ئاسایشا زاخۆ په‌یامنێر و وێنه‌گر و شوفێرێ كه‌نالێ سپێده ده‌سته‌سه‌ر دكه‌ت
Thursday, 21/01/2010, 12:00
ل ده‌مێ ئه‌نجامدانا كارێ خوه یێ رۆژنامه‌ڤانی ترومبێله‌كا ئاسایشا زاخۆ ل به‌ر تیمێ كه‌نالێ سپێده یێ ئاسمانی راوه‌ستیا و وێنه‌گر و په‌یامنێر و شوفێرێ كه‌نالێ ناڤبری برنه ئاسایشێ و بو ده‌مێ چه‌ند سه‌عه‌تان ده‌سته‌سه‌ركرن.
ئه‌یامنێرێ سایتێ یه‌كگرتوو ل زاخۆ گوت "پشتی باران هاتین و تاخێ كارێز "فرقێ" ژ ده‌ست بێ خزمه‌تگوزاریان نالین، نڤیسینگه‌ها زاخۆ یا كه‌نالێ سپێده، ئه‌ڤرو روژا چارشه‌مبی 20/1 چونه جهێ ناڤبری بو ئه‌نجامدانا راپورته‌كێ و پشتی ته‌له‌فون بو موختارێ وی تاخی كری ژبو پتر رونكرنان، لێ پاشی موختاری ئه‌و ئاگه‌هدار كرن وی ده‌م نینه و وی كومبون یا هه‌ی، پشتی ده‌مه‌كی ترومبێلا ئاسایشێ ل به‌ر تیمێ سپێده راوه‌ستیان و گوتنێ سویار بن" په‌یامنێرێ مه ئه‌وژی گوت "تیمێ سپێده یێ پێكهاتی ژ په‌یامنێر ئیسلام كه‌شانی و وێنه‌گر ئوسامه سندی دگه‌ل شوفێرێ ته‌له‌ڤزیونا سپێده، ده‌مژمێر 11 تا 12:30 هاتنه ده‌سته‌سه‌ركرن پاشی ڤه‌گوهاستنه قائیمقامیێ و گوتنێ دڤێت هوین روخسه‌تێ ژ قائیمقامیێ وه‌رگرن، پاشی بو ده‌مه‌كی مانه ل قائیمقامیێ و ناسنامه و باجێت وان یێن روژنامه‌ڤانی ژێ وه‌رگرتن، پاشی پشتی 15 ده‌قیقا ناسنامێت وان زڤراندن و گوتنێ "هه‌كه هوین ده‌ردكه‌ڤنه كاره‌كی ته‌له‌فونا مه بكه‌ن، هه‌كه جاره‌كێ ئیكی تشته‌ك گوته هه‌وه دا بێژنه مه روخسه‌تا ژ قائیمقامیێ وه‌رگرتی".
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
