هەر لە سەرەتای ئازاد بوونی بەشیک لە باشوری کوردستان ، پرسی سەروکایەتی هەریمەکە کێشە بووگە و جەنگی براکوژی نێوان یەکیەتی و پارتیش هەرلە سەر دەسەلات و سەروکایەتی هەریمەکە هەڵگیرسا. دوای چەند ساڵ جەنگ ، ئەو دوو گروپە ، باشوریان کردە دوو لەتەوە ، چون بەش و لەتی پارتی کەم بوو . پارتی پەنای بردە بەر یارمەتی داگیرکەرانی کوردستان ، چۆن ئێران و تورکیە لە ترسی ئامریکا و بە هۆگەلیتر نەیانتوانی راستەوخۆ بە شیوەکی بەربڵاو  بەشداری جەنگ بکەن و بێنە ناو وڵاتێکیترەوە ، كا مەسئود و پارتەکەی پەنایان بردە بەرسەدام و ئەویش سپای ئێراقی ناردە یارمەتی پارتی و یەکیەتیان لە هەولێر دەرپەراند . دوای رۆخانی سەدامیش ، باشوری کوردستان بە سێ لەتی مایەوە .لەتێک لە ژێر دەستی حکومەتی ئیراق و دوو لەت لە ژیر دەستی پارتی و یەکیەتی.  ئەم دوو گروپە لە جیاتی ئازاد کردن و گەرانەوەی کەرکوک، خانەقین و شەنگال و ناوچەکانیتر ، ئەم لەتەیان کردە  بەشی بنوکی ١٤٠ و موزایدە کردن. لە گەرمەی جەنگ ، زۆربە ئەرەبە هاوردەکان لە کەرکوک هەلات بوون و، بەڵام بە هۆی رێبەرایەتی ماستاوچی ، کاس و وڕ کەرکوک نەگەرایەوە و ئەو قوناخە زێڕینە سوتا. پارتی دەزانێت لە ناوچەکانی کەرکوک، خانەقین و شنگال ، پێگەی جەماوەری نییە وئەگەر بگەڕێتەوە سەر کوردستان ، دەنگی نییە و دەبێتە پارتێکی پلە سێ و بۆیە بۆی گرنگ نییە جارێک بگەرێتەوە سەر کوردستان تا دیکتاتوریە کە ی بتەو و سەقامگیر کات . یەکیەتیش رێبەری چاو نەترس و بە ئاوەزی ئستراتژیسیەنی نەبوو، هەلەکە بقۆزیتەوە و کەرکوک بگەڕێنەوە و ببنە پارتی یەکەم.     

 سەروکی یەکیەتیش جەلال تالەبانی، کە خەونی سەروکایەتی ئیراقی هەبوو و کوردستانی بۆ  مەسعود بەرزانی و پارتی جێ هێشت و لە سالی ٢٠٠٥ بە رێکەوتنی یەکیەتی کا مەسئود بووە سەروکی  باشوری سێ لەتی و تا ئێستا ئامادە نییە  دەست لە سەروکایتیکەکی هەڵگرێتو و هەلبژاردنێکی ئازاد بە رێەوە بچێت. دیسانەوە دەیەوێت بە رێگای سازان لە تەک لایەنەکانی تر لە پۆستەکەی بمێنێتەوە . گاڵتە جاڕیش ئەوەیە خۆێ ئەڵێت من سەروکایەتیم ناوێت، بەڵام چاقۆ کێشانی پارتی بە ناوی پارلمانتار  لە  لە پارڵەمان مشت دەوەشینن و قسە کردن لە سەر درێژەوە نەکردنی سەروکایتی کاک مەسئودیان هێڵی سوورە و نابێت کەس جورئەت کات قسەی لێوە کات. یا ئەندامانی بنەمالەکەی  و پارتەکەی وە ک نەچیرەوان و مەسروری کوڕی، گەلی کوردی باشور منەتبار دەکەن و ئەیژن  کاک مەسئود پێویستی بە سەروکایەتی نییە ، کوردستان و سەروکایەتی پێویستییان بە کاک مەسئود هەیە. ئەم ئاخاوتنانە ، گالتە کردنە بە رەزەن و قانون. مەگەر مەسئود بانترە لە قانون . هیج کەس بانتر لە رەزەن و زاکۆن نییە. گەلی کورد دەبێت بزانێت، ئەگەر مەسئود بتوانێت، دەیەوێت تا دوایی چرکەی ژیانی هەر سەرۆک بێت و دەست هەڵگر نییە، جا بە سازانی ناوخۆیی بێت یا بە یارمەتی داگیرکەران و دۆژمنانی کوردستان وەکۆ تورکیە. کونگرەی نەتەویی کوردیش سەری نەگرت ، چۆن مەسئود دەیەوی خۆی بە تەنیا سەروکی بێت ، جا ، هەر دەم و دەستگایێک لە ژێر کونترول و سەرۆکایەتی ئەوان نەبێت با هەر نەبێت.  ئیمرو مەسئود ،بنەمالەکەی و  پارتەکەی هەرەشەن لە سەر سەربەخۆیی ، سەقامگیری و بەرجەوەندی کوردستان.     

كاک مەسئود ئەڵێ من رابردو و مێژوی خۆم ناخەمە ژێر پرسیارەوە و نامەوەی سەروکایەتیم لە دەرەی یاسا درێژ بکرێتەوە !  ئەگەر بە راستی بەم قسەی خوتە باوەرت هەیە ئەی بوو دوو ساڵی پێش رێگات دا پەرلەمانی دەستەمۆ بە شیيوێکی نایاسایی سەروکایەتیکەت درێژ بکەنەوە و تویش پەسەندت کرد .رەنگە بڵی ئەوە یاسایی بوو . کە وابوو ئەمجارەیش ئەتەوێت وەکۆ دوو سالی پێش جارێکی تر سەروکایەتیکەت درێژبکەنەوە، ئەم جار نەک بۆدوو ساڵ بەلکۆ بۆ چوار سالیتر، و تویش لە سەر تەختی بێتاجی سەروکایەتی باشوری کوردستان لەم بدەی. ئاخر کەس نییە بپرسێت لەو دە ساڵە سەرۆک بویت چە گوڵێکت داوە لە سەر کوردان و هەژارانی کوردستان کە دیسان دەتەوێت بە دیکتاتوریەکەت درێژە بدەیت. هەژاری، بێ مووچەیی ، گەندەڵی، خەیانەت بە شەنگاڵ وکۆمەڵکوژی ئیزەدیانی کورد و دیلی ژنان وزاروکیئ ئیزەدی بەشیکە لە کارنامەی سەروکایەتیەکەت.   دیارە تویش وەک مام جەلال دەست لە دەسەلات و کورسی هەڵ ناگری تا نەکەوی. سەرۆک ئاشقی کورسی دەسەڵاتە و لای ئاشق رەزەن و زاکون و قانون کار ناکات.  بە وتەی کوردان گشت گیانم بکەن دەرزیاژن بەو مەرجە پێم بێژن کوێخا ژن. ئەمن ئەوینداری کورسی سەروکایتیم دەستی لێ هەڵناگرم تا ئەمرم. مەلاکانی شێئە ئێران  وتەیکیان هەیە و ئەیژن: ئەگەر مەلا  کەرێک گیری بکەوێت  سواری بێت ، تا کەرەکە نەتوپێنێ دانابەزێت ، ئێستا مەلا دەسەڵاتی دەست کەوتوە چۆن وازی لێ دێنێت. مەسئود و سەرانی پارتیش فرەتر لە بیست ساڵ لە ئێران هەواریان داخست بوو و بە وتەی پەندی کوردی ، دوو گا لە دۆڵێک رەنگ یەک نەگرن خۆی یەک ئەگرن. سەرانی پارتیش سواری کەرەکە بوونە و وەک مەلاکانی ئێرانی تا لە پای نەخەن دانابەزن.

گەندەڵی

 یەکێ لە شێوەکانی هەرە باوی گەندەڵی ، خزم خزمینەیە، کاک مەسئودیش دەستیکی باڵای هەیە لەم گەندەڵیدا . خۆی سەروکی هەریمە، برازا و زاواکەی   نەچیرەوان سەروکی حکومەتە، كوڕەکەی کا مەسرور سەروکی ئاسایشە ، لالە زاکەی هوشیار زێباری تاوێک وەزیر و شالیاری دەرەوەی ئیراقە و تاوێک وەزیری ئابوری ئێراقە.هەم لە سیاسەت و هەم لە ئابوری بە وتەی سنەیەکان تەقەی سەری دێت. هەموو ئاموزا و برازاکان و خزمانی بە فەرمی و نا فەرمی یا ژنرالن یا شالیار و یاریدەری وەزیرن. گەندەلی و نارونی لە وەزارەتی نەوت، دابەشکردنی زەوی شارەکان لە نیوان لایەنگرانی و مووچەی  بندیواری ، بۆ بەدەست هێنانی دەنگ با بمێنێت. ئەمانە هەموی گەندەڵین. 

كاک مەسئود ئەیژێت من بۆ سەروکایەتی میژووی خۆم ناخەمە ژێر پرسیارەوە !!  ئاخر براڵە کام مێژوو ؟  ئەو میژووە کە لە ١٩٧٥هەرەستان بە شوڕشی گەلێک راپەریوتان هێنا و رووتان کردە تاران و کەرەج و بۆ فرەتر لە بیست ساڵ هەوار نشینی ئێران بوون . یا کوشتنی لاوە  شوڕشگیرانی کورد و یەکیەتی لە هەکاری و کارەساتە دڵتەزێنەکانیتر . سەروکایەتیت لە پارتەکەت بە قیادە مەوەقەت دەستی پێ کرد و لە سەرەتای دەسەلاتی مەلاکان بوویتە نوکەری خۆمەینی و لە تەک پاسدارەکان جەنکی دژی کوردانی روژهەڵاتان دەکرد. ئەوەندە بەد ناو بوون تا رادەێک گەلی کورد لە روژهەڵات بە هەر حەشەرە و بوونەوەریکی پیس  دەیانوت  قیادە مەوەقەت . یا لە بیرتان چووە جەنگی دژی کوردانی باکوور و پارتی کرێکارانی کوردستان . خۆت چەند جار بۆ تورکیە دووپاتت کردەوە کە لە جەنگی دژی تروریستان  سێ هەزار کەس لە پارت و چەکدارانتان کوژراوە ، واتە لای کەم سێ هەزاریشتان ئیوە لە پارتی کرێکاران بو خزمەتی تورک کوشتوە و هێشتا سپای تورک لە باشورە و زاتان نییە وەکۆ سەروکی هەریم پێیان بێژن ئیتر پێویستمان بە ئێوە نییە و لێرە برون.

 کاتێکیش گەلی کورد راپەری و دوژمنانی ئێراقی لە کوردستان دەرکرد، ئیوە دیسان جەنگی ناوخۆییتان خستە رێ و سپای ئێراق و سەدامتان ‌هێنا تا کوردانی لایەنگری یەکیەتی لە هەولێر دەر بکەن . كاتێکیش ئامریکا سەدامی رووخاند ، لە جیاتی کار بۆگەڕانەوەی کەرک و سەربەخویی کوردستان، ئیوە بە هەڵەداوان چوون بۆ بەغدا و سپا و حکومەتی ئێراقی دوژمنتان دامەرزاندەوە ، و بابەکر زیباریت کردە  سپا سالاری ئێراق و دواتر دیت لە کاتی نووری مالکی هیچ دەسەلاتێکی نەبوو و تەنیا دەکور بوو . کوشتنی لاوانی بەرد لە دەستی سلێمانی و شارەزۆر لە بەر درگای پارتەکەت ، کودەتای دریژ کردنەوەی دەسەلاتەکەت، لەمپەر خستنە بەر کونگرەی نەتەوەی کورد کە دەبێ تەنیا تۆ سەروکی بیت گەر نە با هەر نەبێت.، خەیانەتی شەنگال و دیلی کچان و ژنانی کوردی ئیزەدی بە دەستی دائشی موسلمان،  گرتنی هەیدەر شەشو ی ئیزەدی،  بۆ هەمیشە بە ناو هانیەی ( نێو چاوانی) مێژووتەوە دەمێنێت ، خەمی میژووت نەبێ بە دیکتاتوریەکەت درێژە بدە تا لە هەناسە ئەکەوی. مەسئود بەرزانی  شێت و لێوەی دەسەلاتە ، نەخوش و گیرودە و موعتادی فەرمانرەوییە و بە قسەی هیچ دوکتور و زانایێک ناکات . چۆن نایەوێ ببیسێت و ناتوانێ گوێ لە هیچ نەیارێک  بگرێت جگە لە هەڵکوتان نەبێت.. کاتێک سێ سال پيش بەر لە کودەتاکەی هاتبووە ئامریکا ، لە دانیشتنی لە تەک کوردانی دانیشتوی ئامریکا ، یەکێک لە کوردان پرسی ، کاک مەسئود هەروا یەلتسین سەروکی رووسیە بۆ بەرجەوەندی ولاتەکەی ، چووە کنار و یەکیتر هاتە سەر کار. یا سەروک بوش  و سەرۆکانی ئامریکا دوای ماوەکەیان ئەچنە کنار بۆ هەڵبژاردنی کەسی دیکە . ئایا تویش ئامادەیت بۆ بەرجەوەندی کوردستان بچیتە کنار و کەسێکتر ببێتە سەرۆکی هەریم . مەسئود  نەیوت ملکەجی قانوون دەبم ، بەڵکۆ وتی ،" کاکە جارێ خوت راگرە تا ئەو کاتە ."    وە دیمان چۆن کودەتای کرد و باڵی ماستاوچی یەکیەتیش تەسلیم بوون و گەوەرەترین گورزیان لە کورد ولە حێزبەکەی خویان واتە یەکیەتیان  دا. پارتەکانیتر بەتایبەتی گۆڕان و یەگرتوی ئیسلامی ، دەبێ فرە ئامیار و هۆشیار بن کە نەکەونە داوی پارتی وبۆ هەندێ ئیمتیازی چکولە، کەونە داوی سازان و ماوەی سەرۆکایەتی مەسئود یا نەچییرەان درێژ بکەنەوە، تەنانەت بۆ یەک رۆژ . چۆن مەسئود و پارتی وەک تیانە رەشەکەیان پێ هاتووە ، هەر کەس نزیکیان بێتەوە و خۆیان لە قەرەی بدەن، رەشی دەکەن . پارتی رەش و بەد ناوە و ئەیەوێ هەموو کەس رەش و بەد ناو بکات.  بەتایبەتی نەیاران و ئوپۆزوسیونی جاران کە ئەیانوت سەرۆکی ماوە بە سەرچوو.. ئیستا چۆن ئەتوانن دیسان دەنگ بدەن کە جاریکیتر  سەرۆک لە سەر کورسیەکەی بمێنێتەوە ، ‌جەنگی دائشی ئیسلامی و هیچ هۆیێکی تر ناتوانێت ، خەیانتی درێژ کردنەوەی سەرۆکایەتی  پاساو بکات.

. پارتیەکان ئەیژن هیچ کەس بەدیلی کاک مەسئود نییە ، ئەی  قوڕوهەرگ بە سەر ئەو نەتەوە و ئە حێزبە بێت کە دوای شەست ساڵ نەیانتوانیە کەس و کادرانێک بار بێنن کە جێگەی ئەو پڕ بکەنەوە . بەڵام فرەێک لە خەلک ئەێژن  کوێخای هەر گوندێک ببێتە سەروک لە مەسئود بەرزانی باشتر خزمەت دەکات. مەسئود بەرزانی کە دەبینێت ، ماستاوچیان پەسنی دەکەن پێ وایە لە ناو دڵێ گەڵدایە یا کوڕە خاسەیە(مێرخاسە). مەگەر لایانگرانی سەدام نەیاندەوت ، ئەی سەدام بە سەر بە خوێن، گیانفداتین ، بەڵام چۆن سەدام دیکتاتور بوو ، ئەو هەلکوتانە، بایەخی نەبوو و ئەو کەسانەیش یا لە ترسا  پەسنیان ئەکرد یا هەلخەلەتاو بوون. سەدامیش بەو پەسنانە نە ئەبووە پیاو چاک رێبەری رەوا. کاک مەسئود تۆ لە تەک سەدام بەرئاوەرد ناکریت ومنیش نایکەم بەڵکۆ تەنیا ئەیژم، هەندێ باش بیر کەرەوە و بە دوای سەدام مەکەوە و پێ لە جێ پێ سەدام مەنێ. تو کە مادام ول ئومر سەۆکی پارتیت لەویش ئەتوانی بە گەل و نیشتمان خزمەت کەیت. سەدامیش خۆی بە تاقانە رێبەر دەزانی کە پێ وابوو لە ئێراق و دونیای ئەرەبدا بەدیلی نییە . بەڵام من ئەیژم  کوێخای هەر گوندێک لە جێگای سەدام ببوایە باشتر دەبوو و لای کەم زیانی کەمتر دەبوو. کرماشانیەکان مەیشن: خەیر نەیریت شەڕیش مەگەینە . درێژ کردنەوی سەروکایەتی لە ژێر هەر ناو و پاساوێک بێت دیموکراسی نییە  وزیان بە گەل و نیشتمان و خودی سەروک و پارتەکەیشی دەگەینێت.

وانکۆ کوردستانی