پەیمانگەی كفری سەچاوەی هونەرو چالاكی نەك گەندەڵی

Thursday, 22/10/2009, 12:00

رونكردنەوەیەكی بێ لایەنیانە بەرانبەر نوسینی بابەتێك بە ناونیشانی (گەندەڵێكانی پەیمانگەی هونەرە جوانەكانی /كفری).
من وەكو چاودێرێكی شاری كفری و دامو دەزگاكانی ئەو شارە بەگشتی و بەتایبەت تاكە دەزگاە هونەری و پەروەردەیەكەی كە كاری ئامادە كردنی كەسایەتی هونەری وپەروەردەییە بۆ كۆمەڵگا.
چونكە هەركەس ئەزانێ كەسایەتی هونەری و مامۆستای هونەر و پسپۆر لەم شارەماندا كەمە، پەنجەكانی دەست دەژمێردرێت، خۆش بەختانە و بەبریاری بەرێز مام جەلال سەرۆكی ئەوكاتەی حكومەتی هەرێمی كوردستان / سلیمانی، بو پێشخستنی هونەر لە ناوچەكەوە هەمیش بۆ خزمەتی زیاتر بەرانبەر شارەكەمان كە ئەو كاتە نزیك ترین شار بوو لە تەماسدا بەرانبەر رژێمی بەعس ئەم پەیمانگەیە دامەزرا.
دیارە بۆ كردنەوەی پەیمانگەی هونەرە جوانەكان چەند فاكتەرێكی گرنگ هەیە پێویستە لە بەر چاوو بگیری:
یەكەم: لە وانە مامۆستای پسپۆر لە بواری هونەر و خزمەتكار بە هونەرو كۆمەڵگا، چونكە ئەگەر كەسێك بەهرەیەكی هونەریشی هەبێ ئەگەر خزمەتكار نەبی دڵسۆزیش نابێ ئەوە وەكو نەبوو وایە.
دووەم: پێویستە بینایەكی تایبەتی شیاوی هەبێ، بۆ بەرێوەبردنی كاری رۆژانەی خوێندكاران.
سێیەم: هەبونی خوێندكارو ئارەزوومەندو بەهرەمەند و خوازیار بۆ هونەر.
بەرێزان نامەوێ زۆر لە سەر مێژووی پەیمانگە بنووسم.
كاتی بابەتەكەم خوێندەوە نەم ویست هیچ هەڵوێستیك بكەم لەسەری، بەڵام بۆ ئەوەی راستیەكان وەكو خۆی بووترێت وە هەركەسێك بزانێ كاكەی (مامۆستا تەلەبە) چەند دڵسۆزە بەرانبەر ئەم پەیمانگە، بەرپرسانی پەروەردەیی و ئیداریی و حزبیش زیاتر بەر چاویان رون بێت، بەتایبەت ئەم رۆژانەی كە تیا ژیان ئەكەین چونكە لە سەرو بەندی پێش هەڵبژاردن و دوای هەڵبژاردن بابەت گەڵێك هەیە بەداخەوە هەڵپەرستان و چەند كەسێكی نەفس نزم، لە هەر ئاستێك و لە هەر جێگایەك، ئەیانەوی كورد وەتەنی نان و پیازی پێوە بخۆن، جا بۆ ئەوەی نانەكە بە تەنیا بجاون و لە گەڵ تفكەی حەسرەتی نائومیدی دەرونی رەشیان بە وشكی بیكەنە خوارەوە، ئەم نووسینەم بەم چەند خاڵە ریزبەند دەكەم هیوا دارم هەر لایەك سود مەندبن وە زۆریش بێ لاینیانە بنوسم چونكە هیچ ئامانجێكی تریشم لەم نوسینەدا نییە، تەنها ئاشكرا كردنی راستیەكان و دڵسۆزی كەسەكان بەرانبەر پەیمانگە:-
یەكەم: كاكی رەخنەگەر وا ناوی خۆی نەنووسیوە ئیمە لێرە هەندی هەقی پێ ئەدەین، چونكە كۆمەڵگاكەمان تاكو ئێستا نەگەیشتووتە ئەو ئاستە بتوانی رەخنە قەبول كات، بەڵام ئەوەی جێ سەرنجە كاكەی رەخنەگەر تەلەبە نییە خۆی مامۆستایە یان خۆیان مامۆستان لە پەیمانگە، بەڵام هەڵكەی لەودابوو هەندی خۆی نزم كردۆتەوە،خۆی و پیشە پیرۆزەكەی لە بیر كرد ئەو چییەوە ناوی چییە، پرسیارێكی لێدەكەین ئەم تەلەبە دڵسۆزە داوا دەكات حكومەت لە خەو ڵسێت بۆ خاتری خوا، لێرە شەكەری شكاندووە، نازانی حكومەتی هەرێم زۆر باشیش بەخەبەر بەڵام دیارە ئەو خەوتووە نازانی لە كوردستان چەند كادرو مامۆستای پسپور كەمەن بەتایبەت لە سەروبەندی دامەزراندی پەیمانگەدا، خۆ هەركەسێكیش باوكی خاوەن رێز نەبوو لای حزبی بەعس بتوانی بروات ناوەندیە هونەرێكان تەواو بكات، بەتایبەت خەڵكی كفری، كە حكومەت دەیان فاریزەی لە سەر خوێندكارانی شارەكە دانابو لەبە كوردایەتیان، پرسیارێكی تر پەیمانگە ئەوە نۆ ساڵە دامەزراوە چەند وجبە خوێندار تەخەروجی كردووەن بۆ ئێستا دڵسوز بووەتەوەو خەمی پەیمانگایەتی و رەخنە دەگرێ، ئەگەر ئیستا بە تەمای شتێكی شەخسی نەبێ وا ئەزانی لەوانەیە هەندی گۆرانكاری بكرێت لە پلەوە پایەكانی گەرمیاند، بەڵام دڵنیای دكەمەوە ئەوو هاوشێوەكانی ئەوان حكومەت بە درۆو دەلە سەی ئەم و ئەو باوەر ناكات، تاكۆ ئێستاش بەو پەندەی كە خۆیشی نوسیوێتی (كەسی شیاو بۆ جێگای شیاو) تەواو پر پێسێتی بەرێوەبەرو یاریدەرو سەرۆك بەشەكان و مامۆستایانی پەیمانگەیە بە تایبەت لە شارێكی وەكو كفری.
دووەم: كاتی وەسفی پەیمانگە دەكات كەس نازانی چی نووسیوەو باسی چی دەكات، یەك سەر چووەتە سەر مامۆستا (جمال عبدالرحمن) چەند شتێكی سەیرو سەمەرەی نووسیوە، ئەگەر وەڵامی نەدەمەوە ئەوە نەهەقی دەبێ، بەمەرجێك مامۆستا جەماڵ ئیستا لە وێ نەماوە بەگشتی چوار جار لە گەلێا دانەنیشتووەمە، دەڵێت: مامۆستای زمانی عەربی بووە، دیارە كاكی رەخنەگر زۆر بێ ئاگایە لە ئیدارەكانی تری پەیمانگاكان و ئەكادیمیا و پلەوەپایەكانی تری هەرێم، چونكە وەكو وتم لە بەر كەمی پسپۆر پەنا براوەتە بەر كەسانی دڵسۆزو خاوەن ئەزمون و كورد پەروەر، خوش بەختانە ئەوانیش بەوپەری دڵسۆزییەوە ئەركەكەیان بەجێ گەیاندووە، هەر بۆ نمونە، بەرێوەبەری پەیمانگەی هونەرە جوانەكانی سلێمانی، عەمید ئەكادیمیای هونەر جوانەكانی هەولێر، سەرۆك بەشی مۆسیقا لە پەیمانگەی خانەقین، دەیان و سەدانی تر لە وەزارەتەكانی تری كوردستان، بە قسەی ئەم بەرێزە بێت چی ئیدارە هەیە یان تەسلیمی عەرەبی كەین یان ئەوانەی لە بەردەم رژێمی بەعسدا گوج بوون، دیسان نووسیوێتی جەماڵ خەتات كاتی بوەتە بەرێوەبەر ئەم پەیمانگایە هیچ شتێكی نەبووە، ئەمە شایەنی وڵامدانەوە نییە، دەڵێت ئۆتومبیلی بەرازیلی پەیمانگە گوییان پێ نەداوە خۆر و باران (خایسیان) كردووە، ئایە ئەزانی چەندین كتاب كراوەو پەروەردە ئاگادار كراوەتەوە، بەڵام بێ ئەنجام بووە، هەروەها نوسیوێتی پێنج ساڵ بەرێوەبەر بووە هەمو شتێكی ئەكرد، تاكو ئێرە راست دەكات هەموو شتێكی كرد، چونكە كاتی ئەو بووە بەرێوەبەر، لە كفری زیاد لە نیوەی مامۆستاكانی لە منەزەمەوە شوعبەكانی بەعس دا خەفارەتیان دەگرد، لە گەڵ رێزمدا بوو مامۆستا دڵسۆزەكان، بۆ یەكەم جار لە ناوچەی گەرمیان پەیمانگەیەك كرایەوە مامۆستا كەوتە بەرانبەر تاقیكردنەوەیەكی زۆر تازەو گرانەوە، هەم وەكو دەزگایەكی هونەری هەمیش وەكو ئیمكاناتی پەیمانگەوە حكومەتی ئەو كاتەی هەرێم،بەڵام دیارە باوەری و دڵسۆزی ئەو بەرێزە بۆ هونەرو شاری كفری گەرچی خۆی خەڵكی كفری نییە، وای كرد بیباتە رێوەو زۆر بە سەركەوتویش، ئەگەر هیچیشی نەكردبێ خۆ بەردی بناغەی پەیمانگەی دامەزراند لە گەرمیان و كفری، كە خەونی سەدان خوێندكاری كەم درامەت بوو، دیسان دەڵیت: (خوێندكاری بە واستەی زل زل وەردەگرت) ئەوی ئێمە بزانین لە سەرەتاوو لە كاتی مامۆستا جەماڵدا خوێندكار نەك بە واسیتە وەردەگیرا بەڵكو بە پێچەوانەوە، بگرە یەكەم و دووەم ساڵ رجا دەكرا لە بە خێوكەری خوێندكارن مناڵكانیان بنێرن بۆ پەیمانگە چونكە لە سەرتا چون بۆ پەیمانگەی هونەر جوانەكان عەیبە بوو، تەنانەت چەند خوێندكارێكی ناسیاوی خۆم بە زوور نارد.
سێیەم: نوسیوێتی، دوای ئەم بەرێوەبەرێكی ئافرەتی شاری كفریان دانا، پیویست لێرە ئەوە بڵێن كاتی مامۆستا جەماڵ بەرێوەبەر بو ئەیانوت خەڵكی كەلارەوە كەلار چێتی دەكات، ئیستا دەڵین ئافرەتەوە خەڵكی كفرییە، بە هەر حاڵ دیارە دەسنیشان كردنی مامۆستا ئەیهان لەبەر چەند هۆیەك بووە هەروا لە خۆرای نەبووە ئەو هۆیانەش زۆرێك لە خەڵكی كفری و پەیوەندیدارەكان ئەزانن پێویست ناكات من باسی كەم، خۆش بەختانە مامۆستا ئەیهان دەست نیشان كراو وە ئەو كاتە یاریدەدەربوو، دیارە ئەم بەناوو تەلەبەیە چاوی بە چالاكییەكانی پەیمانگەدا هەڵ نایەت، لە وەتی ئەیهان بووەتە بەرێوەبەر، پێم باشە چەرتەیەكی بچوكی چالاكییەكان باس كەم: بۆ یەكمین جار مامۆستاو خوێندكارانی كفری لە شاری هەولێر پیشانگایەك بكەنوە وە خودی جەنابی وەزیری پەروەردە ئامادەی كردنەوەی بێت، كردنەوەی پێشانگا لە كۆیە لە خانەقین لە كەركوك، بەشداری لە پێشانگای پایتەختی رۆشنبیر ئیراقی لە شاری حلە 2008، بەشداری لە فستیڤالی دووەم شەهیدی میحراب لە كەربلا 2008، نمایشێكی شانویی لە كۆیە 2009، نمایشێكی شانویی لە كەركوك02008، بەرێوەبردنی یادی ئەنفاڵ و هەڵبجە لە ناو شاری كفری ساڵانە ، رازاندنەوەی چەندین قوتابخانە لە ناو شاری كفری، ئەمانە ئەوەی من پێبزانم.
هەروەها لە رێزبەندی خاڵەكانیدا گوایە باسی گەندەلی دەكات:
یەكەم: نووسیوێتی كوردی نازانی هیوایەتی بەخێر هاتنی مەسئولەكانە لە ئاهەنگەكان وهونەرمەندیش با بۆ خۆی قسە بكات،نازانم ئەمە چی پەیوەندی بە گەندەلییەوە هەیە، یان لە ئاهەنگەكانی پەیمانگەدا ئەگەر بەرپرسانی شارو داموو دەزگا حكومی وحزبیەكان بەرێزەوە ئامادە دەبوون، نەك جاری سەد جار بەخێربین ئیتر نازانم كاكی رەخنەگر بۆچونێكی جیاوازی هەبی بۆ مێوان.
دووەم: نوسیوێتی كورەكەی كردووە بە موعید لای خۆی راست دەكات، بەڵام بۆ نەینووسی وە دوو مامۆستای تریش لە شێوەكاری و یەكێك لە موسیقا تەعین بوونەوە وا خەرێكە یەكێكی تریش لە شانۆو دەست بەكار دەبێت، بۆ نە ینوسی وە چۆن دەبێت مامۆستایەك خەریجی زانستی جیوڵۆجی بێت هەزار واسیتە بكات، تاكو فەرز بكرێت بە سەر پەیمانگەدا، پەندێكی عەرەبی هەیە دەڵێت (عەرب وین وتەنبورە وێن)، بۆ ناڵێت مامۆستایەكی ژنی عەرب خەڵكی حلە كە سفر كوردی نازانی سێ ساڵ مامۆستا بو، بۆ ئەوكاتە زەمیری ختۆكەی نەئەدا.
سێیەم: وەڵامی نادەمەوە.
چوارەم: دەڵێت مامۆستایەكی تەعین كرد بۆ 2 ساڵ دوای دەرچوو تەزوێرە، دیارە نازانێت تەعینات لای وزارەیە نەك بەرێوەبەری پەیمانگە، لەسەر بەرێوەبەر بس لارینەبوونە، ئیتر ئەو دوای ئیشی وزارەتە، بەڵام ئایە ئەزانی لەوەتەی كەشف بووە پەیمانگە ئیجرائاتی كردووە یانا ئەوەیان من نازانم ئەگەر ئەوەندە دڵسۆزە با بەدواداچونی بۆ بكات.
پێنجەم: باس واسیتە ئەكات و خوێندكار بە واسیتە وەر ئەگیرێت، دیارە ئەو بەرێزە خۆی لە بیر كردووە لە كوێ ژیان ئەكات، ئەمرۆی كوردستان چی هەلو مەرجێكی تیا هەیە، دواپرسیاری لێ دەكەم ئەگەر تەلەبەیە وەكو خۆی نووسیویتی سوێندی لای ئەو خوایەی ئەدەم كە خۆی هاواری بۆ كردوو وا دەڵێت بەو خودایەی بێ شەریكە بزانە خۆت وەرگرتنت چۆن بووە ئەگەر تەلەبەی، ئەگەر مامۆستاشی چەند واسیتەت كردووە تاكو گەیشتیتە پەیمانگە، ئیستاش لە گەڵدابێت شەوو رۆژ بەرێوەی بو لای ئەم بەرپرسەو ئەو بەرپرس بۆ بەرژەوەندی تایبەتی خۆت نەك پەیمانگە.
دوا داواكاریم
داواكارم لە بەرپرسانی پەروەردەوە ئیدارەی گەرمیان، هەركەێسك دێت بۆ لاتان وهەندی قسەتان بۆ سەفتە دەكات باوەر مەكەن و خۆتان بچنە سەردانی پەیمانگە بكەن و لە نزیكەوە لە گەڵ مامۆستایان و فەرمانبراندا قسە بكەن رەوشەكە تێبگەن پرسیار بكەن رەئی هەركەسیك بگرن و بزانن كێ دڵسۆزە و كێ دڵسۆز نییە، ئەگەر خەم خۆرێك هەیە، حەتمەن چەند كەسێكی دڵسۆزتان دەست دەكەوێت قسەی لە گەڵدا بكەن و راستیەكان بزانن.