خزمەتگوزاری لەسوید و کوردستان لەنیوان دوو کەسایەتی چەپی کۆچکردودا (مەلا حەسەن و فاتیح رەسول)

Monday, 10/09/2012, 12:00

ئەو چەند دێرە نوسینە , ئامانج لێی خەلکی کوردستان بزانن ، ئەو بودجەیەی بەرٶژی روناک و جاوقایمانە لەلایەن پۆلێ بەپرسی بنەمالەی مافیای (بارزانی و تالەبانی) لێیان دەدزرێ ، ئەگەر لەخزمەتگوزاری تەرخان بکرێ ، چۆن ژیانی خۆشەویستانی ، لەبەردەم دەرگای مەرگ دەگەڕێنێتەوە ناو ماڵەوە و هاوکێشەکانی ژیانی هەزاران خێزان ، لە دورکەوتنەوەی ئەبەدی (سۆزی دایک و باوک و برا یان جەرگ سوتان وهاوسەر.... ،کەم دەکرێتەوە. هاوکات بزانن بودجەو داهات دەبێت لەبواری تەندروستی وپەروەردە و خۆشگوزەرانی خەلک خەرج بکرێ ، نەوەک تەنیا لە هۆرگ و ددان و مل و پەلەی سوری دەم و چاوی پۆلی بەرپرس و شەوانی سوری بەرپرس و قومار کردنیان و ئەهرام و ئاودیوکردنی پارەی هەژاران بۆ بانقەکانی ئەورپا. بۆیە کێشەکە هەرئەوەنیە پۆلی بەرپرس بەداهاتی گەل دەبنە مافیا ، بەلکو ئەگەربودجە بۆ خەڵک تەرخان بکرێ ، ئەوا بەدەیان هەزار مرۆڤ لەمەرگ دەگەرێتەوە . کۆتایش بەو هاوکێشەی دەسەلات بهێنن ((هێشتا زۆرمان ماوە بەراورد بەئەورپا بکرێین)) ئامانجی پیاوانی دەسەلات ، لەم ووتەیە خزمەتگوزاری نەگەیەنە ناو خەلک ، ئەگەرنا لەبواری هێنانی ئەو کەلو پەلانەی قازانجی مادیانی تیایە هیچیان لەئەورپیەکان کەمتر لەبازارەکان دانەناوە

پارتی لەهەولێر زۆر مزایەدەی ئەوە دەکات ، " هەولیری پێشخستوە " بەلام پێشخستن لای پارتی ،ئەهرامی بەرزو جادەی پان و بەرینە ، بەلام لای ئێمە یاسای خزمەتگوزاریە لەبواری (تەندروستی ، کۆمەلایەتی ، پەروەردەیی .... خۆشگوزەران و پرکردنەوەی پێداویستیە تایبەتیەکانی خەلکە بەپێی یاسا تا خەلک هەست بکەن پارەی خۆیان لەداهاتی نیشتمانیان ، لەکەم و کورتیەکانیان تەرخان دەکرێ ..

ئەم چیرۆکانەی بۆتان باس دەکەم ببزانن پارتی و یەکێتی ئاوەدانی یان وێرانکردن و لەگۆرنانی خەلک بەرەو گۆڕستانەکان دەبەن

لەتەموزی سالی پار .،بەرێکەوت کچەکە م لەمەرگ گەرایەوە ، کاتێ بەرلەنوستنم سەرێکم لەژورەکەیدا و دەبینم ((چاوی زەق و خوار بۆتەوە ئاو لەدەمی دێتە خوارەوە دوای ماوەیەک ڕشانەوەشی دەستی پێکرد ... لە ولاتی سوید تەلەفۆنێکی ٢٤ کاتژمێر بەکراوەیی هەیە لەهاوشێوەی ١٠٢ بە لام ئەو وەلام بەهەموو پرسیارێکی تەندروستیت دەداتەوە پێی دەلێن((ڕێنیشاندەری تەندروستی))کە تەلەفۆنمان بۆ کردن ، وتی بەپەلە بیگەیەنە نەخۆشخانە ، تاگەیاندمان بارودۆخی زۆر خراپ بوو ، چەندین دکتۆر لەبەشی فریاکەوتن و چەند بەشێکی تر هاتن .... لەکۆتاییدا بەراشکاوانە بەئێمەیان ووت ئەگەری ژیانی گەلی کەمە چونکە خوێنی ترشاوە و بەلام ئێمە هەولی خۆمان دەدەین بەپەلە گەیاندیانە نەخۆشخانەی ((ئاسترید لیندگرین)) ، ئەو ژنە چیرۆکنوسە ناودارە سویدیەی کەهەموو بەرهەمەکانی بۆمنالان بوو ،لەکوردستانی خۆشمان لەکۆندا ئەفلام کارتۆنی((نیلس)) کەبەرهەمی ئەوبوو بلاودەکرایەوە ، بەکورتی ، کۆمەلێک ئامێری سەیری هەناسەدانیان لەسەر دانا و دوای ٦ کاتژمێر دکتۆرێک هاتە ژورێک پێیگوتین کچەکەتان دەژیت و بەلام توشی نەخٶشی کرامپ بووە ..ئەمە ئەم نەخۆشیە بوو بۆیەکەم جار بزانم ئەوشێوەیە هەیە (بەهێمنی و بێدەنگی دەیگرێ و بۆ ماوەی چەندین کاتژمێر بەردەوام دەبێ .... ئەگەر کەس ئاگای لێ نەبێ ، مالئاوایی لەژیان دەکات . وەک ئەو هەموو خەلکەی لەکوردستان دەلێن وەڵا شەو هیچ بەرای لێ نەبوو بەیانی ویستمان بەئاگای بێنین مردبوو

ئەمسالیش بەهەمان شیوە لەم رۆژانە توشی بۆوە گەرجی ئەزمونی کۆنمان هەبوو کەرزگاری دەکەن و بەتایبەتی کە زوگەیەنراوەتە نەخۆشخانە ، کاتێ چوم خێزانم وتی ١١ دکتۆر و چەندین برین پێچی لەسەری بوو تالەترس دەرچوو ، ئیتر لەگەل خێزانم ئەوکات تێگەیشتوین بۆ زۆر جار کەدەچینە ئاکوت (فریاکەوتن) ئەوابەچەند کاتژمیرد ەوەستین و تا نۆرەی ئێمە دێت . چونکە لەسوید کێ ژیانی بکەوێتە مەترسی ئەوان پلەی یەکن نەوەک وەک ئیدارەکەی بارزانی و تالەبانی ، حالەتی وا تەنیا بۆ منالە فەرعونەکانە ...بۆیە کۆکردنەوەی ١١ دکتۆر لەسەر منالێکی پەناهەندە و دوبارە ئاسا لەبودجە و داهات وەک خەمە بەردەوامەکە لەهزرم خولیاوە . بەتایبەتی کاتێ کۆمەلێ ئامێری پێشکەوتوو دەبینی کە چۆن مرۆڤ رزگار دەکرێ . بێ ئەوەی بپرسرێ ئەمە کام مرۆڤە بەرپرس یان هەژار ، سویدی یان پەناهەندە ..هاوکات بۆ شەوەکەی هۆتێلی بەخۆرایی بۆ دایک و باوکەکە هەیە (ئەگەر حالەتی نەخۆشەکە خەتەر بێ) ئەمە جگە لەبونی دەیان پێداویستی تر وەک یاری منالان و شوینی مەلەکردن.............. کەزۆر جار ئەم دیمەنانە دەبینم ، بەیانامەیەکی کۆنی خۆمانمان بیر دەکەوێتەوە ٢٠٠٣ کەبەناوی (ناسررەزازی و مەرزیە ومهاباد قەرەداخی وقادر نادر و مستەفای هاوسەری مهاباد بۆ وەزیری دەرەوەی سوید مان نارد ((ئان لیند)) لەسەر هیڕشەکانی تتورکیا کەئێمە بۆیە ئەونامەیەت ئاراستە دەکەین چونکە سوید بەنیشتمانی دووەمان دادەنێن و نیشتمانی یەکەممان ((کوردستان) لەژێر هەرەشەی فاشیەتی تورکیا دایە .. بۆیە بەردەوام دەلێم تۆسەیر بکە ئێمە خەبات بۆ نیشتمانی یەکەم (کوردستان)) دەکەین کەچی دەبێ نیشتمانی دووەمان هەلوێستی هەبێ . ئێمە قوربانی خۆمان و بنەمالەکانمان بۆ نیشتمانی یەکەمە ، کەچی ئەوەی وا دەکات لەسەردانکردنمان بۆ نیشتمانی دایک ،، نەسلەمینەوە ئەوا رەگەزنامەسویدیەکەیە ، تۆ وەرە سەیری ئەو هاوکێشە بکە هەموو ژیانت بۆ نیشتمانی دایک تەرخان بکەی ، کەچی ترسی لەناوبردنت دەسەلاتی ئەو هەرێمە لەسەر بێت و ولاتیكێش تارادەیەکی زۆر ،بارگرانی سیاسین بۆی ، کەچی دەبێ ژیانمان بپاریزیێ .

ماوەیەک بۆرۆژنامەی میدیا زۆرینەی ئەو خزمەتگواری و یاسایە جوانانەی ئیمە هەمانبوو هەولم دەدا بیگەیەنمە خوێنەری کورد ، ئەوەی بێتەوە بیرم لەدیرێکدا نوسیبوم کەبەپێی ئەوزانیاریانەی بەدوایدا چومە هەموو هاولاتیەکی سویدی (بەپەناهەندەی وەک ئیمەش) کەروبەروی هەرەشە ومەرگ ببێتەوە ، دەبێ بودجەی ئەو ولاتەی بۆکراوەبێ تائاستی گۆرینی سیاسەتی دەرەوەی (ئەمەش مانای ئەوەنیە بەیەک شەو ڕۆژ ئەمە پیادەبکرێ ... وەک کەسیک دەناسم لەیۆنان لەسەر قاچاخچیتی نەفەر هێنان بۆ سوید گیرا کەچی بەهۆی ئەوەی خاوەنی رەگەزنامەی سویدی بوو ،سوێد پاڕیزەرێکی بەناو بانگی بۆ گرت

لێرەدا بە دوو نمونە ی تر کۆتایی بەباتەکە دەهینم ، ئەوەی من بزانم هاوڕێ مەلا حەسەنی کۆچکردوو (ئەندامی کۆنی مەکتەب سیاسی شوعی ٠ لەچلەکانی سەدەی رابردوو تا ٢٠٠٩ بەردەوام بوو لەخزمەتکردن بەباوەرەکەی تاکۆمەلگای کورد دادپەورەوانە بژی ، لەم دەیان سالە دەیان ناخۆشی و نزیک لەمەرگ گەرایەوە . کەچی لەکۆتایی تەمەنی زۆر هەولی دا بگاتە ولاتی سوێد ، نەحزبەکەی نەپارتی و یەکێتیش ، فیزەیەکیان بۆ دابین نەکرد تا مالئاوایی لەژیان کرد . یەکێک لەهۆکارە سەرەکیەکانی ئەوەبوو هاوڕی مەلا حەسەن ،پێجەوانەی زۆڕیک لەو سەرکردە سیاسیانەی ئیستای شوعی ، نامە و داخوازی بۆ بەرپرسانی یەکێتی و پارتی نەدەنوسی و نەدەپارایەوە ، کە بیبەن بۆ دەرەوە ، لەکاتێکدا هەمویان بەیەکەوە خەباتیان کردبوو لەنزیکەوە یەکتریان دەناسی وەئەمە مافیکی سروستی هەر مرۆڤیکە کەلەکوردستان چارەسەر نەکری بگەیەنرێتە دەرەوە.

لەبەرامبەردا (فاتح رەسول و شوکریە (دایکی هاوڕێ و تەلار هیرانی) ئەوان قوربانیان بۆکوردستان بەتەمەن و منال و هاوسەر دابوو کەچی کاتێ لەکوردستان توشی نەخۆشی بوون و زانرا کەجارەسەر ناکرێ ، لەسویدەوە بۆ هەریەکێکیان ، ((فرۆکەی ئەمبۆلانس)) تایبەت نێردرا و هێناینە وە سوید (بەخۆرایی) جونکە خاوەن رەگەزنامەی سویدی بوو ن .... کە دلنیام ئەگەر لەسوێد لەیەکەم چرکەساتی نەخۆش کەوتنیان بونایە ئێستا ئەو دوو کەسایەتیە لەدوری خۆشەوستانیان نەدەبوون ، بەنمونە دایکی هاوڕیی هیرانی کەنەخۆش کەوتبوو ، لەرانیە تەلەفۆنیان بۆ نەخۆشخانە کردبوو کە ئەمبولانس بیبات ، سەرەتا ئەمبولانس جوو بوو بەنزینی تێ کردبوو تاگەیشتبوە لای و بردبیان بۆ نەخۆشخانە ی رانیە و دواتر بۆ هەولێر ..دواکەوتبوو لەچارەسەرکردن

ئێستا رۆژانە لەساری سلیمانی دەبینین و دەلین ئەو ڕیستورانگە داخرا ... ئەوەندە تەن دەرمان لەسنور سوتینرا یان گەریندرایەوە ...تۆبزانە ٢٢ سالە بەهەزاران تەن خۆراک و داو دەرمانی پیس دراوەتە خەلک بۆیە دەبینین رۆژانە ئەمە بە شیرپەنجە و دلوەستان .... مرد بۆیە هەر مەسەلەکە ئەوەنیە خوا ئەجەلی هێناو مرد ، بەلکو ئەگەر خزمەتگوزاری هەبێ بەهەزاران مرۆڤ ئەجەلی درەنگتر دەبێ و هەزاران خۆشەویستیشتان وابەتەمەنی گەنجی مالئاوایتان لێ ناکەن

لەهەندەران مرۆڤ فێرە میهرەبانی و مرڤ دۆستی دەبێ لەکوردستانی باشور چەتەییی و ئاژەل ژیان ، بەلێ لێرەش مردن و نەخۆشی هەیە بەلام لیرە لەنزیک مەرگ دەتگەرێنەوەبۆناو خۆشەویستانتەوە ، کەچی لەنیشتمانەکەی ئێمە دوو بنەمالە ، بەزۆرەملی گەنجان و منالانی کورد وەک ئەنفالی بەعس بەلام بەرەنگێکی تر (دەرمان و خوراکی ژەهراوی و نەبونی خزمەتگوزاری .... بەکۆمەل بەرەو گۆر لەگۆرستانەکان دەنێرن .