (ئەندامێکی پاک) بێت و ناتۆ ئازایانە مەرجەکانی ئەندامێتی کارابکاتەوە کە هەر ئەو رێگەیە تورکیا دەهێنێتەوە هۆش خۆی.ئەلبێرت ئاین شتاین دەڵێت : ئەوە دیکتاتۆر و خوێنڕێژە چاوسورەکان نین وڵاتان وێران دەکەن، بەڵکو ئەوانەن کە هەڵوێستیان نییە و هەر تەماشا دەکەن.

  تورکیا بڕیارەکەی ئەنجومەنی ئاسایش ـ نەتەوە یەکگرتووەکانیشی خستە ژێرپێوە کە بەکۆی دەنگ بڕیاریدا هەمولایەنەکان لە سوریا پابەندبن بە ئاگربەستێک بۆماوەی30رۆژ ودەستوبرد جەنگەکە بوەستێت . سەرەرای ئەمانە، بەرهەڵستی داخوازییەکانی ئەمەریکاش دەکات وەک ئەوەی ێاڵی 2003 رێگەی بە هاوپەیمانان نەدا بنکەی سەربازیی ئینجەرلیک بەکاربهێنن دژی رژێمەکەی ێەدام حسێن چونکە دەیزانی کەوتنی ێەدام دەبێتە هۆکارێکی راستەوخۆی بەهێزبونی حکومەتی هەریمی کوردستان.ئەم دواییانەش لەگەرمەی هێرشەکاندا بۆسەر عفرین ،سنگ لە ئەمەریکاش دەباتە پێشەوە . بەکر بوزداغ : نامانەوێت هیچ دەوڵەتێک هاوکاریی تیرۆریستان بکات لە عفرین، هەر لایەنێکیش بیکات دەیکەینە ئامانج ئەگەر ئەمەریکاش بێت .

  وەزیری دەرەوەی تورکیا مەولود چاوەش ئۆغڵۆ:(ئەگەر ئەمەریکا سزا بخاتە سەرمان،کاردانەوەی ئێمە جیاوازدەبێت لە کاردانەوەکەی روسیا.وڵاتێک بەهێز بێت مەرج نییە لەسەر هەق بێت.پێشنیاز دەکەین ئەمەریکا ئەوکارە نەکات.  هەڕەشەکانی تورکیا لە ئەمەریکا،کە نیشانەی ئەوپەڕی لاساریی وکەللە رەقیی ونەزانینی زمانی گفتوگۆی دیبلۆماسییە، بێپەردە بەئەمەریکا دەڵێت وادەی ددان بەخۆداگرتنمان تەواوبوو،لەنێوان تورکیاو پەکەکەدا یەکێکیان هەڵبژێرە، پێگە سەربازییەکانت لە مەنبەج بگوێزەرەوە ئەگەرنا دەکەونە بەر هێرش.دوایین هەڕەشەی تورکیاش لە ئەمەرێکا هەموسنورێکی بەزاند و وەک جاردانی جەنگ وەهابوو کە ئەردۆگان وتی ئەمەرێکا هێشتا شەپازلەی تورکیای نەخواردووە!! ئەم روقایمیی و بێ رەوشتییە لەولاوە بوەستێ، ئەی ئەم (کەڵەگایەتییە) ی لەکوێوە دەستەبەرکردووەو چۆن وەها بەخۆیدا رادەپەرموێت؟ئێرانی حەمەرەزا شای ئێران لە ئەردۆگان بەهێزتربو،هەرئەوەندەی شا لەخۆی باییبۆ وتی(چەند من پێویستم بە ئەمەریکایە،ئەمەریکاش ئەوەندە پێویستی بەمنە)کەوتنێک کەوت دوژمن بەزەیی پێدادەهاتەوە.بەمەرجێک ئێران جگە لە عێراق هیچ وڵاتێک دوژمنی نەبو،بەڵام تورکیا دوژمنی زۆرە: روسیا، چین، ئەمەریکا،سوریا، ئێران،یۆنان ،قوبروس ، ئیسرائیل ،وڵاتی عەربی سعودیی ، میێر ، عێراق و ..لە ئاستی جۆراوجۆردا ناحەزو دوژمنی تورکیان .

ئێران و تورکیا دوژمنی خوێنخۆری مێژویین لە سەر کێشەکانی نێوان سونەو شیعە . ئێران هەر لە سەردەمی دەسەڵاتی ێەفەویەکانەوە 1502ــ 1736رابەرایەتیی موسوڵمانانی سەر بە ئاینزای شیعە(شیعە مەزەب ـ یارانی ئیمام عەلی) کردووە، تورکیاش هەرلە سەردەمانی حوکمی رەشی عوسمانییەکانەوە 1299 ــ 1918 خۆیکردبووە ڕابەر و پێشەوای گەلانی موسوڵمانی سونە مەزەب و سوڵتانی عوسمانیشی کردبووە خەلیفەی ئیسلام(جێنشینی پەیام هێنەر) . ئەبوفەزل ئەلتورابی ئەندامی ئەنجومەنی شورای ئیسلامیی ئێران رۆژی 10/3/18 رایگەیاند کە تورکیا سیاسەتێکی رون و ئاشکرای نییە، چووە پاڵ ئەمەریکا بۆلێدانی سوریا،بەڵام کەکەوتە بەر گورزی ئەمەریکا،گەڕایەوە پاڵ روسیا و ئێران. تورکیا لەسوریادا بەهاوکاریی داعش و بەرەی نوێرە ئەلقاعیدە رۆڵێکی زۆرخراپی بینیی و ئێستا کەس متمانەی پێناکات،دورنییە بچێتەوە باوەشی ئەمەریکا. تورکیا پێویستە دەستبەرداری تیرۆریستان بێت، سیاسەتی دوفاقیی زیانی پێدەگەیێنێت، لەلایەک پشتیوانی لە سوریا دەکات لەلاشەوە کورد دەکوژێت، ئەمەش زیانی گەورەی لەبەرژەوەندییەکانی داوە. کوردانی سوریا هەرگیز ناپاکییان بە سەرۆکی سوریا نەکردووە و پابەندی وڵاتپارێزی بون.تورکیا بەبیانوی مەترسیی کورد،هاوکاریی داعش و ئەلقاعیدە دەکات، بەڵام ئەمە زەلکاوێکی قوڵە تێیکەوتووە و پێدەچێت نەتوانێت بێتە دەرەوە و تێیدا نقوم بێت.

هەروەها ئایەتوڵا رۆحانی سەرکۆماری ئێران دەڵێت: پێویستە ئۆپەراسیۆنە سەربازییەکانی سەر عفرین رابگیرێت.

 روسیا دەمێکە باجی ئەوە دەدات کە تورکیا گەلانی تورکزمانی دراوسێی  لێهاندەدات، وەک یاخیبونی چیچانەکان.

 وڵاتی چین کەوتۆتە بەرمەترسی پشێوی ناوخۆ و بزوتنەوەی جیاوازیخوازیی گەلانى تورکزمان و هەڕەشە لە ئارامیی و یەکپارچەیى خاکەکەی دەکەن . عەبدوڵامەنێور سەرۆکی پارتی ئیسلامیی تورکستان دەڵێت بەگژداچونی دەوڵەتی چین، یەکێکە لە ئەرکە پیرۆزەکانی موسوڵمانان و لەپێش هەموانیشەوە دەکەوێتە ئەستۆی ئێمە،هەرچەندە چین هەر دوژمنی ئێمە نییە، دوژمنی ئیسلامە و پەلاماردانیشی لە بەرنامەماندایە! تورکیا لەو جۆرە رەگەزپەرستانەی بەخێوکردووە لە سەر ورگی ئەوروپا دەلەوەڕێن و هەڕەشەی کوشتن لە بەرپرسە باڵاکنیشیان دەکەن . بۆدۆ رامیلۆ ی سەرەک وەزیرانی هەرێمی تۆرینگن ـ ئەڵمەنایا بەوهۆیەوە کە داکۆکی لە عفرین دەکات، چەند جارێک هەرەشەی ترسناکی لێکراوە بەکوشتن، وەک ئەوەی بۆیان نوسیوە(تابوت هەیە هێشتا بەتاڵە)

وڵاتانی جیهانیش بەتایبەتی  روسیا،چین، ئەمەریکا، ئەوروپا و زۆرینەی وڵاتانی عەرەب هەوڵى بێهێزکردنی تورکیا دەدەن ونایانەوێت بەهۆی ئەو لایەنە تورکزمانانەوە ئەوەندەی دیکە لاساریی و سەرکێشیی بکات. 

وڵاتی قوبروێ لە ساڵی 1976ەوە بەشێکی وڵاتەکەی لەلایەن سوپای تورکیاوە  داگیرکراوە و حوکمەتۆَڵکەیەکی تێدا قوتکردۆتەوە کە تەنها تورکیا وەک حوکمەت ددانی پێداناوەو بەرەسمیی دەیناسێت!! 

بەشێکی عێراق(ویلایەتی موێڵ) کە دەکاتە سەرتاخواری باشوری کوردستان،سلێمانی،هەڵەبجە ،کەرکوک ،هەولێر،دهۆک بە بەشێک لە تورکیا دەزانێت  کە دەبێت بگەڕێتەوە باوەشی نیشتیمانی دایک!! ئەوە جگە لە کێشەی ئاو و بەنداوەکانی کە لەسەر هەردوروباری دەچڵە(دیجلە) و فورات دایمەزراندووە بۆ گرتنەوەی ئاو لە سوریاو عێراق.

سوریاش جگە لە کێشەی ئاو، کێشەش لیوای ئەسکەندەرونەشی هەیە کە تورکیا داگیریکردووە.

لە گەڵ وڵاتی سعودیش ململانێی ئەوەیانە کامیان پێشڕەوایەتیی گەلانی موسوڵمان دەکەن کە لە دوای حەفتاکانی سەدەی رابوردو، میێر ئەو پێشەوایەتییەی لەدەستدا و کەوتە دەست وڵاتی عەرەبی سعودی.

 میێریش لە بیابانی سینا، رۆژانە روبەڕوی گروپە تیرۆریستەکانی سەر بە تورکیا دەبێتەوە.ئەمانە جگە لە چەندین کیشەی دیکەی وەک کێشەی ئاو و بەنداوەکانی سەر هەردو روباری دیجلە و فورات لە گەڵ سوریاو عێراقدا.. ئەمانە هەر هەمویان لەبەرامبەر گەلى کورد لە رۆژاوا کەڕ و کوێر و لاڵ ، کێشەکانیان خەواندووە وخەریکی بەرژەوەندییەکانیانن و گەلێکیان بەتەنهاباڵ لە جەنگێکی نابەرامبەردا بەرامبەر دەوڵەتێکی زەبەلاح و سوپایەکی گەورەی پڕچەک بەکوشندەترین چەکى مۆدێرنی ئەمەریکاو ئەوروپا پشتگوێ خستووە وەک مەڕە کێوییەک کەوتۆتە بەر چاوی سور و کەڵبەی تیژی گەلەگورگێگ . 

تورکیا باری ناوخۆشی ئەوەندە باش نییە و چەندین حیزبی بەرهەڵستکار و ئۆپۆزیسیۆنی بەهێزی تێدایە رەخنەی توند لەسیاسەتەکانی ئەردۆگان و بنەماکانی حیزبی داد و گەشەپێدان دەگرن.ئوز تورک یەڵماز کە جێگری سەرۆکی پارتی گەلی کۆماری یە، راشکاوانە رایگەیاند( پارتی داد و گەشەپێدان، نە پارتێکی نیشتیمانییە و نە پارتێکی نەتەوەییشە.) 

میدیاکاری بەنێوبانگی تورکیا(جان لاوەند) یەکەمین کەسە کە ئاشکرایکرد رژێمەکەی ئەردۆگان گازی کوشندەی (سارین) ی داوە بە بەرەی نوێرەت ئەلشام بۆ بەکارهێنانی لە سوریا.میدیاکارەکە لەترسی زیندان و ئەشکەنجەدانی دەستگا داپلۆسێنەرەکانی ئەردۆگان ئاوارەی وڵاتان بووە. کارمەندانی رۆژنامەی جمهوریەت(جمهوریت)رۆژی 11/مارت/2018 خۆپێشاندانێکیان کرد بۆ دەربڕینی ناڕەزایی بەرامبەر دەستگیرکردنی هاوڕێکانیان . تورکیا هەڵەیەکی ستراتیژیی گەورە و ترسناک دەکات کە دەیەوێت سەردەمی سوڵتانەکانی عوسمانی زیندوبکاتەوە، مەترسییەکە سەردەکێشێتە ناوخۆی تورکیاش. 

 کوردیش دوژمنەکانی زۆرن و بێ دۆست وپشتیوانیشە،دوژمنەکانیشى هەریەکەیان بەبیانویەک و لەژێر پەردەیەکی دڕاودا دوژمنایەتیی دەکەن :

ــ تورکیا کە گەورەترین و سەرسەختترین دوژمنی کوردە، لەئەم سەردەمەدا بیانوی بەرەنگاریکردنی تیرۆریستان(پەکەکە،یەپەژە،یەپەکە،هەسەدە) لەسەنگەری لەنێوبردنی گەلی کوردایە و هەر کوردێک لەهەرپارچەیەکی کوردستان یادەرەوەیدا سەر بەرزبکاتەوە و داوای مافەکانی بکات بە تیرۆریست دەژمێردرێت.بەئەم پێوانەیە هەمو کورد تیرۆریستن و خوێنیان حەڵاڵە.

ــ کۆماری ئیسلامی ئێران : کورد ئامڕاز و مقاشی دەستی ئەمەریکاو ئیمپریالیستە .

ــ عێراق : کوردی عێراق بەوەش رازینین کە هەرێمێکی فیدراڵن،دەیانەوێت بەشێک لە خاکی عێراق بپچڕن و دەوڵەتی کوردستان دامەزرێنن .

ــ رێکخراوی حیزبوڵا : کورد دەیانەوێت دەوڵەتی ئیسرائیلی دووەم دابمەزرێنن .

ــ دەوڵەتی ئیسلام لە عێراق و شام : کورد بەگشتیی بێباوەڕن و لە ئاینی پیرۆزی ئیسلام لایانداوە!

ــ سوپای سوریا : شەڕی کورد دەکەین چونکە جیاوازیخوازن و هەوڵدەدەن بەشێک لە خاکی نیشتیمان جیابکەنەوە. 

سوپای سوریای ئازاد : کورد هاوکار و هاوپەیمانی رژێمەکەی بەشار ئەسەدن .

بەرەی نوێرە ، لەشکری شام ، فیرقەی هەمزە ، هەڵۆکانی کورد، پارێزەرانی گوندەکان .. : جاش و بەکرێگیراوی تورکیان و هەرلایەنێک پارەی زۆرتر بدات شەڕی بۆدەکەن . 

 گەرمترین کێشەکانی جیهان کە چەندین وڵاتی زلهێزی وەک ئەمەریکا و روسیا، وڵاتی مامناوەندی وەک ئێران، تورکیا و عێراق تێوەی گلاون وهەموجیهانی سەرقاڵ کردووە، کێشەی سوریایە کە وڵاتێکی داگیرکراوە و داگیرکاران کردویانە بە چوار ناوچەی دەسەڵاتەوە: بەشی خورهەڵات لەژێر هەژمونی ئەمەریکادایە، خۆراوای بەدەست روسیاوەیە ،باکور لەژێر ئاگری فڕۆکەجەنگییەکان و تۆپهاوێژەکانی تورکیادایە و باشوریشی بەدەست ئێرانەوەیە.لەناو ئەم کێشەیەدا کێشەی کوردانی رۆژاواش بەتایبەتی لە کانتۆنی عەفرین کێشەکەی زۆر ئاڵۆزترکردووە. رۆژنامەی گاردیان ی لەندەنی نوسیویەتی کە ئەنجامەکانی شەڕی عفرین ،سەرلەنوێ نەخشەی خۆرهەڵاتی ناوەند دەنەخشێنێت. ئەلێکساندەر شاتیلۆف راگری کۆلێژی رامیاری و کۆمەڵناسیی دەڵێت: کورد، تەنها کورد دەتوانن هاوکاری ئەمەریکا بکەن بۆدابەشکردنی سوریا و دامەزراندنی نمونەیەکی سەرەتایی دەوڵەت لە  دوارۆژدا. بیرەنەوتەکانی خۆرهەڵاتی فورات بەپێی دیفاکتۆ(حوکمی واقیع ) نەوتی کوردە، بەپێی دەسەڵاتی سەربازییش لەژێرکۆنترۆڵی ئەمەریکادایە و وەک دەوڵەتیش سوریا خاوەنێتی و دەیەوێت بکەوێتەوە بندەستی خۆی،بۆیە لەو دواییانەدا هەندێک هێزی(پشتیوانیی) ناردە عفرین .

پێنج وڵات ،ئەمەریکا،بەریتانیا،فەرەنسا،سعودییە و ئوردون رۆژی 11کانونی دوەمی 2018بەنهێنی لە واشنتۆن کۆبونەوە بۆ پلاندانان بۆدابەشکردنی سوریا بەسەر چەند ناوچەیەکی ئیتنی بەپێی ژمارەی دانیشتوان لە هەر ناوچەیەکدا. دواتر ئەڵەمانیا،تورکیا و میێر کەرۆڵیان لە ناوچەکەداهەیە بەشداردەبن بۆ رێککەوتنی کۆتایی. هێزەکانی ئەمەریکاش لە سوریا دەمێنێتەوە و بە هەر هەموشیان دژی بەرژەوەندییەکانی ئێران دەوەستنەوە لە خۆرهەڵاتی ناوەند.

**********