ئێكەتى و كۆنگرێ هەڕفاندنێ!!!

Wednesday, 19/05/2010, 12:00

وەكى دهێتە گوتن بریارە (ى،ن،ك) ل رۆژا 1/6/2010 كۆنگرا خو یا سیێ گرێدەت و وەكى باڵێ فاشلێ جەلالى دبێژت، ئەڤە كونگرا رێخستن و پاقژكرنا ئێكەتییە ژ هەمى دەستەگەرى و دوبەرەكێ دناڤ رێزێن (ى،ن،ك) دا ئەگەر ئەڤ گوتنە راست بیت، باشە !!
بەلێ پرسیار ئەوە ئەرێ براستى ئەڤە كونگرا رێخستن و ئێكخستن و پاقژكرنا ئێكەتییە ژ كەسێت گەندەل و خوپەرست و نیژەنكرن و ئامادەكرنا ئێكەتییە بو قوناغا نى یا خەباتێ یان ژى كونگرا لێدانا كەسێت پاقژ و دلسوزە و ژناڤبژنا هەر رەئییەكى جودایە ژ گەندەلیێت جەلال تالەبانى و دارودەستەكێت وى یێت دز و بنەمالا وى یا خو سەپین!!
ڤێگاڤێ نرخاندنا هەر ئەندام و كادرەك ئێكەتى ل هەر ئورگانەكى ئێكەتى لدیڤ ئینتیمایا وى یە بو هەمى گوتن و كریارێت سەركردێ ئاخرزەمان جەلال تالەبانى و بنەمالا وى و ماستاوچیێت بنەمالا جەلالى، لەوما ڤێگاڤێ لدەڤەرا بەهدینا بڤى رەنگى كار دهێتە كرن و هەمى پێكولێت باڵێ جەلالى و ماوستاوچیێت بنەمالا وى لێدانا كەسێت دلسۆز و كادرێت ڕاست و دروستێت ئێكەتییە لدەڤەرا بەهدینا و مخابـن كادرێت ئێتەكەتیێ لسەر هندەك بابەتێت تافهو نە هەژى دهێنە دەركرن و عقوبەكرن، ئەڤى كارى زیانەك مەزن گەهاندییە ئێكەتیێ لدەڤەرا بەهدینا پشتى عیماد ئەحمەد بییە بەرپرسێ مەكتەبا رێخستنێ، ئەرسەلان بایزى، ژمارەیەك كادرێت دەڤەرا بەهدینا ژ ئاستێ كومیتا و حەتا مالبەندى ل هەڤلێرێ دەعوەتكرن و لسەر دەعوەت كرنێ زەما عیماد ئەحمەدى بۆ ئەندام كومیتا دكر، كەچى وێ رۆژێ كومبینا مەكتەبا سیاسى ل هەڤلێرێ هەبوو، بەلێ ئەرسەلان بایزى بەحسێ خرابیا عیمادى بۆ ئەندام كومیتا دكر، عافەرین بو تە ئەندام مەكتەب سیاسى و تەكەتولچى و ماستاوچى و جێگرێ سەرۆكێ پەرلەمانى و.... هەروەسا پشتى هەلبژارتنێت پەرلەمانا عیراق دارودەستەكێت جەلالى دەست هاڤێتنە دژایەتیا ئەوان كەسێت كۆ دەنگدانە (عبدالبارى زێبارى) گوایە عبدالبارى سەر ب (كاك كوسرەت)ى یە. هەروەسا سەعدى پیرێ كەڤنە جاسوسێ ئەبو عودەى چەندین جارا لدەڤ كادرێت بەهدینا دگوت، ئەم ناهێلین تەجروبا نوشیراوانى دووبارە ببیتەڤە و هەر كەسێ تەئیدا كاك كوسرەتى بكەت، دێ هێتە دورخستن و دەركرن.
ژ هەمیێ خرابتر ئەوە ل هەمى دەڤەرا بەهدینا ئێكەتیێ بەس كلكا عارفى و جەمالى گرتیە، هەر چەندە ئەڤە چەندین جارە ئەڤا هەردو تەكەتولچیا دەیكا ئێكەتیێ لدەڤەرا بەهدینا دانەشى، بەلێ چونكى ژڤان ماستاوچیتر بدەست جەلالى و بنەمالا وى ناكەڤن هەر ئەڤەنە نوێنەرێت ئێكەتیێ لدەڤەرا بەهدینا. بو هەلبژارتنێت كومیتا ژى لدەڤەرا باتیفا لایەنگرێت بالێ جەلالى بفیتا مەسئولێ مالبەندێ زاخو هێرش كرنە سەر سندوقێت دەنگدانێ و شكاندن، چنكو دزانى دەر ناكەڤن. ئەگەر ئەڤە خو ئامادەكرنا كونگرەى بیت بو پاشەروژا ئێكەتیێ هەر ڤێگاڤێ لازمە ئەم فاتیحێ ل سەر قەبرێ ئێكەتیێ بخینین.