لە چەند ڕۆژی ڕابردودا مەلایەکی ئاینی لە کەنالێکی تەلەفیزوێنی دا ، لە سەر تەوەرێک کە باسی لە ڕۆڵی ئافرەت کرد ، وا وێنای کرد کە ئافرەتی کورد وەکو داینەسۆرە ، ھەر لە بەرنامەکەدا ئافرەتێک پەیوەندی پێوە دەکات .

ئەو کچەی تەلەفۆنی بۆ بەرنامە ڕاستەوخۆکەی مەلا مەزھەر کرد ،  دواتر لە سۆشیال میدیا دا ھەرای نایەوە ، لە دیمانەیەی لە گەڵ ڕاگەیاندنەکاندا دەڵێت

( لەو کارەی کە کردوومە پەشیمان نیم) .  پەیام حازم ناوی ئەو کچە تەمەن ٢٥ ساڵە چالاکوانەی خەڵکی ھەڵەبجەیە کە لە بەرنامەی ڕاستەوخۆی کەناڵی سروشتی مەلا مەزھەر ، لە سەر بابەتی بە ناساندنی ئافرەتی کورد وەک داینەسۆر 

دەبێتە دەمەقاڵی لە گەڵ مەلاکەو ڤیدێویەکەش لە تۆڕە کۆمەڵایەتیەکاندا دەنگی دایەوە ، کە تا دوا جار گەیشتە ئەوەی کەناڵەکە دابخرێت . 

پەیام کە چالاکوانی مافی ژنانە باسی لە ڕوداوەکە کردوە دەڵێت لە ڕاستیدا پەیوەندی کردنەکەم بە ھۆی ئەو ھەموو سوکایەتیە بوو کە مەلا مەزھەر بە ژنی کوردی کرد ،

کۆتا سوکایەتیش ئەوە بوو کە بە ئافرەتی کوردی وت "داینەسۆر " دوو ڕۆژ چاوەڕێی ئەوەم دەکرد کە ڕێکخراوی ژنان یا ئەو ژنانەی خۆیان بە فێمێنیست دەزانن یا ئەو کەناڵانەی ئیدعاي ئازادی مافی ژن ئەکەن  بێنە خەت و قسە بکەن ، بەڵام نەھاتن ،

ئیتر بۆ ماوەی دوو ڕۆژ لە سەر یەک چەندین جار تێلفونم دەکرد بۆ بەرنامەکە تا وەرگیرا و ئەوەی کە ئەم ویست پێموت . دەربارەی خێزانەکەی کە ئایا ئاگاداری ئەم کارەی بوون و دوای بڵاو بونەوەی ڤیدێوکەی کاردانەوەیان چی بووە ؟ 

پەیام دەڵێت " ئەوان ئاگاداری ئەوە نەبوون کە تەلەفۆنم بۆ بەرنامەکە کردوە ، بەڵام دوای بڵاو بونەوەی لە سۆشیال میدیا دا خێزانەکەم بینیان و ھەموان  پاڵپشتیان کردم ، براکەشم نامەی تایبەتی پشتگیری بۆ ناردم ،

پەیام دەشڵێت " ڕاستە لە تۆڕە کۆمەڵایەتیەکانەوە ھەندێک کۆمێنتی ناشرین ھاتن ، بەڵام بە ھۆی پاڵپشتی ماڵەوەمان زۆر ئارام بووم .

دەربارەی ئەو کارە و قسەکانی کە لە بەرنامەکەدا کردی و وڵامی مەلا مەزھەر خۆراسانی دایەوە دوای پەیوەندییەکەی ، 

پرسیاری لێکرا  لەم کارە پەشیمان نیت کردوتە ، لە وڵامدا وتی ، نەخێر  بە ھیچ جۆرێک پەشیمان نیم لەم کارەی کە کردومە . 

پەیام لە درێژەی قسەکانیدا باسی ھەستەکانی دەکات دوای ھەوڵی داخستنی کەناڵەکەی مەلا مەزھەر ، وتی باوەڕم نە ئەکرد بە ھۆی قسەکانم بێت کە کەناڵەکەی داخرا ، 

بەڵام دواتر پەیامی زۆرم بۆ ھات کە بە ھۆی دەنگ و تەلەفۆنەکەی من بووە کە کەناڵەکە دا دەخرێت بە ڕاستی زۆر دڵخۆشبووم ، چونکە وەزارەتی ڕۆشنبیری بە ئەرکی خۆیان ھەڵسان کە زۆر دەمێک بوو دەبوایە ئەم کارەیان ئەنجام بدایە .

ئەمەش بەشێک بوو لە بیر و بۆچونی پیاوێکی ئاینی کە ئاوا بەو شێوەیە لە ئافرەتی کۆمەڵگاکەی بڕوانێت و پێی بڵێت “ داینەسۆرە “ ، بیری چووە کە خۆی لەو داینەسۆرە بووە کە ئەو بەو جۆرە باسی لێوە دەکات .

بە بڕوای ھۆکاری ئەم جۆرە کردەوانەش دەگەڕێتەوە بۆ ڕۆڵی ئەم حیزبانە لە ماوەی ئەو چەند ساڵەی کە حکومڕانی کۆمەڵگایان کردوە لە ڕابرد و تا ئێستا ئاسەواری خراپیان لە سەر کۆمەڵگا و تاک بە جێ ھێشتووە ، 

وایان کردوە کە تاکێکی تەندروست دروست نەبێت لە ژێر کاریگەری حیزبدا بێت وە ھۆکارێکی تریش بە ناوی دینەوە ئافرەتان بکرێنە قوربانی و سوکایەتیان پێبکرێت .