بڵقه سه‌رئاوه‌کانی مه‌سعودی کوڕی ته‌نها دوژمنانمان لیده‌هروژێنن!
Sunday, 12/12/2010, 12:00
بۆ خۆڵکردنه چاو تاکی کورد، ناوناوه مه‌سعود چه‌ند ووته‌یه‌ک ده‌درکێنێ، بیئه‌وه‌ی بیربکاته‌وه ئه‌م ووتانه چیان لیوه‌ده‌ستدێ، کێ که‌ڵکیان لیوه‌رده‌گرێ، کێ تێیدا مالویرانده‌بێ. یه‌کێک له هه‌ڵسووکه‌وته‌کانی ئه‌مدواییه‌ی مه‌سعود ڕازاندنه‌وه‌ی (پیره‌پارته‌که‌ی به‌ناو دێموکراتی کوردوستان) به ووشه‌و دروشمی بریقه‌دار. گوایا ئه‌م پارته مافی چاره‌نووس ده‌کاته دروشمی به‌رز بۆخۆی، کوردوستان ده‌کاته ئه‌ندام له کۆمه‌ڵگای نیونه‌ته‌وه‌ییدا! ئه‌م هه‌ڵسووکه‌وته‌ی مه‌سعوود شایانی ئه‌وه‌یه ته‌نها له‌گه‌ڵ گه‌مه‌یه‌کی منداڵان به‌راورد بکرێ، که پێشوه‌خت ئاماده‌کاری له‌ڕووی چۆنیه‌تی و چه‌ندایه‌تی بۆ سازنه‌کرابێ. ئاخر جه‌نابی سه‌رۆک مه‌سعود، به‌ڕێزتان، پێشئه‌وه‌ی بای باڵی خۆتانبده‌ن، چ ئاماده‌کاریه‌کتان بۆ ئه‌م گه‌مه‌یه سازداوه، لایه‌نه‌کان "به‌شداران"ی ئه‌م گه‌مه‌یه کێن، سنووری ئاماده‌باشیان تا چ ڕادده‌یه‌که. ئه‌م گه‌مه‌یه ی به‌ڕێزتان ته‌نها له‌وه‌ده‌چێ که مه‌لا مسته‌فای باوکتان خۆیبۆسازدابوو، دروشمی "کوردوستان یانه‌مان" له‌گه‌ڵ ١٣٠٠٠٠ چه‌کدار، له‌جه‌ند چرکه‌یه‌کدا بووه هه‌ڵم. مه‌لای خوالێخۆشبوو ئاشبه‌تاڵی به گه‌وره‌ترین گه‌مه‌ی سیاسی کرد، نائومێدی خسته دڵی زیاتر له ٢٠ ملیۆن کوردی نه‌گبه‌ت، بێئه‌وه‌ی داوای لیبوردن له "چیدیبه‌شدارنه‌کردن" له‌م گه‌مه سیاسیه‌دا بکا!
قوربان! عه‌قڵیه‌تی ئیوه‌ی بنه‌ماڵه، ئێوه‌ی "خودان به‌رزان و سۆران"، گیرووگرفتی قودسه‌که‌ی مه‌لا مسته‌فای باوکتانی به‌جۆرێک ئاڵۆزکردوه که کورد سه‌ری لێده‌رناکا، له سایه‌ی سه‌ری ئێوه "خودای کورد" ڕۆژبه‌ڕۆژ سنووری جیۆگرافی هه‌ریمه‌که‌تان ته‌سکتر ده‌بێته‌وه، کورد له شارووشارووچکه‌کانی وه‌ک (جه‌لاولا، سه‌عدیه، دوزخورماتوو، داقوق) سه‌گتڕێنده‌کرێن. ئیدی چۆن ڕێگه به‌خۆتانده‌ده‌ن ئه‌م درۆو فیشالانه به‌ناوی ئێوه‌ی سووپه‌رمانه‌وه بخرێنه مه‌زادخانه‌ی سیاسه‌ت؟
دڵنیابه سه‌رۆک مه‌سعوود، ئه‌وه‌ی تۆ ده‌یکه‌یت ته‌نها بڵقی سه‌رئاوه، ده‌ته‌وێ له‌م ڕێگه‌یه‌وه زیاتر ده‌ست بخه‌یته قوڕقوراگه‌ی ئه‌و کورده‌ی هیچ ئیعتیبارێکتان (نه له‌ناوخۆ، نه له‌کۆمه‌ڵگای نێو نه‌ته‌وه‌ییدا) بۆنه‌هێشتوه.. ئێوه‌ی عاشقی پاره "پووڵ" و ده‌سه‌لات، ئێوه‌ی فاحشه‌ی سیاسی، ده‌تانه‌وێ به ڕێبازی قاله‌فه‌ره‌ج، ته‌حسین شاوه‌یس، حه‌مه‌خانی حاجی دارا و قاسم ئاغا، کورد بکه‌نه ده‌وله‌ت!. دڵنیابه، ئه‌م جۆره بووق و زورنایانه‌ی جه‌نابتان، - به تایبه‌تی له‌م کات وساته‌دا که کورد، به‌هۆی قوماربازی ئێوه‌وه شه‌رم له کوردبوونی خۆیده‌کا - ، ده‌بێته هۆیه‌ک بۆ ته‌قینه‌وه‌ی بورکانی (ئیسلام/عه‌ره‌بچی، تورك وه فارس) به‌ڕووی کوردی بێکه‌سدا؟
ڕێگه به‌خۆمده‌ده‌م، پێتانبڵێم ئیوه کوڕی باوکتانن، ئه‌وه‌ی له مشکبێ جه‌واڵدڕه!
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
