نێچیرڤانیش بۆته گۆڕان !؟
Friday, 20/11/2009, 12:00
ماوه‌یه‌که نێچیرڤان بارزانی وه‌ک که‌سیکی جیا له‌که‌سێتیه کۆنه‌که‌ی ، له‌ناو میدیای کوری خۆی نمایش ده‌کات ،ئه‌مه‌ش سه‌رنجی زۆر له‌میدیاو ڕۆژنامه‌نوسانی باشوری بۆ خۆی کێشاوه ،به‌راده‌یه‌ک به شێکیان وه‌ک بالی گۆرانی پارتی ده‌یناسێنن !؟
ئه‌م هه‌لوێستانه‌ی نیچیرڤان بارزانی ئه‌گه‌ر لایه‌نی پۆزه‌تیفی هه‌بێت ، که له‌ناو بنه‌ماله‌ی داخراوی ده‌سه‌لاتی بارزانی ،که‌سێکی وه‌ک ئه‌و دێت ، هاوسه‌ره‌که‌ی ، که‌هاوکات کچی سه‌رۆکی هه‌رێمیشه ، بۆیه‌که‌م جار له‌مێژویی ئه‌م بنه‌ماله‌یه ، نه‌وه‌ک ناوه‌که‌یمان بۆ ئاشکرا ده‌کات ،هاوکات وێنه‌که‌شی به‌زیندویی به‌خه‌لک ده‌ناسێنێ ، هاوکات دیدار کردنی له‌گه‌ل چه‌ندین رۆژنامه‌ی سه‌ربه‌خۆ وره‌خنه‌گری جدی ده‌سه‌لات و بنه‌ماله‌ی بارزانی و ته‌کاندنی پارتی که‌به‌عه‌قلی 60 سال له‌مه‌وبه‌ر ی ناتوانێت له‌گه‌ل هاوکێشه نوێکانی ناوخۆ وده‌ره‌وه بروات ، وه گوێ لێ راگرتنی له‌ده‌نگی ره‌خنه‌گرانی..سه‌رجه‌م ئه‌مانه کارێکی باشه ناکرێت دژایه‌تی بکه‌ین . هاوکات ناشکرێت لێکدانه‌وه بۆ ئه‌مانه نه‌کرێت ونه‌لێین ئایا به‌راستی نێچیرڤان بارزانی ده‌یه‌وێت گۆرانکاری بکات ونیه‌تی سیاسی ئه‌وه‌یه گۆران بکات ، یان ئه‌ویش وه‌ک هه‌ندێ به‌رپرسی گۆران که‌خاوه‌نی دنیایه‌ک گه‌نده‌ڵی و تاوانن ، واده‌زانێت به‌کۆمه‌لێک شتی روکه‌ش و چونه سه‌رگردێک ، بڕوانامه‌ی گۆران وه‌رده‌گرێت و ده‌توانن درێژه به سیاسه‌تیكی فریوده‌رانه بده‌ن و یاری به‌هه‌ست وسۆزی خه‌لک ، به‌چه‌ند وشه‌یه‌کی جوان و بریقه‌دار ده‌م وچاوه‌ناشیرنه‌که‌یان هه‌ندێ جوان بکه‌ن .
بۆیه ئه‌وه‌ی نیچیرڤان بارزانی ده‌یکات ، هۆکاری سه‌ره‌کی ئه‌وه‌یه ، دوای ئه‌وه‌ی زیاتر له10 سال سه‌رۆکایه‌تی حکومه‌تی کرد و ئێستا له‌ده‌سه‌لات نماوه ، ده‌یه‌وێت به‌ره‌نگ وبه‌رگێکی تر ، بێته‌وه ناو خه‌لک ومیدیا و به‌بروای خۆی ئه‌ستێره‌ی له‌دروه‌شانه نه‌که‌وێت .
وه‌خالێکی تر نێجێر ده‌یه‌وێت ڕیگا له و که‌س و لایه‌نانه بگرێت که‌ده‌لین پارتی حزبێکی داخرواوه و قابیلی گۆرین نیه ، بۆیه هه‌ول ده‌دات هه‌ندێ مجامه‌له‌ی سیاسی و کاری روکه‌شی یان جیا له‌باله بازو کلاسیک‌یه داخراوه‌که‌ی پارتی له‌گه‌ڵ خه‌ڵک بکات ، تا هه‌م پێش له‌ره‌وتی گۆرانه‌که‌ی نه‌وشیروان مسته‌فا و هاوڕێکانی بگریت ، هه‌میش کادیر وئه‌ندامانی خۆیان له‌بێ هیوایی ڕزگار بکات.
نێچیرڤان ناتوانێت پارتی بگۆریت ، چونکه خودی پارتی له بونی هه‌ناسه‌یه‌کی جدی دیموکراسی و کرانه‌وه‌یدا ناتوانێت درێژه به‌ده‌سه‌لات بدات . سه‌رباری ئه‌مه‌ش ئێمه ده‌بێت خوێندنه‌وه‌مان هه‌بێت بۆکه‌س و مێژوه‌کانیان ،نه‌وه‌ک فریودان به‌وشه‌و هه‌ندێ ره‌فتاری روکه‌شانه که‌به‌رپرسانی ئه‌مڕۆ له‌کوردستان ده‌یکه‌ن . بۆیه ئه‌گه‌ر پرسیار بکه‌ین وبلێین ، ئایا نێچیرڤان بۆچ تا له‌خۆرئاوای کۆتایی ده‌سه‌لات نزیک نه‌بۆوه بۆ جارێكیش دیدارێکی نه‌‌ک له‌گه‌ل لڤین و ئاوێنه‌و هاولاتی به‌لکو له‌گه‌ل ڕۆژنامه‌ی خه‌باته‌که‌ی خۆشیانی نه کرد .که لاپه‌ره‌ی یه‌که‌می کردۆته ئه‌لبومی خۆی و مامی ؟ یان 10 سال زیاتر له‌ده‌سه‌لات بوو ، ئایا چ هه‌نگاوێکی دژ به‌گه‌نده‌ڵی په‌یره‌و کرد ؟ ، چه‌ند به‌رپرسی تاوانباری برده دادگاو لێکۆلینه‌وه‌ی بۆکردنه‌وه ؟ یان له‌سه‌رده‌می ئه‌و گه‌نده‌ڵی له‌ناو به‌رپرسان نه‌په‌ریه‌وه ناو خودی کۆمه‌لگاش واتا حکومه‌ته‌که‌ی له‌ته‌ک حزبه‌که‌ی و یه‌کێتی ، نه‌بونه قوتابخانه‌یه‌ک بۆ فه‌سادکردنی کۆمه‌لگا ؟ ئایا نێچیرڤان له‌ته‌مه‌نی ده‌سه‌لاتی ئیداریدا ، به‌رده‌وام داهاتی دزراوی ئه‌و خه‌لکه‌ی له پیاو دروستکردن و کڕین ته‌رخان نه کرد؟ ئایا نێچیرڤان کاره زۆره‌کانی حکومه‌تی زیاتر له گرنگی پڕۆژه بازرگانیه‌کان چڕ نه‌کرده‌وه ، له‌بڕی خزمه‌تگوزاری وه‌ک خوێندگاو نه‌خۆشخانه ...... ئایا نێچیرڤان بارزانی گرنگی به شوێنه‌وار وکه‌یسی کۆمه‌لکوژی و مافی مرۆڤ و گه‌نج دا .... ؟ ئایا نیچیرڤانیش سیاسه‌تی کرینی قه‌له‌م و ده‌نگی ئازادی ونه‌خه‌ساند ، تا که‌سیتی تاکی کورد چه‌ند باره ئاسا زه‌لیل بێت ؟ .. ئه‌م نمونه‌ی نێچیرڤان بارزانیم وه‌ک گالته پێکردنه‌کانی یه‌کێتی دیته پێش چاو ، که‌له‌پلینۆم بریاریان دا لێکۆلینه‌وه‌له‌سامانی به‌رپرسان بکه‌ن ، هاوکات ده‌یان عومه‌ر فه‌تاح له‌ناوکۆنگره‌و له‌ڕیزی پێشه‌وه دانیشتبوو !؟ که‌تاله‌بانی بێ شه‌رمانه ، له‌بری دادگا ته‌زکه‌ی بێ تاوانی له‌یه‌خه‌یدا.
. یان پاڕیزگاری سلێمانی تاله‌گه‌ل گۆران بوو ، که‌مپینیان له‌سه‌ر کرد ، که‌دزو گه‌نده‌ڵه و ده‌یان به‌لگه‌یان له‌سه‌ر بلاو کرده‌وه ، به‌لام که‌پارێزگار پاکانه بونی لای تاله‌بانی ده‌ربری که گۆران نیه ، عماد ئه‌حمه‌د (جێگری سه‌رۆکی حکومه‌ت) له‌بڕی دادگا ، زۆر بێشه‌رم و ئابروبه‌رانه ، وتی بۆمان ده‌رکه‌وت بێ تاوان بوو!؟ . ئه‌رێ ئه‌م میلله ته به‌چی تێده‌گه‌ن ،کوێره یان هه‌ستی نیه یان خۆتان گالته به خۆتان ده‌که‌ن !؟
بۆیه ئه‌م ره‌فتارانه سه‌رباری یاریکردنه به‌هه‌ستی خه‌لک و چه‌واشه‌کردنیانه ، هاوکات شێوه‌یه‌که له درێژه‌دان به عه‌شقبونیان بۆ ده‌سه‌لات ، که‌هه‌موو شتێک ده‌که‌ن له‌پێناوی دێژه‌دان به‌ده‌سه‌لات ... ئاخر هه‌ر ئه‌و قسانه‌ی بروسک (ژیته‌مه‌که‌ی تورک) که له کوردسانپۆست بلاوده‌کریته‌وه شایسه‌ته‌ی ئه‌وه‌یه نیچیرڤان لێکۆلینه‌وه‌ی له‌گه‌ل بکرێت نه‌وه‌ک بکرێته قاره‌مانی گۆران ؟
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
