من گۆڕانم
Thursday, 25/06/2009, 12:00
من گۆڕانم
له‌و ساته‌ی هه‌م گوڕی ڕه‌سول مه‌حمود
ئاگرو بوڕکانم
من گۆڕانم
له‌و کاته‌ی هه‌م ده‌نگی
مه‌حه‌کی ویژدانم
من گۆڕانم
له وه‌ته‌ی هه‌م بۆ گه‌ردنی
تاڵانکاران په‌ت و ته‌ورو
گوێزانم
من گۆڕانم پێگه‌و بنگه‌ی
قه‌ڵای قایمی ئازیزانم
من گۆڕانم
باوه‌شی گه‌رمی دایکی
نیشتمان، هی کوێستان و
هی گه‌رمیانم
لانکی هیوابه‌خشی
کۆرپه‌کانم
تاکه چرای ڕه‌وشه‌نکه‌ری
ژیانم
من گۆڕانم
جێی موتمانه‌ی نه‌ته‌وه‌و
نیشتمانم
خه‌مخۆرو هاوڕازی خوێندکارو
لاوانم
پشت و په‌نای جوتیارو
ڕه‌نجده‌رانم
له‌وه‌ته‌ی هه‌م به‌ره‌و خۆر ده‌کشێم
بێ پشوودان له گۆڕانم
من گۆڕانم
سته‌می کۆمه‌لکوژی و ئه‌نفاڵ
ژیانی پڕ له مه‌ینه‌تی تفتوتاڵ
ئه‌و گوفتانه‌ی کرچوکاڵ
له‌شکری ئێره‌و ئه‌ودیو
ئه‌وانه‌ی تازه‌و هی کۆنه ساڵ
نه‌یشکانم
به درێژایی مێژوو
سه‌دان زوحاک
ده‌یان بیژوو
بۆ چرکه ساتێ
له ناسنامه‌ی کوردستانی بوونم
داینه‌بڕانم
من گۆڕانم... من گۆڕانم
چرای گه‌شی نیشتمانم
rasoul@live.nl
22-06 -2009
Den haag
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
