شنگالا من ئیزیدخانە
Saturday, 22/08/2015, 11:35
شەنگ و شۆخە ...
کەلەها میرانە
هیلینا ئاشق و ماشوقانە
...
شنگالا من...
ت دەفی...
ت شبێبی ...
ت تەمبووری...
...
شەنگ و شۆخا منێ
هەی بەژن بلندا منێ
هەی تەوزیا منێ...
توویی بوکا بەهارێ
کەسک وسۆر و سپی و زەر خەملی
هەی کولیلکا نیسانێ
توو ئێزیدخانی.
...
هەی بوکا بەهارێ...
خەملا خوە ل خوەکە
کمێ شام شێخانی ل سەرێ خوەکە
لەوەندیێت میرانی ب بەر خوەدە بەردە
زەبونێ شامتازی ل بەژنا خوەکە
کلێ سبحانی ل چاڤێ خوەکە
ب کوباری...
ب مەشا قتی قتی
مەش وەردەکی
خوە بەرد گۆڤەندا شەهیدان
سێ جارا ب هلهلینە و بیژە
هۆل هۆلا تاووسى مەلەکە
هۆل هۆلا تاووسى مەلەکە
هۆل هۆلا تاووسى مەلەکە
...
شنگالا من ئێزیدخانە
خوەدانا شەڕ و قەوغێن گرانە
کەلەها عەگید و خوەشمێرانە
تە دکر شەڕێ مان و نەمانە.
...
هەی چیایێ شیرین
کەلەها بەرخوەدانێ
تە خوە نەچماند ژ گەمیا نۆح ڕە.
...
بەریا دگۆ:
وێ ئێت قەوشەنەکی بێ قانونە
شاشکا وی وەکە شاشکا فەرعونە
ترسا مەهەبوو ژ وانە.
مەدگۆ:
هەی هۆ....هەی هۆ
کالەمێرنۆ...
هوون پوش د کوتن... پوش.
فەرمان نەمان...
فەرمان نەمان.
...
شنگالا من ئێزیدخانە
ل رۆژێت قەوامێن گرانە
رۆژ رۆژا دەروێشێ عەڤدی و...
سەعدون و مەجدەل
جۆهتکێ برانە.
کا دەروێشێ منی چاڤبەلەک؟
کا کلێ چاڤێ عەدولێ و هەدمانە؟
ل بێلێ قوچێ ...
ژ ترکا و گەیساڕە د کەڤە مەیدانە
مەگۆ دەروێشۆ:
کورد و پارەو خیانەت....
کورد خایینە
کورێت فەرحۆکا مەبە ب خوەڕە
ناهێلن ت شاد بی
ب عەدلا خوەڕە
...
شنگالا من ئێزیدخانە
کا ئێزدی میرزای منی میرانە
کا حەیدەرو عەمەر
جۆهتکێ برای گوهار زێڕا...؟
...
ئێزدی میرزا دبێژا:
گەڵی ئێزدیا بکن گوهدیرا
منێ سۆندەکا خواری
ب جدێ شێخان و پیرا
ب دیوانێت میرا
ب کولکێت فەقیرا
ب لالشەکە نورین
ئەز ژ پی سارۆخانێ عەجەم
خان خنچەلخان
گاورێ قزلباش ڤەناگەڕم.
ما ئەز پشکو میلاکا بینم ب سەرێ ڕمێڤە
ما ئیرۆ سێ جارا
لنگێ چەپەشینکێ سلاڤکە
ژقەومێ فەرێت ڕە
ئەز ببم حەیفا حەیدەر و عەمەر
جۆهتکێ برای گوهار زێڕا
...
شنگالا من...
چما ناڤێ تەکرنە شنکالا شەوتی؟
هەی خوەدانا هەفتی و دوو فەرمانا
باش بزانە و گەلی و بانیێت تە
بێرینێ و ...
کور موبارک و ...
کەرسێ شەهدەنە.
شێرە کورێت تە
چاڤێت خوە ژ نەزاما فریق پاشا نەشکێناندن
سەر عەسکەر گەڤزاندن و
قومنتان بەزاندن
...
هەی شنگاڵ
گەرما تەباخێ یە
نە بەرفبوو نە بارانە
هاتی ئیدا چلێ ئێزدیانە
ئەورێت رەش تاری جڤیانە
ل مە بوو مژو مۆلانە
مەگۆ تەنگینە...
مژێت گەلیانە
...
شنگالا من
داعش و ماعش هاتن
تۆفانە... تۆفانە
تە پشتا خوە گرێدا
ب شەروال سستا و بێ وژدانە
نانێ تە نە د خوارن
وێ چاوا جانگۆری کریڤا بن.؟
...
شنگالا من هاوارە
قیڕە قیڕا ژن و زاڕۆکانە
کانین ماش خوەر
کانین تڕتڕە و پڤپڤە
خوەدانێن عەبایێن زەر و
چەفی و عگالانە
کانین دەرسۆک سۆر
مەگۆ نەڕەڤن
گۆتن کریڤ...
ئەڤ تاکتیکە ...تاکتیک
رەڤ نە وسانە.
...
شنگالا من ئێزیدخانە
هەی پەزێ بێ شڤانە
نیکاح و سەربڕین و قەتل و عامە
ل بن بەیرەقا ( اللە) ی بسلمانا.
نەما...
نەغیرەت و...
نەناموس و ...
نە وژدانە.
زەری فرۆتن
ب نرخێ بزنانە
زەیتیێت مە گەەشتنە
شیشان و ئەفغانستانە
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
